Villa de Ribafrecha F.C. – CMO Valves Lauburu Ibarra, etxekoek ezustea emateko eta bisitariek boladarekin jarraitzeko
11. jardunaldiak partidu handiaren usaina dakar Errioxako lurraldeetara. Ribafrechako Udal Kiroldegia izango da eszenatokia larunbat honetan, 18:30ean, non CMO Valves Lauburu Ibarra lidergoa defendatzeko helburuarekin bidaiatuko duen. Errioxarrek mailara itzuli berri dira, eta beraien kantxa askotan leku deserosoa bilakatzen da aurkarientzat.
Mikel Diestroren mutilek animo onez heltzen diote hitzorduari, eta albiste on batekin: Morando deialdira itzuli da Otxartaberen aurkako norgehiagokan jokatu gabe geratu eta gero; oreka eta presentzia ematen duen jokalaria da. Aldiz, Unax Iglesias oraindik zalantzan dago, eta azken orduan erabakiko da bere parte-hartzea.
Ibartarrek une gozoan daude. Jardunaldiz jardunaldi jokalariak berreskuratzen joan dira, eta horrek ekarri du gakoa izan den zerbait: errotazio zabalagoak, karga fisiko txikiagoa eta erritmo fisiko hobea. Hala ere, taldeak onartzen du badirela oraindik hobetu beharreko alderdiak. Otxartaberen aurka kalitate handiko minutuak eskaini zituzten, baina berriro ere bideratuta ziruditen abantailei ihes egiten utzi zieten, aurkariari partidan berriro sartzea ahalbidetuz. Deskonexio puntual hori da zuzendu beharreko erronka handienetako bat.
Errioxatik hiru puntuekin itzultzeko errezeta argia da: kontzentrazio osoa, etengabeko ahalegina eta joko nortasuna mantentzea. Horiek dira lidergoari eusteko gakoak. 40 minutuetan zehar lehian irmo eusten badiete, moratuen goiko postua bermatuta egon daiteke beste aste batez.
Partidu gogorra dator… baina ederra ere bai, taldearen benetako maila neurtzeko.
