Pasa den asteko geldialdi honen ostean, Lauburu Nafarrora joango da Ciudad Deportiva Miguel Indurain eraikinean jokatzea, larunbatean 18:00etan. Tafatrans Vulcanizados Ruiz taldeak bigarren itzulia Zierbena liderra bisitatuz hasi zuen, eta bertan berdinketa baliotsu eta txalogarri bat lortu zuen. Lehenengo postuan kokatzen diren taldeen aurka egindako azken lau neurketetatik, hirutan puntuatu du; zein dinamika onean dagoen erakusten du honek. Tafallakoek harrobi sendoa dute eta bertatik lortzen duten lantaldea gaztea da baina esperientzia handikoa. Ramon Navarro, Ibarrako aulkian egon izanagatik ezaguna denak gidatzen du taldea denboraldi honetan. Ibarrakoak, azkenekoan, Pinseque taldearen kontra ikuskizuna eskaini zuten Belabieta kiroldegian. Aste honetako atsedenak, ukituta zeuden [...]

Erkidegoen sub-19 kategoriako selekzioen aurretiko fasea zela eta astebeteko beste geldialdi bat egin ostean, LAUBURU IBARRA MAHALA-k txapelketa berrartuko du Gora Bilbao Redblue taldea jasoz. Partida larunbatean 19:15ean jokatuko da, Belabieta kiroldegian. Bigarren itzuli honen hasierako jarraitutasun falta honek Juananen jokalarien errendimenduan eraginik ez izatea espero dugu, izan ere, berriro lidergoa lortuta oso aurkari motibatuen aurka jokatu beharko baitute. Gora taldearen aurkako azken neurketan ikusi zen, ibarrakoek zailtasun handiak izan zituzten garaipena eskuratzeko garaian. Klubeko beste taldeei dagokienez, LAUBURU ALDAZ KLINIKA, 1go Mailako gizonezkoak, Villabonan lortutako garaipen garbiaren ostean, Arrasateko C.D. Mondrate taldea jasoko dute, egungo liderra sailkapenean. Partida igandean [...]

Gure klubeko azpiko kategoriek berri onak ematen jarraitzen dute. Pasa den astean Euskadi ordezkatuz, Sub-16 kategoriko txapelketara bertako hiru jokalari Valdepeñasera (Ciudad Real) joan zirela ospatu bagenuen, aste honetan, Gasteizen aste buru honetan bertan, jokatuko den Espainiako Sub-19ko txapelketara aurkeztuko den selekzioa, Lauburuko lau jokalariek osatuko dutela ospatu behar dugu. Hautatutako lau jokalariek hauexek dira: Agustin Garmendia eta Andoni Agirrezabala, lehenengo taldekoak eta Ander Zuriarrain eta Iñaki Peña, Ohorezko Jubenilen Mailakoak. Gainditzea oso zaila izango den mugarri bat ezarri dugu; guztira zazpi hautatu izateak, selekzio hauetara jokalarien ekarpena egin duten talde guztien aurretik kokatu da Lauburu. Klubak gertaera hau garaipen [...]

Izugarrizko partida egin gabe, Logroñoko C.D. Valle del Ebro taldeari 0-4rekin gailendu zitzaion 2017 urtea pasa den asteburuan hasi zen Jubenilen Ohorezko Mailako txapelketan, baina Lauburu Mahalari, egutegiaz, atsedena egitea egokitu zitzaion; multzo bakoitia izaki, kategoria osatzen duten zazpi taldeen urte hasierak bigarren itzuli osoaren hasierarekin bat egin zuen. Gure mutilak, gabon oporrak astebete luzatu ostean, Errioxako kapitalera joan ziren txapelketari berriro hasiera emanez; den-dena pasa den irailaren 23an hasi zen toki berberera. Une haietan, talde askok kategoriara egokitzeko hilabete batzuk beharko zituztela genion eta larunbat arratsaldean, errioxarrek jada egokitzen ari direla ikusteko parada izan genuen; jokoaren esparru guztietan hobetu [...]

Festa izan genuen Belabietan larunbatean. Ibarrako koliseora bertaratu zen publiko mordoak (sarrera erdia baino gehiago, azken hilabeteetako onena), osagai guztiak izan zituen ikuskizunaz gozatzeko parada izan zuen, garaipen eta guzti. Lehiak eragiten duen ohiko tentsioarekin hasi zen partida. Bi taldeak aurkariaren kantxa erdian finkatzen zuten beren defentsa, aragoiarrek beren aldaketa-defentsa ezarri nahian eta Lauburu berriz, banako defentsa bikain batekin indartzen. Lehenbiziko minutu hauetan jokoaren kontrola etxeko koadroak izan zuen, Lauburuk berriz, eraso-jokoa jostea lortzen hobeto asmatzen zuen. Honek arrisku handiko aukerak sortu zituen Adrianen atean. Aragoiarrek, bere aldetik, gol-aukerak sortzeko buru-argitasun izugarria behar ez duen bloke horietako bat da, izan [...]

Gabonetako oporrak amaitu eta lehenbiziko jardunaldian atseden egitea egokitu zitzaion taldeari, baina itzuli da berriz txapelketara eta oraingoan, LAUBURU IBARRA MAHALAk Valle del Ebro C.D. errioxar taldearen aurrean jarri beharko du. Partida larunbatean izango da, 16:30ean Logroñoko Gonzalo de Berceo kiroldegian. Espedizio moratua Belabietatik aterako da 13:30ean. Taldeari dagokionez, azpimarratzekoa da, Juanan Rodriguez entrenatzaileak asteko entrenamenduari zalantzakor ekin behar izan diola, norgehiagoka honetarako zenbat jokalari izango dituen jakin gabe. Lehenengo taldearen beharrak asebetetzeko alde batetik, sub-16 kategoriako selekziorako deialdia bestetik edota gripe kontuak, lan-ildoa hankaz gora jarri dute. Hala ere, ez da hori aitzakia, lehenbiziko bi egoerak onuragarriak direla deritzo [...]

Aurreko asteburuan Colo Colo Confort taldearen aurkako partida zaila izan bazen, Lauburuk larunbatean jokatuko duena ez da ahuntzaren gauerdiko eztula izango. Arratsaldeko seietan izango da Ibarrako Belabieta kiroldegian. Moratuen taldeak Pinseque F.S. taldea jasoko du, bi puntuko aldearekin, Colo Colo eta Zierbenaren atzetik hirugarren sailkatua dena, hain zuzen. Moratuek, Aragoiko lurretan, denboraldiko lehenbiziko partidan jasandako porrotaren errebantxa nahiko dute, partida hartan, agian, emaitza hobea lortu ahal zelako (4-2). Kategoriako lantalderik onenetako bat da Pinseque, zalantzarik gabe, eta urtez urte taularen goiko postuetan kokatzen da. 13-14 denboraldian Ligako txapeldun izan zen eta ondorengo urtetan, beti, lehenbiziko lau postuak bete ditu. Beraz, [...]

Lauburu K.E. Ibarra, areto futbol klubaren Gabonetako zozketa Arantxa Beainek irabazi du, 8354 zenbakiarekin. Zozketa urtarrilaren 6ean izan zen. Danon Txokoa tabernako Egoitz Calviño eta Lauburu K.E.-ko Ainhitze Zinkunegik eman die saria ibartarrari. Beste behin ere, elkartetik eskerrak eman nahi ditugu zozketa hau egin ahal izateko jaso dugun laguntza. Arantxa Beain, con el boleto número 8354 ha sido la agraciada en el sorteo de Navidad del Lauburu K.E. Ibarra de fútbol sala. El sorteo se celebró el pasado 6 de enero. La ibartarra recibió el premio de manos de Egoitz Calviño del bar Danon Txokoa  y Ainhitze Zinkunegi en representación [...]

Alvaro Alonso eta Aitor Gurrutxaga jokalariak, Javier Ayerbe atezainarekin batera, urtarrilaren 13, 14 eta 15ean Valdepeñasen (Ciudad Real) ospatuko den Espainiako SUB-16 kategoriako txapelketan, Euskadi ordezkatuko duen selekzioan parte hartzeko deituak izan dira. Aurretiazko fase honetan, Euskadiko selekzioak honako selekzio hauen kontra jokatu beharko du: Extremadura, urtarrilaren 13an; Gaztela Mantxa, urtarrilaren 14an; eta Kanariar irlak, azken egunean, torneoari amaiera emanaz. Kluba izugarri pozten da deialdi hauekin, azpiko kategorietan gure teknikoek egiten duten lan bikaina berretsi baino ez duelako egiten. Gure jokalariei eta selekzioa osatzen duten beste guztiei munduko zorterik onena opa diegu eta Mantxako lurretan emaitza bikaina lortzea desio dugu. [...]

Atzoko partidak sentsazio arraroak utzi zituen Lauburuko kuadroan; alde batetik, posizio-erasoan, beste batzuetan ez bezala, atzokoan asmatzea lortu zutelako, baina beste aldetik, moratuek indartsu agertzen diren esparruan, hau da, estrategia-jokaldietan hiru gol jaso izanak, kategorian sasoikoen dagoen Colo Colo Confort talde aragoiar bezalako baten aurrean puntuak gehitzea ezinezkoa bihurtu zuelako. Etxekoek norgehiagoka honi baja batzuekin egin behar izan zioten aurre, errotazio gaitasuna dezente murriztuz. Alabaina, moratuek esfortzu handia jarriaz eta Xabier Arranz jubenilaren laguntzarekin lortu zuten aurre egitea. Gaztea, denboraldi honetan estreinakoz aritu zen taldean eta minutu bikainak eskaini zizkigun. Partida azkar okertu zen. Bisitarien kuadroak aurreratzea lortu zuen Juanen [...]