Dena aldeko izanik, Ibartarren puntuak hanka egin zuten azken minutuetan. Jubenilen Areto Futbol Nazionaleko kategoria goreneko Tolosaldeako derbiak ez zien hutsik egin larunbat arratsaldean Usabalera hurbildu ziren 400 bat zaleei. Bertan, gure kirolean eskualdeko gazte oparoenak diren asko jokatzen ikusteko aukera izan zen. Partida ikusgarria, non denetatik ikusteko parada izan zen: 10 gol markagailuan, penalti bikoitzak, atezain jokalaria, estrategia-golak, etab., azken finean, gure kirolak dituen osagai guztiak partida ikusgarri batean kontzentratuta. Goleadaz irabazi zuena, eskualdeko areto futbola izan zen.   Bi taldeak aurkariaren atearen bila joan ziren hasiera-hasieratik, nahiz eta Laskorainek eragindako presio altuak Lauburu Mahalak baloia galtzera eramaten zuen. [...]

Partida bikaina, Lauburuk atzokoan jokatutakoa. Alfredo Hualdek gidatuta, gure mutilak seriotasun eta iraunkortasun handia erakutsi zuten; jarrera honek Graccurris errioxar taldeak eragindako zailtasunak saihesten lagundu zien eta bigarren zati bikain batean partida erabakita uzteko trebetasuna izan zuten. Norgehiagokaren hasieran laubururen kuadroa bere defentsa aurkariaren kantxa erdian mantentzen saiatu zen, eta abilezia erakutsi zuen jokaldi honekin, izan ere, Graccurris taldeari baloia ateratzea asko zaildu zion eta aldi berean, baloi-osteak sortzen zituzten errioxarren atean arrisku aukerak sortuz. Orokorrean, jokoaren kontrola etxeko taldearen esku egon zen ia partida osoan. Hala ere, Graccurrisek erakutsi zuen, denboraldian erakutsi duen moduan, oso ondo lehiatzen dakien bloke [...]

Aurreko asteburuan Elgoibarren lortutako berdinketaren ostean, Lauburu K.E. Ibarrak, larunbatean 16:30ean, jasoko du Graccurris F.S., errioxar taldea. Derbi hartan ikusitakoaren arabera, ibartarrak agian, zerbait gehiago ere merezi izan zuten, lehenbiziko zatian bereziki. Taldeak Santurtziren aurrean Belabietan egindako azken berdinketari ere buelta eman nahiko die; partida txarra egin zuten etxekoek egun hartan, kategoriako hondarrekoaren aurka. Alfarokoek, 9 punturekin, sailkapeneko taularen beheko aldean kokatuta daude. Etxean indartu egiten dira eta bertan puntuak irabazten zaleak dira. Bisitari moduan etortzen direnean beren jokoa egiten gehiago kostatzen zaie; horregatik lortu dute puntu bakarra kanpoan. Taktikaz, esan daiteke ez duela erasoa asko lantzen eta bere jokoa [...]

Jubenilen Ohorezko Mailak, zubian atsedenik hartu gabe, bigarren itzuli honetako azken aurreko jardunaldia jokatuko du asteburu honetan, zirraragarria izango den derbia, hain zuzen. Hitzordua larunbatean, Tolosako Usabal kiroldegian, 15:30ean. Bertan aurrez aurre, txapelketan buru diren eta hamarretik bederatzi partida irabazi dituzten bi taldeak: Lauburu K.E. Ibarra Mahala eta Laskorain K.E. Edozein derbi baten aurretik esaten den moduan, ez dago faborito garbirik eta norgehiagoka oso lehiatua eta parekatua izango dela aurreikusi daiteke. Golaren aurrean badirudi Tolosarrak, une hauetan, ibartarrak baino hobeto dabiltzala, baina kantxan zer gerta daitekeen ezin da inoiz jakin. Hiru puntuek duten garrantzia ikusita partida oso interesgarria izango da, [...]

Torrelavegako Marrock-en aurrean garaipen berri bat gehitu du (3-1) Jubenilen Ohorezko Mailak ibilbidea zalantzakor hasi bazuen ere, garbi dago pixkanaka doitzen doala eta jardunaldiz jardunaldi geroz eta zirrara handiagoko partidak eskaintzen dizkiola ikusleari; hau denontzako da ona, baita taldearentzat ere, jardunaldiz jardunaldi aurreratzen baitute. Kantabriako taldea, orain arte ibartarrari puntuak ostu dizkion bakarra zen eta holaxe iritsi zen Belabietara. Fisikoki talde sendoa da, baina gure kirol honen funtsetik urrun dago; hala ere, kategoria hau ez dago apaindura gehiegietarako eta jarrera on bat eta fisikoki maila handiago bat izatea nahikoa da lehiatzeko eta atsekabea sortzeko. Gure mutilak ere, ez daude onenean. [...]

Intentsitate handiko partida izan zen, igandean Elgoibarko IMH eraikinean jokatutakoa; kantxan nagusitu zen parekotasunarekin batera, intentsitatearen tonika gailendu zen norgehiagoka guztian zehar. Markagailua ez bazen mugitu, Zuhaitz eta Endika, ibartar atezainen lanarengatik izan zen neurri handi batean, Debabarrenak bere eraso-jokoan egindako makina jaurtiketa alderatzen jakin izan baitzuten. Lehenbiziko zatian etxeko taldeak pista erditik urrunagoko defentsarekin probatu zuen, ongi landutako bakarkako defentsa aldaketekin erabiliz; Lauburuk berriz, bere euste-lerroa marra banatzailearen inguruan finkatu zuen, eta handik aurrera, bakarkako defentsa landu zuen. Partidaren pisua eta arrisku sentsazio handiagoa norgehiagokaren zatirik luzeenean etxeko koadroari egokitu zitzaion. Hala ere, Lauburuk, bere defentsa lan bikainarekin jakin [...]

Aurreko larunbatean hondarreko den Santurtzi taldearen aurka egindako berdinketaren ostean (emaitzak ezin zuen okerragoa izan), aste honetan Elgoibarrera joatea egokitzen da. Han, Gipuzkoako derbia jokatuko dute Debabarrena Concepto Egille taldearen aurka; igandean 12:30ean Elgoibarko IMH eraikinean izango da. Debabarrenakoek taulako bosgarren postu eroso batean kokatuta daude, Ibarrakoek baino bi postu gorago soilik. Zierbenara egindako azken bidaian, pasa den asteburuan, Concepto Egille taldeak porrota handia jasan zuen; ezin izan zioten eutsi multzoko liderrak ezarritako erritmo fisikoari. Moratuek berriro, etxetik kanporako hiru puntuen bila joango dira. Kasu honetan, derbiak eragiten duen lehiakortasunak amestutako puntu horiek Ibarrara ekartzeko haina indar ematea espero dugu [...]

Zierbenaren aurrean garaipen berri bat lortu ostean, oraingoan Marrock C.D. etorriko da Ibarrara. Kantabriako taldea Lauburu K.E. Ibarra Mahalaren aurren neurtuko da larunbatean 18:30ean Belabieta kiroldegian. Kantabriakoak kategorian debutatzen badute ere, sailkapenean laugarren postuan daude 13 punturekin. Ibartarrak, beste aldetik, sailkapenean liderra dira, Laskorainekin lehia bizian, biak 24 puntu baitituzte. Bi talde hauek hurrengo jardunaldian neurtuko dira. Partida garrantzitsua, beraz, Juananen mutilentzat; hiru puntuak lortu beharrean daude sailkapenean gorenean jarraitzeko eta derbira moralki indartsu iristeko. Hala ere, Torrelavega taldeak ez dizkie gauzak erraztuko, orain arte irabaztea lortu duen talde bakarra baita. Partida hura, bigarren zatian okertu zen Odein kaleratzearekin eta [...]

Taldean bajak izan arren, galipoek partida serioa egin zuten Lauburu Mahala, Jubenilen Ohorezko Maila eta Zierbena, bizkaitar taldearen artean egindako partida ez zen oso parekatua izan. Piparreroek deialdi osoa aurkeztu bazuten (10 jokalari gehi bi atezain), Arkaitz Sisniega, Txubasek gidatutakoek pistako sei jokalari gehi bi atezainekin egin behar izan zieten aurre partidari; jokalari falta, hala ere, ez zen partida serio eta ordenatua ez aurkezteko aitzakia izan. Hutsean mantendu zuten beren atea lehenbiziko zatiaren azken minutura arte, aldageletako bidea hartu aurretik Arrak, bi gol jarraian egin zituen arte. Lehenengo zatian piparreroek ez zuten aurkariaren defentsa ordenatua erasotzen asmatzen eta bitartean, hauek, [...]

Larunbatean Belabietan Lauburuk lortutako emaitza, okerrenetik onena izan zela esan daiteke. Mikelen mutilak ezin izan zuten Santurtzi garaitu, argi geratu zen sailkapenak erakusten duena baino talde hobea dela. Partida, hasi orduko zaildu zitzaien ibartarrei; lehenbiziko hiru minutu bete aurretik, Miguelek, Markelen zerbitzu on batez baliatuz, bigarren zutoinetik sartuta amaitu zuen bisitariek egindako kontra bizkor bat. Gol honek jakindakoa berretsi zuen, alegia, Mati Carrascosaren taldea bere zoritxarreko aldiari buelta emateko eta markagailua garaipenarekin inauguratzeko asmo irmoarekin etorri zirela Belabietara.  28 kanalak egindako partidaren laburpena / Resumen del partido de la mano de 28 kanala Tanto horrek min egin zion ibarrako taldeari; [...]