Larunbatean denboraldiko azken-aurreko norgehiagoka jokatu genuen. Oso partida garrantzitsua zen, erabakigarria izan zitekeelako denboraldi honetan Play Offerako sailkatuko diren taldeak erabakitzeko orduan. Hala ere, goiz hartan bertan Zierbenan gertatzen zenaren mende geunden, gure aurkari zuzenak ere igandean jokatzen baitzuen bere neurketa. Dani, Raul, Gorka, Chuky eta Zalduarekin hasi genuen partida. 2:30. minutuan, aurkariak sortu zuen lehen arrisku jokaldiak markagailua estreinatu zuen gola ekarri zuen (0-1). Hala ere, 3 minutu geroago, lapurreta baten ondorioz, Cecik jaso, eta berdinketa ipini zuen helburua lortzeko borrokan jarraitzeko. 1-1ekoarekin, behin baino gehiagotan egon ginen gauzatzeko zorian. Estrategia jokaldiak ondo ateratzen zitzaizkigun, baina atezain bisitariak gola [...]

Larunbatean Nafarroara itzuli ginen, oraingoan Tuterara, Ligako 28. jardunaldia jokatzera. Gero eta gertuago gaude Play Offeko postuak zein taldeek lortuko dituzten jakiteko ziurgabetasuna argitzetik, eta borroka horren barruan gaudela jakinda, helburua lortzeko gogoa amaigabea da. Dani, Beñat, Gorka, Zaldua eta Txikirekin hasi genuen norgehiagoka, eta pixkanaka, gero eta joko serioagoa sortzen hasi ginen. Horrela, lehen zatiaren erdialdera iritsi ginenerako markagailuak aldeko 0-2koa islatzen zuen. Chukyk eta Ivanek egin zituzten golak, lehenengoa 10:40. minutuan estrategiaz, hegaleko sake baten ondoren, eta bigarrena penaltiz 11. minutuan. Hirugarrenerako beste zerbait itxaron behar izan genuen, baina atsedenaldira joan aurretik iritsi zen, gure 2. zenbakiaren eskutik [...]

Larunbatean Segoviako San Cristobal taldea hartu genuen Belabietan, etxean jokatuko dugun denboraldiko azken-aurreko partidan. Pasa den asteburuan Anaitasunaren aurka galdu ondoren, bagenekien funtsezkoa zela hiru puntu batzea helburuari eusteko, are gehiago kontuan hartuta bi jardunaldi jarraian punturik lortu gabe gindoazela. Horrela, benetan lehiatzeko ideiarekin hasi genuen topaketa, eta hasi eta minutu batera Chukyk markagailua estreinatu zuen aldaratze batean, Gorkak Zalduaren zerbitzura atera jaurti ondoren (1-0). Hala eta guztiz ere, talde bisitariak segundo gutxiren buruan erantzun zuen, taldeko jokaldi on batekin, non beren atezainak ere eskuhartzea izan zuen (1-1). Ondoren, 4. minutuan, Segoviakoak indartu egin ziren korner jaurtiketa batean markagailuan aurreratu [...]

Ostiral honetan, apirilaren 12an, Gipuzkoako senior emakumeen Ligako Play Off-a jokatuko da Belabietan. Bertan, Ligan zehar elkarren aurka jokatu duten, eta, beraz, elkarren artean oso ondo ezagutzen diren lau taldeek hartuko dute parte. Talde horien artean, Lauburu dago; izan ere, garaipenez garaipen, lidergoari eustea lortu dute gure neskek astero. Denboraldi hau azken lehiaketa berezi batekin ixteko helburuarekin, Play Off-a honela antolatu da: 10 mintuko bi zati, baloia kanpora ateratzen denean denbora geldituko delarik. Taulako lehen sailkatuak laugarrenaren aurka jokatuko du eta bigarrenak hirugarrenaren aurka. Beraz, lehenengo kanporaketa 20:00etan hasiko da, eta bertan Lauburu eta Anoeta lehiatuko dira. Ondoren, 20:45ean, Antiguoko [...]

Larunbatean Iruñera joan ginen Ligako 25. jardunaldia jokatzera. Aurrean, etxean nagusitzeko bere arma guztiak aterako zituen aurkari bat genuen; izan ere, erditik behera, sailkapenak eszenatoki ziurgabea isaltzen du, eta beharrezkoa dute batzen jarraitzea. Zentzu horretan, guk ere genituen buruan hiru puntuak, Play Off-eko laugarren postua lortzeko borrokan jarraitzen baitugu. Zierbenak baino puntu bat gehiago izateagatik hura mantentzen jarraitzen dugun arren, Bizkaiko taldea partida bat gutxiagorekin dago gaur egun, asteburu honetan Tudelano Ribera de Navarraren aurka zutena bertan behera geratu zelako.  Beraz, talde bakoitza berea borrokatzeko prest, Dani, Zaldua, Chuky, Ceci eta Rivadullarekin hasi genuen lehen zaria. Baloia jokoan jarri [...]

Larunbatean Bizkaiko Zierbena taldea jaso genuen etxean. Zierbena da, hain zuzen, sailkapenean atzetik estutzen gaituen taldea, eta gu bezalaxe, astero Play Off-eko laugarren postu hori lortzegatik borrokatzen duena. Beti esaten dugu etxeko partidak bereziak direla bizipenak partekatu ahal ditugulako gure zaleekin, baina are bereziagoa zen asteburu honetakoa, kontuan hartuta aurretik Euskal Ligak jokatzen zuela eta klubak kanpaina polita jarri zuela martxan Belabieta betetzeko. Horrela, Arevaloren mutilen garaipenaren ostean, gure txanda iritsi zen. Gogo handiarekin zelairatu ginen, eta batez ete, 3 puntuen garrantziaz kontziente. Dani, Rivadulla, Gorka, Iván eta Chukyrekin hasi genuen lehen zatia. Lehen minutuak oso azkar pasa ziren, [...]

Atzo Zaragozara joan ginen Ligako hogeita hirugarren jardunaldian Full Energia Zaragozaren aurka jokatzera. Kontuan hartuta larunbatean bai gure aurretik dagoen Tafak, eta baita atzetik oso gertu estutzen gaituen Zierbenak garaipena eskuratu zutela, bagenekien hiru puntuak atera behar genituela, bai ala bai. Play Offeko laugarren postu horretatik une honetan ez aldentzea funtsezkoa da astez aste argitara atera dugun motibazio horrekin borrokan jarraitzeko. Zaragozara goiz iristeko oso goiz abitu ondoren, Dani, Raul, Ceci, Txiki eta Ivanekin hasi genuen norgehiagoka. Lehen zati oso ona burutzen ari ginela, 13. minutura arte itxaron behar izan genuen Ivanen eskutik markagailua estreinatzeko. Aurkariak seigarren falta igo zuenez, [...]

Atzo liderraren bisita jaso genuen Belabietan. Areto futboleko ikuskizun on batez gozatzeko gogotsu zeuden zaleekin bete ziren gure harmailak, hain emaitza nabarmenak dituen talde bat jasotzeak sortutako ikusmina zela eta. Dani, Raul, Zaldua, Ceci eta Chukyrekin hasi genuen norgehiagoka, eta lehen minutua gainditu eta 10 segundora, markagailua estreinatu genuen: atezainak Zalduaren jaurtiketa gelditu zuen, baina ez Chukyren ondorengo aldaratzea (1-0). Hain azkar aurretik jartzeak asko lagundu zuen Zaragozakoen kalitatearen aurrean erantzuten, baina, aldi berean, 8. minutuan laugarren falta igotzearen akatsa egin genuen. Lehen zatiaren erdialdea igarota, Taustek liderra izatearen arrazoia erakusten jarraitu zuen, eta berdinketa lortzeko zorian egon zen behin [...]

Larunbatean Ribafrechara (Errioxa) joan ginen Ligako hogeita batgarren jardunaldia jokatzera. Gezurra badirudi ere, 23-24 denboraldiari amaiera emateko atzerako kontaketa iritsi da, eta Play Off-eko helburura ahalik eta lasterren hurbiltzea funtsezkoa da taldearen dinamikaren barruan. Horrela, Marcos, Raul, Gorka, Chuky eta Ivanekin hasi genuen neurketa. Lehen zatian, etxekoek aukerak izan zituzten, eta, besteak beste, Marcosen lanari esker, ezin izan zituzten abagune horiek golak bihurtu. Horrez gain, oraindik hobetu gabe ditugun lehiakortasun-alderdi batzuek gure aldetik ezer azpimarragarririk ez sortzea eragin zuten. Bajek ere ez zuten laguntzen eszenatoki horretan. Horrela, lehen gola aldaratze batean iritsi zen, etxekoen atezainak geldiketa on bat egin ondoren [...]