Atzo gure taldea Belabietara itzuli zen norabidea berreskuratu eta aspaldi ikusi ez dugun bertsio hori izaten saiatzeko asmoz. Bajek gure plantilla baldintzatzen jarraitzen dute, baina dena beste perspektiba batetik begiratzea tokatzen zen: zegoenak, gainerako guztia konpentsatzeko, hain zuzen ere, dena eman behar zuen.
Partida Marcos, Adil, Boli, Ekain eta Oscarrekin hasi zen. Bi taldeek sortu zituzten aukerak, baina 5. minutura arte ez genuen lehen gola ikusi. Ia pistara irten eta ondorengo lehen jokaldian, Chukyk markagailua estreinatu zuen Belabietan, eskuadratik sartutako gol bikainarekin (1-0). Ondoren, Zierbena berdinketa lortzeko zorian izan zen zutoinean amaitu zen jaurtiketa batekin. Gero, Christian zen kontraeraso batean berdina egiten zuena.
Aurretik eustea funtsezkoa zen arren, talde bisitariak atsedenaldirako 10:25era piztu zituen alarmak, ezker hegaletik berdinketa jarriz, borroka batean baloia eskuratu ondoren gure areatik oso gertu (1-1).
Aurrerago, 1xatezain bizkaitarraren aurka egindako zenbait jokaldi, azken honen aldentzearekin amaitzen zuten. Kanpoko taldeak ere izan zuen aurretik jartzeko aukera ona, Christianen falta arriskutsu baten ostean, penalti bikoitzaren puntuan. Markosek, ordea, kanpora ateratzen zuen esferikoa.
Era berean, aurkariak berriro barkatu zuen kontraeraso batean eta, handik gutxira, Bolik aurretik jarri gintuen Adilen paralela batetik jasota, atsedenaldirako 6:18ra (2-1). Berriro heldu zen behar genuen txutea.
Intentsitatea handituz zihoan, eta atsedenaldirako 5 minutu pasatxora, bosgarren falta igo eta talde bisitariak hutsartea eskatzen zuen. Beti bezala, horrek ere argibideak emateko balio zion gure entrenatzaileari. Horren ondoren, Zierbena zen bosgarrena igotzen zuena. Minutu bat geroago, atsedenaldirako 3:20ra, Bizkaikoek arearen ertzean lapurtu zuten, pase on bat iragazi eta partida berdinduz (2-2).
Berdinketaren ostean, oso aukera ona izan zuten ibartarrek. Chukyk area barruan jasotzen zuen eta arratsaldeko lehen golaren antzera jaurtitzen zuen berriro. Oraingoan atezaina iritsi zen, ordea. Halaber, Adil eta Chuky taldea aurretik jartzeko zorian egon ziren. Kolonbiarrak area barruan hartu zuen baloia, baina hura kanpora joan zen berriro.
Orduantxe heldu zen arriskua. Oscarrek seigarren falta egin zuen eta, beraz, penalti bikoitzak mehatxatzen zituen gureak. Marcos zetorren horretarako prestatu zen, baita jaurtitzera zihoan jokalaria ere. Momentuko urduritasun ulergarria medio, punterian huts egin eta markagailua ez zen mugitu, atsedenaldira 2-2koarekin iritsiz.
Aldageletatik itzuli ondoren, Oscar, Adil, Christian, Iker eta Jorgerekin hasi ginen. Bigarren zatiko lehen minutuetatik zerbait azpimarratzekoa bada, atezainen lana da. Gero, Eñautek gola dago, 6:40 minutuan. Bolik ondo ikusten zuen Chuky, eta honek Eñauti pasatzen zion, area barruan bikain kokatuta baitzegoen (3-2). Gure Euskal Ligako gazteak meritu handiz jartzen gintuen aurretik.
Handik 2 minutura, ez ginen fin ibili defentsan eta inork itxi ez zuen kanpoko jaurtiketa batekin ezustean harrapatu gintuzten (3-3). Dena den, aurretik jarri ahal izan ginen penalti puntutik egindako estrategia jokaldi batean. Christianek Chukyri pasatzen zion, baina honek ez zuen asmatzen.
Azken txistua entzuteko 40 segundo falta zirenean, Zierbenako entrenatzaileak hutsartea eskatu zuen 5-eko jokoaren alde egiteko, Ibarratik 3 puntuak eramateko asmoz. Ez zuten lortu, ordea, eta Jotak ere dena ematea erabaki zuen. Erabaki egokia izan zen, 6 segundoren faltan garaipena lortzeko zorian egon baikinen. Nahi eta ezinean murgilduta, ez zen gehiagorako astirik izan eta neurketaren amaierara iritsi ginen.
Puntu 1 berreskuratu dugu, baina funtsezko beste bik egin digute ihes. Defentsako akatsak barkaezinak dira oraindik, eta hortik ikasi behar dugu, hurrengoan inoiz baino gogo handiagoa izan dezagun hori guztia gure planen barruan sartzen ez dela erakusteko.
Atzoko topaketa emozioen errusiar mendi bat izan zen eta hori kudeatzen jakin behar dugu horren beste aipatu dugun eta horren beste faltan botatzen dugun bertsio hori atera ahal izateko.
Datorren larunbatean, gehiago eta hobeto. Dena emango dugu postuak igotzen hasteko!! GOAZEN LAUBURU!!!!
