Moratuen erakustaldia Belabietan: Lauburuk hamar eta bi irabazi dio Entrerríos Automatización taldeari Bigarren B Mailako seigarren jardunaldian, CMO Valves Lauburuk erakustaldi borobila eskaini zuen Belabietako harmailen aurrean. Etxekoek Entrerríos Automatización zapuztu zuten 10 eta 2ko markagailu argitsu batekin, eta hori guztia Caruso, Pol eta Unax Iglesiasen bajekin aritu arren. Hasieratik argi geratu zen Diestrok zer nahi zuen: erritmoa jarri, aurretik jarri eta partidaren kontrola eskuratu, oldarkortasun eta zehaztasun handiz. Eta ez zuten denbora galdu —minutu bat igaro orduko, Rafa Usínek lehen gola sartu zuen maisutasunez. Berehala, Morandok eta Víctorrek festarekin bat egin zuten, bi minutu eskasetan beste bi gol sartuz. [...]

CMO Valves LAUBURU, garaipen boladarekin jarraitu nahiko du, behar handia duen Entrerríos Automatización baten aurkako norgehiagokan. Belabieta prest dago CMO Valves Laubururen denboraldi hasiera bikain honen beste atal bat bizitzeko. Larunbatean 18:30ean jokatuko da norgehiagoka, aurrean izango duelarik Entrerríos Automatización, bigarren B mailako II. multzoko azken sailkatua. Mikel Diestroren mutilak sasoi bikainean eta porrotik ezagutu gabe iritsi dira bost jardunaldi ondoren. Hirugarren garaipen jarraia eskuratu nahiko dute sailkapenaren goiko postuetan sendotzeko. Ez da, ordea, bide erraza izango: astea gogorra izan dute, asteazkenean Kopako partida lehiatu zuten Bilbon eta aurreko asteburuan borroka fisiko handiko norgehiagoka izan zuten Zaragozan. Nekea pilatu den [...]

Pasa den asteazkenean, Errege Kopako partidan, Valentino Caruso gure jokalariak kolpe gogorra jaso zuen ezkerreko alboan. Hasierako minari aurre egin eta partidua amaitu egin zuen hala ere. Hurrengo egunean, mina areagotu egin zela ikusita, Asuncion klinikara jo zuen eta bertan ospitaleratu egin zuten lesioaren nondik norakoak aztertu bitartean. Azkenean, medikuek ezker giltzurruneko 2. mailako traumatismoa diagnostikatu zioten. Gaur goizean jaso du alta Carusok, sintomak arindu ostean. Hala ere, 7 egunetan erabateko atsedena hartu beharko du, eta ondoren, pixkanaka, jarduera berreskuratzen hasiko da, azterketa mediko berrien arabera. Eboluzioa oso ona izan du, eta larunbateko beldurra gaindituta, pozik gaude Valen ondo dagoelako. [...]

CMO Valves Lauburuk garaipen garrantzitsua lortu zuen etxetik kanpo Ligako bosgarren jardunaldian, aurkari borrokalari baten aurka irabazita. Sala Quintoren aurkako norgehiagoka fisikoki oso gogorra izan zen, eta Diestroren gizonek ahalegin izugarria egin behar izan zuten. Hasiera zaila izan zuten piparreroak: lehen minutua bete aurretik, Lauburuk bere atean sartutako zoritxarreko gol batekin aurretik jarri ziren etxekoak. Hala ere, ez ziren urduritu bisitariak, alderantziz: lasaitasunari eutsiz, Sala Quintoren presio biziari aurre egiten jakin zuten. Etxekoek jabetza kontrolatu nahian bosteko jokoa erabili zuten, eta horrek erritmo bizia ekarri zuen. Bilbon asteazkenean jokatutako Kopako norgehiagokaren nekea oraindik hanketan zutelarik,Lauburuk esperientziaz eta pazientziaz jokatu zuen, [...]

Ligako bosgarren jardunaldiak emozioz beteriko norgehiagoka ekarriko du: Sala Quinto eta CMO Valves Lauburu Ibarra aurrez aurre izango dira larunbat honetan, Quinto herriko udal kiroldegian. Bi taldeak sasoi onean daude eta goiko postuetan finkatzeko asmoz helduko dira partidan. Etxeko taldeak, indartsu eta sendo agertzen da bere kantxan, eta horrela izaten jarraitu nahiko du. Zierbanaren aurkako garaipena eta Tausteren aurkako derbian lortutako berdinketa horren adibide dira, eta oraindik ez dute porrotik jasan euren zelaian. Gainera, iazko denboraldiko neurketaren oroitzapenak —Ibartarren garaipen argia— motibazio gehigarri bat dakar, etxean errebantxa hartzeko gogoz baitaude. CMO Valves Lauburukoek, berriz, esfortzu fisiko handia pilatuta helduko dira [...]

Partida bizia, dardaratsua eta Kopa usainez beterikoa izan zen asteazkeneko Otxartabe eta CMO Valves Lauburu taldeen arteko norgehiagoka, Errege Kopako bigarren kanporaketan. Mikel Diestrok zuzentzen duen taldea animotsu atera zen Gorka eta Raul berriz taldera itzuli izanagatik, nahiz eta Polen hutsunea oraindik nabarmena izan. Hasiera ezin hobea izan zuten ibartarrek. Lehen bost minutuetan euren erritmoa ezarri zuten eta Otxartabe estu hartu zuten, baloia buruargitasunez mugituz eta aukera ugari sortuz. Jokoaren agintea erabatekoa zen, jokoa ia osotasunean, etxekoen pistako hogei metroetan garatzen ari zen, eta hauek nekez ateratzen ziren presiotik. Baina nagusitasun horren erdian, 9. minutuan Otxartabek bisitarien atera lehenbiziko jaurtiketa [...]

  Tentsioa, lehia eta ilusioa izango dira protagonista datorren asteazkenean, hilak 8, 20:15ean Bizkaiko lurretan, CMO Valves Lauburu Ibarrak CD Otxartaberen aurka jokatuko baitu Errege Kopako bigarren kanporaketa, partida bakarrera eta emozioz beteta. Etxekoek, oraindik ez dute garaipenik lortu euren pistan —Antiguokoren aurka galdu eta Pinsequeren kontra berdindu zuten—, beraz, zaleei lehen garaipena eskaintzeko asmoz zelairatuko dira. Piparreroek, berriz, kanpoan lehen garaipena bilatuko dute, Belabietatik kanpo orain arte berdinketa bana egin baitute. Lehia handiko aurrez aurrekoa izango da, goiko postuen eta igoera faseko playofferako hautagai nagusiak diren bi taldeen artekoa. Diestroren jokalariek badakite, garaipen batek hurrengo fasera eramateaz gain, taldearen [...]

Vincenzoren ilusioarekin eta Belabietaren bultzadarekin, CMO Valves Lauburu Ibarrak larunbata morez margotzea nahi du. Belabietako pabiloia areto futboleko arratsalde berri baterako prestatzen ari da, ligako laugarren jardunaldia jokatuko baita. Bertan, CMO Valves Lauburu Ibarrak F.S. Albelda hartuko du, asko jokatzen den lehia batean, nahiz eta oraindik txapelketaren hastapenetan egon. Errioxarrak, etxean Segoviako taldearen aurka izandako porrotari buelta emateko asmotan etorriko dira Ibarrara. Albeldakoek oraindik ez dute garaipenik lortu etxetik kanpora, eta Belabieta bezalako eszenatoki zorrotz batean lortzen saiatuko dira. Bestalde, CMO Valves Lauburu Ibarrak Valentzian, hiru puntuak ez, baina lortutako berdinketa ona eta gero, moral altuarekin egingo dio aurre neurketari. [...]

Areto futboleko goiz bizia izan zen igandean Picassenten, non CMO Valves Lauburuk eta etxeko taldeak 4nako berdinketa ikusgarria sinatu zuten ligako hirugarren jardunaldian. Partidua zapore gazi-gozoarekin amaitu dute moreek: neurketa ia osoan nagusi izan arren, azken ukitua falta izan zaie, batez ere atezain valentziarraren lan bikainagatik eta une erabakigarrietan defentsan izandako hainbat akatsengatik. Lehen zatia orekatua izan zen, bi taldeek defentsan sendo aritu baitziren, erasoari bideak itxiz eta kontraerasorik ia utzi gabe. Sergiok Laubururen aldeko lehen gola sartu zuen, bere jaurtiketa baten aldaratzea baliatuz (0-1), baina poza laburra izan zen: hogei segundo eskas geroago, Picassentek berdinketa lortu baitzuen. Diestro entrenatzailearen [...]