Partida zirraragarria, zalantza emaitzan eta puntuen partiketa azkenean. Kategoria salbatzeko aurrera pauso bat izan bada ere, amaitzeko lau minutu faltan gureak 2-4 irabazten zihoazela jakiteak, zapore gazi-gozoarekin geratzea eragin zuen. Ibarrak norgehiagoka defentsa pista erdian ipiniz hasi zuen, jokoa aurrera zihoan heinean aurreratzeko asmoz. Santurtzik, bere aldetik, ibartarren baloi irteera presionatzen saiatzen ziren. Moratuek, atzo txuriz, hasierako jokaldi hauetan erasokorrago egon ziren eta lehenbiziko arrisku egoerak beraiek sortu zituzten. Beñat, Javi Saldise, Andoni Zumeta eta Ioritz markagailua estreinatzeko zorian egon ziren, baina lehenbiziko minutu hauetan ez zuten asmatzea lortu eta honek Santurtzi hauspotu zuen erasoan. Lehenbiziko zatiaren erdian indarrak orekatuak [...]

LAUBURU K.E. IBARRA MAHALA, Jubenilen Ohorezko Mailak, aurreko asteburuan irabazi eta oraingoan berriro etxean jolastu beharko du, Kantabriako Marrock C.D. taldearen aurka. Partida gaur izango da Belabieta kiroldegian 18:00etatik aurrera. Ligaren amaiera zirraragarria izaten ari da, titulua lortzeko faborito direnak, beren partidak irabazten ari baitira. Jardunaldi honen ondoren txapelketa eten egingo da astebetez, aste santuko oporrak direla eta. Itzuleran, txapelduna ezagutzeko bi jardunaldi besterik ez dira geratuko, baina jakina, aukera hori izateko gaurko partida irabazi beharra dago. LAUBURU ALDAZ KLINIKA, gizonezkoak, Zaldibiako pista zailean galdu bazuten ere, titulurako play-offean sartzeko aukerekin jarraitzen dute oraindik. Atzokoan final berri bat jokatu zuten [...]

Larunbatean Lauburu K.E. taldeak jokatu beharko duen partida oso garrantzitsua izango da. Santurtziko udal kiroldegian izango da, 18:15ean. Bizkaitarrak, 24 punturekin, sailkapen taularen hamahirugarren postua betetzen dute, jaitsieratik 3 puntura besterik ez, eta moratuengana hurbiltzen eginahalak egingo dituzte. Bost norgehiagoka besterik ez dira falta lehiaketa amaitzeko eta Lauburu K.E., 21 punturekin jaitsiera markatzen duen Gracurris taldetik 7 puntura dago momentu honetan. Ondorioz, Santurtzin jokatu beharreko partida hau irabaztea berebizikoa bilakatzen da; errioxar taldearen porrotak kategoria salbatuko lioke. Taldea Santurtzira doa lehenbiziko itzuliko berdinketa hura ordainetan hartzea eta batezbestekoa lortzea; orduan ez zuten-eta, partida ona jokatu. Aurreko asteburuan Belabietan, A.D. San [...]

Jubenilen Ohorezko Mailak ez du amore eman eta Zierbenari 5-1 irabazi dio Batzuetan, gauzak errepikatzen direnean, kasualitaterik ez dagoela pentsaraztea eramaten gaitu, gertakizunak zerbaitek eraginda izaten direla. Gure jubenil gazte oparoei kontrako eztarritik joaten zaie kategorian hondarrean dagoen taldea. Sailkapenaren arabera bi taldeen arteko aldea handia bada ere, haien aurka jokatu eta irabazi dituzten lau partidetan, markagailua bereganatzeko maila handiagoko beste edozein taldeekin baino zailtasun handiagoak izan dituzte. Zierbenak oso talde gaztea du, partida guztietara lauzpabost kadete eramaten ditu eta jarraipena emanez gero, mutil hauek etorkizunean emaitza hobeak eskaintzeko aukera izango dute. Ibarrako lantaldeak ere, etorkizunera begirako egitura du, behin [...]

Porrota mingarria atzokoa; lehiakor agertu eta azkenera arte borrokatu bazuen ere, une zehatz batzuetan inspiratuago agertu zen aurkari bat nagusitu zitzaion Laubururi. San Juanek egindako lehenbiziko tantoa erremontatu ostean, moratuek ez zuten 2-1eko errenta mantentzen asmatu eta 3-4ko emaitzarekin galtzera iritsi ziren. Norgehiagoka bi taldeak beren ideien araberako defentsa eginez hasi zen; Lauburu aurkariaren zelaira arrimatzen zen nafarren baloi irteera ekidin asmoz, eta San Juan aldiz, pista erdian zain geratzen zen ondoren trantsizio azkarren bidez ateratzeko. Lauburu oso ongi sartu zen partidan, aurkariak baino trebetasun handiagoa erakutsiz elaborazioan, honela, lehenbiziko aukerak moratuentzako izan zirelarik. Alta, lehenbiziko zatiaren erdialdean, nafarrek biziago [...]

Garaipen bikaina Lauburu Aldaz Klinika emakumezkoen taldeak Idiazabal K.E. taldearen kontra lortu zuena; partida bakar bat ere galdu gabe sailkapenenean liderra da Idiazabalgo taldea. Norgehiagoka asteazkenean izan zen eta 2-1eko emaitzarekin amaitu zen. Olatzen neskak intentsitate handiarekin jokatu zuten eta merezitako garaipena lortu zuten. Emaitza honekin, taldeak bigarren postua ziurtatu du eta honek, tituluaren bila, finalaurrekoa jolasteko aukera emango dio. Ibarran izango da. LAUBURU K.E. IBARRA MAHALA, Jubenilen Ohorezko Maila, txapelketan hondarrean dagoen Zierbena C.D.F. jasoko du. Partida larunbatean, izango da Belabieta kiroldegian 16:15etik aurrera; eta ondoren, 18:30ean lehenbiziko taldeak partida erabakigarri bat jokatuko du Iruñeko San Juan taldearen aurka. [...]

Pasa den igandean Donostian lortutako garaipenaren ostean, Lauburu K.E. Belabietara itzuliko da partida garrantzitsu bat jokatzera eta Monsen lortutako garaipena berrestera. Aurrean, C.D. San Juan nafarra, ibartarrak ongi baino hobeto ezagutzen duten taldea. Hamaika aldiz neurtu dira elkarren artean eta ustekabean harrapatzea zaila izango da. Momentu hauetan, moratuek jaitsieratik 7 puntura daude, baina horrek ez du esan nahi kategoria libratu dutenik, oraindik asko geratzen baita. Sei jardunaldi gogor denboraldia amaitzeko eta bertan, helburua lortzearen alde, talde guztiak %200 emateko prest. Iruñako taldea zortzigarren postu eroso batean dago, bosgarren sailkatuetik soilik, 6 puntura. Denboraldiaren zati handienean taularen goiko postuetan egon da, [...]

Gazte oparoak 0-5 gailendu dira probintziatik kanpoko azken irteeran Ez Bilboko arratsalde ekaiztsuak ezta partidaren ordutegiak ere, ez zuen lortu ibartarrak arreta galtzea; aurkariari ez zioten inolako aukerarik eman nahiz eta hauek, ez ziren partidatik aldendu inongo momentuan eta era guztietara saiatu ziren. Lauburuko Ohorezko Jubenilak, jardunaldi askoetan gertatu ez den bezala, La Peña auzoko Abuso kiroldegira lantalde osoarekin agertu ziren, 14 jokalari joan ziren Bilbora beroketaren ondorengo deialdia ixtera; eraikinaren egoera tamalgarriak eragindako itoginak zirela eta, aurreko partidak atzeratu eta 15 minutura gutxitu behar izan zuten beroketa denbora. Ez dirudi bizkaitar instituzioek pista erdialdean dauden hiru itogin handi horiek [...]

Ikuskizun ederra, Donostiako Monseko kantxan ikusteko aukera izan genuena. Bertan, ikusle ugariren aurrean, Bigarren B Mailako bi talde Gipuzkoar neurtu ziren. Ibarra, jokoan zeuden puntuen garrantziaz jabetuta, jokoaren hainbat esparruetan duen nagusitasunaz baliatuz eta Arros eta Txipiren etorrerarekin indartuta, partida bere aldera eraman zuen, aurkaria une zehatzetan joaz. Partida derbi baten tentsio logikoarekin hasi zen; bi taldeak beren defentsak aurkariaren erasoari gailendu nahian ibili ziren. Lauburuk, Inter taldearen pibot jokoa zaildu nahian, bere defentsa kantxa erdian kokatzen zuen bitartean, donostiarrak goian presionatzen saiatu ziren. Hasiera-hasieratik, Lauburu arriskutsu agertu da Jorgeren atean, erasoak trebetasunez landuz eta Interrek ezarritako presioaz erosotasunez libratuaz. [...]

LAUBURU K.E. IBARRA MAHALA, Bizkaiko hiriburura joango da asteburu honetan, Gora Bilbao Redblue taldearen aurka jokatzera. Partida, La Peña auzoan dagoen Abusu kiroldegian izango da, gaur, larunbata, 20:30etik aurrera. Ordutegi hau dela eta, moratuen espedizioa Belabieta kiroldegitik 17:45ean abiatuko da. Txapelketako etenaldi berri honen ostean, berriro bertan sartzea tokatzen da, ligako tituluaren lehian jarraitzeko. Bost jardunaldi besterik ez dira geratzen, eta tartean, oporrak direla eta, beste etenaldi bat. Gauzak horrela, partidaz partida, hirunaka gehitzen joan beharko da, azken jardunaldietara irabazteko aukerekin iristeko. Azken hiru jardunaldi hauetan estropezu txikiena ere, garesti ordaindu beharko dugu. Juananen mutilak, helburuak lortzeko bidean, bere aldetik [...]