Larunbateko arratsaldean puntu bat baino gehiago lortu zuen Lauburuk. Berdinketa honek irakurketa baikorra du: Mikelen mutilak ez bazuten arratsalde ona izan ere, beren fede apurtezin hori erabili zuten erabakita zegoela ematen zuen emaitza baten aurrean altxatzeko. Aurrera egiteko eguna atzo izan bazen, esan behar, Lauburuk egin zuela, berandu izan bazen ere; BigMat Fontecha Juventud del Círculo talde on batek markagailuan gainditu eta gero. Talde honek landutako bloke egonkor bat dela erakutsi zuen Belabietako kantxan. Neurketaren hasieran bisitariek atzean zain egon ziren eta Lauburuk berriz, defentsa aurkariaren kantxan jarri zuen. Presioan asmatzeak nagusitasuna etxekoei eman zien eta eroso ibili ziren pistan. [...]

Aurreko asteburuan Guadalajaran jasandako porrotaren ostean, ibartarrak garaipena zer den dastatu nahi dute berriro. Oraingoan, 18:00etatik aurrera izango da, Belabieta kiroldegian, garaipen guztiak suertatu diren tokian, hain zuzen. Taldeak Burgosko Juventud del Círculo jasoko du, 26 punturekin bederatzigarren postu erosoan kokatzen dena. Zierbenari etxean 2-0 irabaztetik dator. Joaneko partida Burgosko lurraldean parekatua izan zen, bertakoek 4-3 estu batez irabazi zutelarik. Ikusitakoa ikusita eta moratuen garaipenaren beharrari begiratuta, partida hau oso garrantzitsua da. Mikel entrenatzaileak taldearen eboluzioarekin asebeteta sentitzen dela dio, partidei aurre egiteko duten egoera ikusita, gehienbat. Bajak eta lesioak taldearentzat zama handia bilakatu dira eta azpiko kategorietako jokalariak igo [...]

LAUBURU K.E. IBARRA MAHALA Kantabriara joango da inauterietako larunbatean, Club Futbol Sala Castro Urdiales taldearekin neurtzera. Partida Peru Zaballa eraikinean izango da, 17:00etan. Moratuen espedizioa 13:30ean aterako da Belabieta kiroldegitik. Aurreko jardunaldiko porrotaren ostean, eta jokalarien animoak jasandako kolpea eta gero, aste honetan misterrak izan duen lehenbiziko lana jokalariak animatzea izan da; talde moduan hazten jarraitzea eta astero-astero lehiatzea tokatzen da. Inauteri usaina duen aste honetako aurkaria, gainera, hirugarren sailkatua da; oso zaila jarriko digu. Onena, partidan zentratzea izango dugu, ez badugu beste kolpe bat jasota itzuli nahi. Lesioei dagokienez, Odeik, Huicik eta Josuk ezin izan dute entrenatu aste guztian [...]

Asmatze ezak, ibartarrak Laskorainen aurrean 3-4eko porrotera kondenatu zituen. Larunbat arratsaldean beste Derbi zirraragarri bat bizi izan genuen Belabietan. Jubenilen Ohorezko Mailako 3. multzoan liderrak diren bi taldeak eta puntuetan berdinduta daudenak, Belabietan izan ziren denboraldi honetan jokatuko diren lau partidetatik hirugarrena jokatzeko. Lehenbiziko zatiak ahoa bete hortz utzi gintuen. Ibartarren jokoak, maila taktikoan, Tolosakoen defentsa jakean jarri zuen, jokoaren fase guztiak irizpide onarekin kudeatuz abantaila sortu eta markagailuan 3-0ekoarekin islatuz. Alex, Alvaro eta Arraren golekin lortutako errentak, nahiz eta taldeak oso ondo jolastu zuen, zapore gazi-gozoa utzi zien etxekoei. Elektronikoan gure kontrako abantaila zegoenean, Lauburuk penalti bat eta bi [...]

Zigor handiegia jaso zuten ibartarrek Mantxako lurraldetan. Mikel Diestroren mutilak Guadalajarara ilusioz beteta abiatu ziren, taldearen bolada txarrari buelta emateko gai zirela ziurtasun osoz. Alta, oraingoan ere, egindako akats puntualek, jokoan gainditua izan ez zen Lauburu bat kondenatu zuten berriro. Aurkaria ez zen aipatu norabide aldaketa egiten hasteko talderik egokiena, hala ere. Guadalajarak asteak daramatza dinamika onean eta horren ondorioz Zierbenarekin hiru puntuko aldea bakarrik izatea lortu du; Gabonetako atsedenaldian ezinezkoa zirudien gauza. Aurkariaren zailtasuna gutxi ez eta epaileak atezain-jokalariaren kamiseta erabiltzen utzi ez izana ere, jasan behar izan zuten; honek partidako planteamendua oraindik gehiago zaildu zuen. Gertatutakoaren aipamena egiten [...]

LAUBURU K.E. IBARRA MAHALAk Tolosako Laskorain K.E. jasoko du, ko-liderra sailkapenean, zirraragarria izango den derbia jokatzeko. Partida gaur larunbatean jolastuko da Belabieta kiroldegian, 17:30ean. Aurreko bi norgehiagoketan gertatu den moduan, bi taldeen afizioak harmailak betetzea espero da, eta emaitza edozein izanda ere, areto futbolak irabaziko du. Sailkapenak erakusten duena da, bi taldeen arteko berdinketa erabatekoa dela; 16 jardunaldi igaro ondoren, bi taldeak 14 garaipen eta bi porrota izan dituzte. Honek sailkapeneko lehenbiziko bi postuetan kokatzera eramaten ditu, 42na punturekin. Ibarrako taldean izango diren bajak partida egunera arte zalantza sortuko dute. Lehenengo taldearen egoera zailaren ondorioz, jubenil taldetik hainbat jokalarik (ohikoez [...]

Laugarren sailkatua bisitatuko du Lauburuk, C.D. Escuelas Ciudad Guadalajara, bertako Udal kiroldegian, 20:00etan. Talde honek 34 puntu pilatu ditu eta lehenengo hiru sailkatuen inguruan dabil, zelatan; hutsegiterik txikiena aprobetxatuko du sailkapen taulara gehiago hurbiltzeko. Mantxako talde honen dinamika oso ona da, hots, azken bost partidetatik lau irabazi ditu eta azken jardunaldian, Zierbenaren etxean, berdinketa lortu zuen. Ibartarrak oraindik ez dute etxetik kanpora garaipena lortu, baina merituak pilatzen ari dira eta edozein egunetan iritsi daitekeela pentsatzera eramaten gaitu. Kontuan hartu behar da, lantaldea, lesionatu kopurua dela eta, murriztua dagoela, baina moratuek beti aurrez joan dira partidetara eta talde gazte honetan balio [...]

Talde-jokoa indartuz etxetik kanpora 0-4ko emaitza irmoa lortu zuen. Baldintza onenean egon gabe bidaiatu behar izan bazuen ere, taldeak denboraldiko partidarik osatuena egin zuen; defentsa neurtua eta erasoa ordenatua, azken segundora arte puntuak askatu nahi izan ez zituen aurkari zail baten aurrean. Denboraldiko bidaiarik luzeenak ez zituen oroitzapen onak eskaintzen, Torrelavegan galdu zituztelako denboraldiko lehenbiziko puntuak; honi, Bigarren B Nazionaleko baja kopuru handiaren eraginez, astean zehar izandako zailtasunak gehitu behar zitzaizkion, gainera. Lehenbiziko zatiko bigarren minutuan, urtean beste hainbat alditan bezala, markagailua irekitzea lortu zuten moratuek; oraingoan Josuk sartu zuen, landutako jokaldi batekin, eta gol hau primeran etorri zitzaien ibartarrei. [...]

Ibarrak porrota berri bat jasan zuen Castellóko Segorbe bisitatzera joanda. Ez zen beste porrota bat gehiago izan; talde honen ezaugarrietako bat partida bakoitza borrokatzea da, zorte txarrari aurre eginez mila bider. Zorte txarra, lesio mordoagatik, baina hala eta guztiz ere, markagailuan bi aldiz aurreratzea lortu zuen talde gazte honek, kategoriako aurkaririk onenetako baten aurrean. Alabaina, beste behin ere, zorteak ez die ibartarrei lagundu, inoiz amore ematen ez duen taldeari entzungor egin zion. Deialdia osatzeko arazo handiak izan ziren; Aitzol, gure kapitaina ere, bere kideen laguntzaile moduan joan zen (bloke moratuan norainoko konpromisoa dagoen erakusten du). Egoera horrela, Lauburuk jokatu behar [...]

Oraingoan LAUBURU K.E. IBARRA MAHALA Kantabriara joango da Marrock C.D. taldearen aurka neurtzera, sailkapeneko laugarrena, hain zuzen. Partida gaur, larunbatean jokatuko da, 16:30ean Torrelavegan. Ordutegi hau dela eta, taldeak goizean abiatu beharko du Torrelavega inguruan bazkaldu eta neurketara ahalik eta baldintza onenen iristeko. Beraz, autobusa goizeko 10:30ean aterako da Belabieta kiroldegitik. Taldeak garaipen boladarekin jarraitzen du, baina seriotasun handiarekin jokatu beharko du oso erraz jarriko ez dion aurkari gogor honen aurka jokatzerakoan. Lehenbiziko itzulian, jada, ibartarrak Kantabriako kantxan utzi behar izan zituzten hiru puntuak eta itzulerako partidan berriz, lan asko egin ondoren geratu zien puntuak Belabietan. Lehenengo taldearen egoerak ere, [...]