Larunbatean Belabietan Lauburuk lortutako emaitza, okerrenetik onena izan zela esan daiteke. Mikelen mutilak ezin izan zuten Santurtzi garaitu, argi geratu zen sailkapenak erakusten duena baino talde hobea dela. Partida, hasi orduko zaildu zitzaien ibartarrei; lehenbiziko hiru minutu bete aurretik, Miguelek, Markelen zerbitzu on batez baliatuz, bigarren zutoinetik sartuta amaitu zuen bisitariek egindako kontra bizkor bat. Gol honek jakindakoa berretsi zuen, alegia, Mati Carrascosaren taldea bere zoritxarreko aldiari buelta emateko eta markagailua garaipenarekin inauguratzeko asmo irmoarekin etorri zirela Belabietara.  28 kanalak egindako partidaren laburpena / Resumen del partido de la mano de 28 kanala Tanto horrek min egin zion ibarrako taldeari; [...]

Iruñean San Juan C.D. taldearen aurrean gutxiengatik galdu ondoren, moratuek Santurtzi F.S. taldea jasoko dute larunbatean, Belabietan, 16:30ean. Bizkaitarrak konpetizioan azkenak dira une hauetan baina horrek ez du partida erraztuko. Mikel Diestroren mutilak egoki ulertu beharko dute partida, bi ahoko arma bilaka daitekeelako. Azken jardunaldian, esateko, Pinseque F.S. taldearekin batera lidergoa duen Zierbena F.S. ahalguztidunaren kontra 3-4 estu batekin erori zen, etxean. Ezkerraldeakoek urte asko daramatzate kategoria honetan lehian, eta denboraldi honen aurrean, hainbat aldaketa burutu dituzte, bai lantaldean eta baita aulkian ere. Lauburuk dinamika ona darama etxean jolastean, puntuak Ibarran geratzen baitira; kanpoan jolastean, partida onak burutzen badituzte ere, [...]

Hamaikagarren jardunaldia izango da Jubenilen Ohorezko Mailako mutilentzat eta larunbatean jokatuko da, 18:30ean, Belabietan. Zierbena C.D.F. taldea jasoko dute, zazpi punturekin sailkapeneko seigarren postua betetzen duena. Aurreko asteko partidan egoera zailak gainditzeko ikastaro azkarra pasa eta garaipena lortu ostean, Juananek gidatutako jokalariek, norbanakoen zein taldearen hazte prozesuarekin jarraitzen dute. Larunbat honetan aurrera egiteko aukera berri bat izango dute, aurkariek, sailkapenean atzetik joanda ere, ez dizkielako gauzak erraztuko. Sailkapenean liderrak izateak aurkariak gehiago motibatzen ditu, arriskutsuak bilakatuz. Lehenengo Mailako LAUBURU ALDAZ KLINIKA taldeak berriz, ostiraleko partidarekin beste garaipen bat lortu zuen; hamabost punturekin sailkapenean zazpigarren postua betetzen du eta aurrera doa. [...]

Ibartarrak galtzen ari ziren, 2-0 atsedena aurretik eta 3-2 hiru minutu faltan Kirol honek, pista itxietan denbora geratuarekin jolasten diren kirol guztiek duten aberastasuna du, hau da, klimari, lurrari edota beste hainbat faktoreei begira, baldintza egonkorrak ditu. Honek, ikuskizuna lehertzea eta ikuslearen pultsazioak azkartzea eragiten du askotan; beste kiroletan ez bezala, hemen ikusten ari denagatik azkartzen dira pultsazioak, ez kolore batzuengatik sentitzen den pasioagatik, eta askotan, adrenalinaz beteta, gizakiak formak galdu eta ahozko biolentzia erabiltzen du. Hori, kasurik onenean.   Gure ikusleak inguruko jendea eta senitartekoak dira, noski, eta izugarria da, begiekin ikusten dutenekin bihotza azkartzen zaiela nabaritzea, eta ez [...]

Mikel Diestroren mutilak porrota gogorra jasan zuten San Juan Kirol Elkartea bisitatzea joanda. Gogorra, Zuhaitzek atean egindako lanagatik gehienbat, talde nafarraren erasoak kontrolatzen jakin izan zelako eta partida amaitzeko 10 minutu falta zirela, markagailuan aurreratzea lortu genuelako, alde honekin azken 3 minutuetaraino iritsiz, baina zoritxarrez, etxeko koadroak markagailuari buelta eman zion, bakarka egindako bi ekimenekin. Pentsatuta bezala hasi zen partida, bi taldeak beren defentsak gailentzen, intentsitateaz eta ongi ekinez. Lauburuk kantxaren hiru laurdenetako defentsa egiten zuen eta San Juanek berriz, bere ohiko aldaketen defentsa garatu zuen, Laubururi partida guztian zehar asko kostatu zitzaiona gainditzea. Euste-maila honen ondorioz, ibartarrentzat aukera bakarrak [...]

“Partida berezia izango da larunbatekoa, kategoriako talderik onenetako baten aurka jokatuko dugu”. Hauxe zioen teknikari moratuak ligako hurrengo hitzorduari buruz. Mikel Diestrok gidatutako taldeak A.D. San Juan bisitatuko du. Norgehiagoka 18:00etan hasiko da Iruñeko San Jorge auzoko Donibane eraikinean. Irteera berri honek helburua garbia duela dio misterrak: “gehitzen joatea eta etxetik kanpora lehenbiziko garaipena lortzea da garrantzitsua”. Nafarroan irabazteak taularen goiko postuei begira jartzeko aukera emango luke, multzo horren liderrak direnek lagunduz. Mikelen aburuz, “taldea dinamika onean dago, azken hiru partidetan balizko 9 puntuetatik 7 lortu ditugu”. Emaitza hauek Lauburu KE Ibarra sailkapeneko seigarren postuan kokatzen dute, 13 punturekin. Lesio [...]

Bigarren buelta honetan izango den irteera luze bakarra; Jubenilen Ohorezko Maila Bilboko La Peña auzora joan beharko du, Larunbatean 18:30etik aurrera Gora Bilbao Redblue taldearekin neurtzera. Talde hau beteranoa da kategoria honetan, sailkapenean bosgarren postua betetzen du eta Zierbenarekin berdinketa eginda dator partidara. Ibartar gazteak, Laskorainekin puntuetan berdinduta, sailkapenean lidergoa dute berriro aurreko larunbatean Valle del Ebro errioxar taldeari irabazi ostean. Partida hark, hainbat jardunaldietan aurkituko dutenaren ideia izateko balio dezake: oso atzean babesten duten eta kontrara ateratzeko akatsen bila joaten diren aurkariak. Aurreko larunbatean taldeak, egoera horri aurre egiteko, pazientzia eta jokoaren kontrola erakutsi zuen; seguruenik, asteko entrenamenduetan Juananek [...]

Gazte oparoak 3-0ekoarekin gailendu ziren Errioxar taldearen aurrean Lehenengo taldearen derbi zoragarria, 5-0eko garaipena eta klubeko talde guztien argazki-saio atseginaren ondoren, Jubenilen Ohorezko Mailaren unea iritsi zen; bigarren itzuliari hasiera eman behar zion, lehenbiziko jardunaldian atseden hartu eta gero. Aurkaria, C.D. Valle del Ebro, Errioxako taldea, Zierbenari 6-0 irabazita zetorren partidara; lehenbiziko jardunaldian, gureak han jokatu zutenetik, hobetzen joan direla argi ikusten da honekin. Piparreroak aldiz, lehenbiziko bueltaren ostean ezin dute ustekabearen faktorea kontuan hartu, beste taldeek, Juananek gidatutako lantaldearen joa ekiditeko, norgehiagokak kontserbadore eran planteatzen dituzte gaindituta geratu gabe. Hau guztiarekin hasi zen partida, errioxarrak 9 metroetan sartuta eta [...]

Garaipen lasaia lortu zuen Lauburuk, denboraldiko partidarik onena egiten zuen bitartean; oso serioa eta jokoaren fase guztietan eraginkor, norgehiagoka sasoi-betean dauden bi jokalariek erabaki zuten: Andoni Carlosena eta Javi Saldise.   Elkar oso ongi ezagutzen duten bi taldeen arteko derbi batean aurreikusi daitekeen tentsio logikoarekin hasi zen partida. Bi taldeak defentsa-zorroztasunean gailentzen saiatu ziren, ibartar kuadroak konbinazio-erasoa lantzen zuen bitartean eta donostiarrek berriz, baloi luzeekin moratuen bizkarraldea bilatzen zuten bitartean. Aukera garbiak ikusteko denbora pixka bat kosta bazen ere, Lauburuk izan zuen norgehiagokaren zama lehenbiziko minutuaz geroztik, eta minutuak pasa hala, Mikel Diestroren mutilak geroz eta konfiantza handiagoa izatea eragiten [...]

 Larunbat honetan, Ibarran, handitasunezko derbia ikusteko aukera izango dugu: Lauburu K.E. eta Internacional de Intxaurrondo “D4” neurtuko dira, 16:30etik aurrera, eta biek oso helburu ezberdinen pean, gainera. Donostiarrek putzutik ateratzen lagunduko dien puntuen bila joango dira eta gureak berriz, aurreko astean Aragoiarren aurka egindako berdinketa hobetzean izango dute begia, honela, dinamika berean jarraituz, pixkanaka, sailkapenean erditik gorako postuetan kokatzen joateko. Donostiar taldea kategoria honetan berria da eta agian bertan finkatzen kostatzen ari zaio, baina lehiakor izaten jarraitzen dute. Azken jardunaldian, bigarren sailkatua den Zierbena taldearen aurka 1-3 estu batez galdu zuten, beraz, larunbatekoa, ez dela partida erraza izango pentsatu behar [...]