Larunbat honetan, hilak 14, ibartarrak denboraldiko azken jardunaldiari ekingo diote, Belabieta kiroldegian Gasteizko Aurrera taldearen aurka jokatuko duten partidan. 20:00etan izango da. Bi taldeak, ligako azken jardunaldira etxeko lanak eginda iristeak ematen duen lasaitasunarekin neurtuko dira euskal derbian. Piparreroak, 40 punturekin, zazpigarren postuan daude, zortzigarren sailkatua den Sala Quinto taldearekin berdinduta daudelarik. Aurrera taldea bederatzigarren postuan dago, 38 punturekin, beraz, etxekoen garaipenak, denboraldia zazpigarren postuan amaitzea ziurtatuko luke; urte zaila izan dute aurtengoa, Mikel Diestrok zuzendutako mutilek. Taularen gorenean, Colo taldea, Xotari irabazi eta ligako azpi-txapelketa ziurtatu ondoren, Zierbena txapeldunarekin joango da datorren kanpainan Errege Kopa jokatzera. Koparako beste postua [...]

Pasa den larunbatean, Lauburuko kadeteak, titulua lortzeko final handirako pasea ziurtatu zuten, Inter Fachadas Gipuzkoa taldeari 5-2 irabazi ostean. Partida oso ongi hasi zen ibartar gazteentzat, intentsitate handiarekin jokatzen ari ziren eta aukera ugari sortzen. Hala ere, markagailua estreinatzerako 10 minutu pasa ziren eta Liher izan zen 1-0ekoaren egilea. Hamaseigarren minutuan Julenek, beste golarekin, bi taldeen arteko aldea handitu zuen, eta honek, taldearen jokoa lasaitu zuen. Atsedenaldira 2-0eko emaitzarekin iritsi ziren. Bigarren zatiko 3. minutuan Gurruk 3-0ekoa egin zuen baina bosgarren minutuan donostiarren erantzuna etorri zen 3-1ekoarekin. Lauburukoak donostiarren bultzadari eutsi nahian faltak pilatzen hasi ziren, baina hala eta guztiz [...]

Piparreroen azken irteera berdinketarekin amaitu da, Zaragozan. Orain, Ibarrak bere kabuz lortu beharko du zazpigarren postuan mantentzea. Ohikoa den bezala, ibartarrak lantaldean baja ugarirekin egin behar izan die aurre partidari, aulkitik hasita, izan ere, Juanan Rodriguezek Mikel Diestro ordezkatu baitu, azken hau, emakumezkoen selekzioa zuzentzeko deitua izan delako. Juananen mutilak, ordea, ez ziren denbora pasatzera joan eta irabazteko gogoa erakutsi zuten. Menderatzeari dagokionez, bi taldeak berdintsu hasi ziren, laster izan zituzten, gainera, markagailua irekitzeko gol-aukerak. Bi aurkariak eraso-trantsizioak egiten zituzten baina atezainen lan bikainak partidako aukera guztiak zapuzten zituen. Hiru hilabetez jokatu gabe egon ostean, Joseba Balerdiren itzulera azpimarratzekoa da. [...]

Lauburu K.E. Ibarrak ligako titulurako Play-Offerako finalaurrekoetan kategoria territorialeko bere 3 taldeak kokatu ditu, datorren maiatzaren 14an Aretxabaletan jokatuko den finalean leku bat bilatuz. Senior filialak, neskak eta kadeteek denboraldiko helburuak soberan bete dituzte eta azken finalaurreko hau aukera moduan eta urte guztian zehar egindako lanaren sari gisa hartzen dute. Asteburu honetan talde filialak, kadeteak eta nesken taldeak ligako tituluaren play off-eko finalaurrekoak jokatuko dituzte. Lehenengo Probintzialak, lehenengo sailkatua den Pescados Ferreres Anaiak taldearen aurka jokatuko du, aurkariaren etxean; partida zaila izango da ibartarrentzat. Norgehiagoka larunbatean jokatuko da, Lasarteko kiroldegian 16:00etan. Beste finalaurrekoa Hirukide Eskolapioak Plomix eta Ventanas Isu taldeek [...]

Astebeteko atsedena hartu ondoren, Lauburu K.E. Ibarra txapelketara itzuliko da, hogeita bederatzigarren eta azken aurreko jardunaldia izango dena jokatzeko, kategoriako kantxarik zaratatsuenean, gainera. Neurketa Quinto de Ebro (Aragoi) herrian izango da 18:00etan. Ibartarrak, aurreko jardunaldian Ebrosalari irabazi eta kategoria libratzea lortu ostean doaz Zaragozara. Lortutako hiru puntuak berebiziko garrantzia dute, azken bi jardunaldietan mailaz jaisteko arriskuaren presioa kendu baitute. Bigarren itzuli honetan ohikoa izan den moduan, Lauburuk neurketa honi, bere baitan baja asko dituela egin beharko dio aurre. Labaka, Txipi, Arros eta Uzkudun ez dira egongo partida honetan; Mikel Diestro ere ez dago, emakumezkoen Futsaleko espainiar selekzioarekin buru-belarri dabil Moskun [...]

Belabieta galaz jantzi zen aurreko ostiralean, nesken kategorian, Gipuzkoako Kopako finalistak izan ziren hiru taldeak jasotzeko, Lauburu Berastegi, Idiazabal K.E. eta Anoeta F.T. Kiroldegia jendez bete zen eta jaialdiak ikusleak asebetetzea lortu zuen, jokatu ziren partidak emozioz eta intentsitate handikoak izan baitziren. Berastegiko piparreren lehendabiziko partida Idiazabalen aurka izan zen. Iker Saizarren neskek 2-1 irabazi eta lehenengo hiru puntuak lortu zituzten. Bigarren norgehiagokan Idiazabal eta Anoeta neurtu ziren. Idiazabaldarrak berriro galdu zuten, 2-1eko emaitzarekin, beraz, Anoeta eta Lauburu Berastegi taldeak tituluaren bila atera ziren azken partidan. Hirugarren neurketan, Ikerren neskak Anoetari 3-0 irabaztea lortu zuten, honela Lauburu Berastegik Gipuzkoako Kopa [...]

Berastegiko neskek ostiral honetan emakumezko Areto Futboleko Gipuzkoar Kopan hiruko finala jokatuko dute Ibarrako Belabieta kiroldegian. Ibartar neskak Idiazabal K.E. eta Anoeta F.T. taldeak izango dituzte aurkari. Lehendabiziko neurketa 20:00etan izango da, Idiazabalen aurka. Galtzaile suertatzen denak Anoetaren aurka jokatu beharko du, eta hirukoa lehendabiziko partidako irabazleak itxiko dute Anoetaren aurka jokatuz. Lauburu Berastegi taldea indartsu dator final honetara, finalaurrekoan Samaniego Orixe taldeari 6-1 eta Legorreta A.F.T. taldeari 2-8 irabaztea lortu ondoren. Txapelketa honen ondoren, Iker Saizarrek gidatutako neskak ligako azken fasea jokatuko dute, finalaurrekoa Idiazabalen etxean jokatu beharko dutelarik. Beste finalaurrekoan Inter – Altzako eta Eskoriatza neurtuko dira. Irabazle [...]

Belabieta kiroldegian jokatu zen Euskal Kopako final-aurrean, Mahalak Laskorainen aurka jasandako 0-3ko porrotarekin esan dio agur denboraldiari. Itzulerako partida ederra eskaini zuten bi taldeek. Joaneko partida tolosarrek irabazi zuten, 2-1eko emaitza eginez, hala ere, ez zegoen guztia galduta eta oraingoan edozer gauza gerta zitekeen baina hura, ez zen Txubelen mutilen eguna izan. Jaurtiketak atera ez iristea eta tolosar atezainen lana izan ziren neurketaren gakoak. Laskorainek azkar estreinatu zuen markagailua, jokaldi batean eta zorte pixka batekin, Beñat Aldalurrek Peñaren atean sartu zuen baloia. Bigarren minutua zen 0-1 egin zutenean. Tolosarrak, orokorrean, bi golen aldea zutela amaitu zen lehendabiziko zatia, beraz, piparreroak [...]

Ibartarrek Ebrosalari 4-0 irabazi zieten Belabietan eta taldeak, hala, Bigarren B Mailari eutsi ahal izango dio datorren kanpainarako. Neurketa etxekoek menderatuz hasi zen, Ebrosala baja ugarirekin iritsi zen Ibarrara eta ibartarrek kategoria ziurtatzeko beharrezko hiru puntuak bereganatzeko aukera ezin zuten galtzen utzi. Lauburu gol-aukerak sortzen hasi zen, pixkanaka aragoiarrak beren arean estutzen zituelarik. Hamabigarren minutuan iritsi zen lehendabiziko gola piparreroentzat. Unaik, Garmenek bidalitakoa hartu eta eskuinarekin jaurtiz, kapitainak 1-0ekoa ezarri zuen markagailuan. Etxekoen jazarpenak hurrengo minutuetan ere jarraitu zuen eta bigarren gola behin baino gehiagotan barkatu ondoren atsedenaldira 1-0ekoarekin iritsi ziren . Bigarren zatian ibartarrak markagailua ahalik eta azkarren igotzeko [...]

Igande honetan 11:00etan, Areto Futboleko beste jaialdi bikain bat izango da Belabietan bertan, Jubenilen Ohorezko Mailako Euskal Koparen finalaurrekoa. Eta aurkariak, Mahala Lauburu eta Laskorain K.E. Txubelen mutilak Belabietan jokatuko duten denboraldiko azken neurketa izango da. Denboraldi bikaina izan dute piparrero gazteak eta ongi baino hobeto bukatuko lukete, kategoria honetako Euskal Koparen titulua seigarren aldiz lortuz gero. Joaneko emaitza 2-1ekoa izan zen beraz, itzulerako partidak tentsioa eta zirrara agintzen du bi taldeen artean. Txubelek lantalde osoa du eskura eta partida hau ilusio handiarekin ari da prestatzen, jokalariak ere lan handia egiten ari dira, datorren astean Galdakaoko Urreta kiroldegian egon ahal [...]