Gaur eguerdiko 14:00etan atera gara Belabietatik Zaragozan jardunaldi berri bat jokatzeko, liderraren aurkako partida izan ezik, bolada oso ona daraman talde baten aurka.
Horrela, Boli, Chuky, Oscar, Eric eta Marcosekin hasi dugu lehen zatia. Lehen 2 minutuetan, kanpoko zenbait jaurtiketa egin ditugu, baina ezin izan diegu etekina atera. Azpimarratzeko moduko ekintza askorik gabe, 6. minutura arte ez da iritsi aurkako lehen gola. Arerioak baloia area barruan iragazten zuen eta, defentsan gaizki kokatuta, ez ginen esferikoa kanpora ateratzera iristen (1-0). Markagailuaren estreinaldiaren ondoren, Marcosek hainbat aukera salbatu ditu. Erasoari dagokionez, Chukyk defentsatik alde egin eta Ikerri baloia bigarren zutoinean uzten saiatzea izango zen argi bakarra minutu batzuetan zehar. Horren aurrean, Jotak hutsartea eskatu du atsedenaldira gutxienez berdinketarekin joaten saiatzeko. Hala ere, azken metroetan asmatu ezinik jarraitu dugu, eta lehen zatiaren amaierara irisi.
Aldageletatik itzuli ondoren, Marcos, Oscar, Eric, Chuky eta Bolik osatu dute hasierako boskotea. Jokoa martxan jarri eta minutu eta erdira, baloiak ihes egin dio Marcosi eta berriro lortu dute Zaragozakoek baloia barrura sartzea (2-0). Gero, Txikik kontraeraso batean izan du gure taldearen lehena igotzeko aukera, Chukyren pase bat jasoz bigarren zutoinean. Kanpora joan da baloia. Ilias ere ez da iritsi aurrerago ia berdina izan den beste ekintza batean.
Azken 10 minutuetara sartzear geundela, bertako atezainak gure bi jaurtiketa garrantzitsu urrundu ditu. Eta, nagusi izaten saiatzeko behar genuen bultzada eman gabe jarraitzen genuela ikusita, gure entrenatzaileak 5eko jokoa aukeratu du amaierarako 6 minuturen faltan. Horren aurrean, Patatasek gure jokoari ondo eusten zion bitartean, Iliasek eskuineko hegaletik sartzea lortu du (2-1). Atezain jokalariarekin, hainbat aukera izan ditugu, bat oso argia Ilias atezainaren aurka bakarka aurkitzean eta bestea ia azken txistuarekin batera. Hala ere, markagailua ez da mugitu eta 2 eta 1-ekoarekin amaitu da neurketa.
Azken metroetan asmatzea falta izan zaigu, eta bertan joan zaigu norgehiagoka. Badakigu zer hobetu, eta badakigu ez dagoela denbora margenik. Hurrengoaren bila goaz!
GOAZEN LAUBURU!!!!
