Asteburuan, Loecheseko José Rodríguez Kiroldegian (Madril) izan zen ligako zazpigarren jardunaldiari zegokion neurketaren eszenatokia. Zoritxarrez, partida hau pistatik kanpoko gertaerengatik geratuko da gogoan, ez bertan erakutsitako jokoagatik. Harmailak ez ziren kirolaren eta kiroltasunaren baloreen adierazle izan. Izan ere, CMO Valves Lauburu eta etxeko taldearen arteko neurketa bederatzi aldiz eten behar izan zen petardoak jaurtitzeagatik, partidaren aktak jasotzen duen moduan; tarte batean, partida hiru minutuz eten behar izan zen. Ez dugu aitzakiarik bilatu nahi porrotarentzat —etxeko taldeak hiru puntuak merezita irabazi baitzituen—, baina ezinbestekoa deritzogu salatzea kirol ekitaldi bati dagozkion balioetatik urrun dagoen giroa. Lehen zatia: moreen nagusitasuna eta abantaila [...]

“CMO Valves Lauburu Madrilera begira, erritmoa eten gabe mantentzeko asmoz” Asteburu honetan, CMO Valves Lauburuk bigarren B mailako zazpigarren jardunaldia jokatuko du, eta ez da nolanahiko erronka izango: Madrilgo U.D. Loeches taldearen kantxan arituko dira Diestrok gidatutakoak, talde sendo baten aurka eta pista zail batean. Moratuek sasoi hasiera aparta izaten ari dira: lau garaipen eta bi berdinketa daramatzate, eta oraindik porrotik jaso gabe daude. Helburua argia da: bolada onari eutsi eta beste hiru puntu poltsikoratzea, baina ez da lan erraza izango. Zoritxarrez, Ibarrakoek hainbat baja garrantzitsu izango dituzte, ohiko dinamikan funtsezkoak diren jokalariak faltako baitira. Egoera horrek aldaketak egitera behartuko [...]

Moratuen erakustaldia Belabietan: Lauburuk hamar eta bi irabazi dio Entrerríos Automatización taldeari Bigarren B Mailako seigarren jardunaldian, CMO Valves Lauburuk erakustaldi borobila eskaini zuen Belabietako harmailen aurrean. Etxekoek Entrerríos Automatización zapuztu zuten 10 eta 2ko markagailu argitsu batekin, eta hori guztia Caruso, Pol eta Unax Iglesiasen bajekin aritu arren. Hasieratik argi geratu zen Diestrok zer nahi zuen: erritmoa jarri, aurretik jarri eta partidaren kontrola eskuratu, oldarkortasun eta zehaztasun handiz. Eta ez zuten denbora galdu —minutu bat igaro orduko, Rafa Usínek lehen gola sartu zuen maisutasunez. Berehala, Morandok eta Víctorrek festarekin bat egin zuten, bi minutu eskasetan beste bi gol sartuz. [...]

CMO Valves LAUBURU, garaipen boladarekin jarraitu nahiko du, behar handia duen Entrerríos Automatización baten aurkako norgehiagokan. Belabieta prest dago CMO Valves Laubururen denboraldi hasiera bikain honen beste atal bat bizitzeko. Larunbatean 18:30ean jokatuko da norgehiagoka, aurrean izango duelarik Entrerríos Automatización, bigarren B mailako II. multzoko azken sailkatua. Mikel Diestroren mutilak sasoi bikainean eta porrotik ezagutu gabe iritsi dira bost jardunaldi ondoren. Hirugarren garaipen jarraia eskuratu nahiko dute sailkapenaren goiko postuetan sendotzeko. Ez da, ordea, bide erraza izango: astea gogorra izan dute, asteazkenean Kopako partida lehiatu zuten Bilbon eta aurreko asteburuan borroka fisiko handiko norgehiagoka izan zuten Zaragozan. Nekea pilatu den [...]

Pasa den asteazkenean, Errege Kopako partidan, Valentino Caruso gure jokalariak kolpe gogorra jaso zuen ezkerreko alboan. Hasierako minari aurre egin eta partidua amaitu egin zuen hala ere. Hurrengo egunean, mina areagotu egin zela ikusita, Asuncion klinikara jo zuen eta bertan ospitaleratu egin zuten lesioaren nondik norakoak aztertu bitartean. Azkenean, medikuek ezker giltzurruneko 2. mailako traumatismoa diagnostikatu zioten. Gaur goizean jaso du alta Carusok, sintomak arindu ostean. Hala ere, 7 egunetan erabateko atsedena hartu beharko du, eta ondoren, pixkanaka, jarduera berreskuratzen hasiko da, azterketa mediko berrien arabera. Eboluzioa oso ona izan du, eta larunbateko beldurra gaindituta, pozik gaude Valen ondo dagoelako. [...]

CMO Valves Lauburuk garaipen garrantzitsua lortu zuen etxetik kanpo Ligako bosgarren jardunaldian, aurkari borrokalari baten aurka irabazita. Sala Quintoren aurkako norgehiagoka fisikoki oso gogorra izan zen, eta Diestroren gizonek ahalegin izugarria egin behar izan zuten. Hasiera zaila izan zuten piparreroak: lehen minutua bete aurretik, Lauburuk bere atean sartutako zoritxarreko gol batekin aurretik jarri ziren etxekoak. Hala ere, ez ziren urduritu bisitariak, alderantziz: lasaitasunari eutsiz, Sala Quintoren presio biziari aurre egiten jakin zuten. Etxekoek jabetza kontrolatu nahian bosteko jokoa erabili zuten, eta horrek erritmo bizia ekarri zuen. Bilbon asteazkenean jokatutako Kopako norgehiagokaren nekea oraindik hanketan zutelarik,Lauburuk esperientziaz eta pazientziaz jokatu zuen, [...]

Ligako bosgarren jardunaldiak emozioz beteriko norgehiagoka ekarriko du: Sala Quinto eta CMO Valves Lauburu Ibarra aurrez aurre izango dira larunbat honetan, Quinto herriko udal kiroldegian. Bi taldeak sasoi onean daude eta goiko postuetan finkatzeko asmoz helduko dira partidan. Etxeko taldeak, indartsu eta sendo agertzen da bere kantxan, eta horrela izaten jarraitu nahiko du. Zierbanaren aurkako garaipena eta Tausteren aurkako derbian lortutako berdinketa horren adibide dira, eta oraindik ez dute porrotik jasan euren zelaian. Gainera, iazko denboraldiko neurketaren oroitzapenak —Ibartarren garaipen argia— motibazio gehigarri bat dakar, etxean errebantxa hartzeko gogoz baitaude. CMO Valves Lauburukoek, berriz, esfortzu fisiko handia pilatuta helduko dira [...]

Partida bizia, dardaratsua eta Kopa usainez beterikoa izan zen asteazkeneko Otxartabe eta CMO Valves Lauburu taldeen arteko norgehiagoka, Errege Kopako bigarren kanporaketan. Mikel Diestrok zuzentzen duen taldea animotsu atera zen Gorka eta Raul berriz taldera itzuli izanagatik, nahiz eta Polen hutsunea oraindik nabarmena izan. Hasiera ezin hobea izan zuten ibartarrek. Lehen bost minutuetan euren erritmoa ezarri zuten eta Otxartabe estu hartu zuten, baloia buruargitasunez mugituz eta aukera ugari sortuz. Jokoaren agintea erabatekoa zen, jokoa ia osotasunean, etxekoen pistako hogei metroetan garatzen ari zen, eta hauek nekez ateratzen ziren presiotik. Baina nagusitasun horren erdian, 9. minutuan Otxartabek bisitarien atera lehenbiziko jaurtiketa [...]

  Tentsioa, lehia eta ilusioa izango dira protagonista datorren asteazkenean, hilak 8, 20:15ean Bizkaiko lurretan, CMO Valves Lauburu Ibarrak CD Otxartaberen aurka jokatuko baitu Errege Kopako bigarren kanporaketa, partida bakarrera eta emozioz beteta. Etxekoek, oraindik ez dute garaipenik lortu euren pistan —Antiguokoren aurka galdu eta Pinsequeren kontra berdindu zuten—, beraz, zaleei lehen garaipena eskaintzeko asmoz zelairatuko dira. Piparreroek, berriz, kanpoan lehen garaipena bilatuko dute, Belabietatik kanpo orain arte berdinketa bana egin baitute. Lehia handiko aurrez aurrekoa izango da, goiko postuen eta igoera faseko playofferako hautagai nagusiak diren bi taldeen artekoa. Diestroren jokalariek badakite, garaipen batek hurrengo fasera eramateaz gain, taldearen [...]