Garai berriak iritsi dira Lauburuaren kudeaketara. Ibartar proiektuaren bilakaera handinahiaren barruan, digitalizazio-prozesua dago, eta lehentasuna da gure erabiltzaileen datu babesa eta zuzeneko konexioa. Horrekin lotuta, Lauburuk eta Galiziako Cluber plataforma digitalak babesletza-akordio bat adostu dute, klubari gure jokalarien datu pertsonalak modu seguruan babesteko eta, aldi berean, tresna bakar batean hurrengo zerbitzuak ahalik eta gehien sinplifikatzeko: Eskolako ikasleen izen-emate kuoten kudeaketa, bazkideen kanpaina, sarreren salmenta eta 23-24 denboraldiaren hasieran argitara emango den online denda berria. Aurrerapauso honi esker, gurasoek oso modu erraz eta zentralizatuan inskribatuko dituzte Lauburu Eskolan beren alabak, eta edozein unetan kontsultatu ahal izango dituzte ordainagiriak, horien egoera [...]

Atzo 00:00ak aldera iritsi ginen hotelera atseden hartzeko eta larunbata energiarekin hasteko. Hortaz, gaur, autobus bidaia luzearen ondoren ondo deskantsatuta, gosaldu eta indarrak hartu ditugu goizeko entrenamendua egiteko. Askoz gehiagorako astirik izan gabe, hotelera itzuli gara bazkaltzeko eta lasai egoteko, eta, horren ostean, kiroldegira itzuli gara borrokan jarraitzeko prest. Marcosek, Chukyk, Oscarrek, Iliasek eta Bolik eman diote hasiera lehen zatiari. Joaneko partidan gertatutakoaren antzera, ondo eutsi diogu lehen 10 minutuei. Are gehiago, markagailua estreinatzeko ardura izan dugu oraingoan, Iliasek buruz egin duen erremate bati esker (0-1). Hiru minutu geroago, etxeko taldeak erantzun egin du falta zuzen batekin asmatuta (1-1). [...]

Bihar Mengibarrerantz (Jaen) abiatuko gara playoff-eko bigarren fasean murgilduta, itzulerako partida jokatzeko. 10 orduko autobus bidaia dugu aurretik, eta beraz, eguerdiko 14:00etan irtengo gara Belabietatik, datorrenerari aurre egiteko energiarekin beteta. Badakigu joan den asteburuko 2-8ko emaitza kontuan hartuta oso zaila izango dela hurrengo fasera pasatzea, baina, hala ere, amore ematetik oso urrun gaude. Zentzu horretan, Jotak azaldu digunez, taldea ez da joango Jaenera “arratsaldea pasatzera”, eta zalantzarik gabe, zailtasun eta oztopo bakoitzaren gainetik, aipatutako markagailua iraultzen saiatuko dira; izan ere, jokalari guztiak deitu ditu gure entrenatzaileak, borroka honetan murgildu, eta norberaren merituengatik lortutako amets honetatik ez jaisteko. Betirako gordeko [...]

Larunbatean Jaengo Mengibar taldearen bisita jaso genuen Belabietan, igoera playoff-etako bigarren faseko gure aurkaria dena. Topaketaren berezitasuna zela eta, arratsaldea marea morearen harrerarekin hasi genuen. Ezin hobeto. Horrela, sentimendu ugariekin beteta, Dani, Chuky, Uri, Oscar eta Bolik osatutako boskotearekin hasiko genuen topaketa. Aurkaria gure area barruan bukatzen ziren ekintzekin asko hurbiltzen hasi zen arren, ondo eutsi genion 13. minutuan defentsan egindako akats larri batek aurkako lehen golarekin kondenatu gintuen arte (0-1). Hori baino lehen, aukera argia izan genuen Iker eta Uriren arteko pareta azkar batekin, eta Chuky errematatzera iritsi izan balitz, gauza asko aldatuko lirateke ziur aski. Ondoren, Jotak [...]

Larunbatean, playoffaren bigarren faseari emango diogu hasiera. Denok dakigun bezalaxe, astelehen honetan bertan egin zen bikoteak zehazteko zozketa, eta 11:00etan puntu-puntuan, jada bagenekien gure aurkaria Jaengo Mengibar izango zela. Honekin guztiarekin, Belabieta betetzeko sarreren salmenta ekimena jarri genuen martxan beste behin. Izan duen harrera ona hitzez azaldu ezinik, atzo bertan iragarri genuen 100 baino ez zirela geratzen, eta beraz, jakin badakigu ikaragarria dela liderra izan den talde baten aurkako norgehiagokarekin gozatzeko dagoen gogoa. Zentzu horretan, mailaz igotzeko borroka honetan gaudenen artean indartsuenetarikoak direnek bisitatuko gaituzte; izan ere, oso plantilla konpentsatua osatzen dute, 2. mailan esperientzia duena. Gainera, izen handikoa [...]

Larunbatean Iruñera joan ginen SCDR Anaitasunaren aurka playoff-eko lehen faseari dagokion itzulerako partida jokatzeko. Ibarran elkarrekin bazkaldu ondoren, gure zaleekin elkartu, eta neurketarantz abiatu ginen. Kontzentrazio handiarekin, Dani, Oscar, Chuky, Uri eta Boli bostekoarekin hasi genuen norgehiagoka. Jokoa martxan jarri eta segituan etxekoek argi eta garbi erakutsi zuten dena emateko prest zelairatu zirela, eta ondorioz, oso gogorrak izan ziren hasierako minutuak. Horren aurrean, lan gogorra egin behar izan genuen guk ere, lehen gol bat hain azkar irits ez zedin. Ondo eutsita, eta aldi berean asko sufrituta, markagailua ez mugitzea lortu genuen, bizi behar izan genituen aukerak gorabehera: txartel horia [...]

Larunbatean Iruñera joango gara azken bi neurketetan gure aurkaria izan den SCDR Anaitasunarekin lehiatzera. Orokorrean, oso zaila izan da nafarrei aurre egitea, batez ere, pasa den asteburuko partidan. Horrexegatik, zalantzarik gabe, antzeko egoera batek esperoko digo oraingo honetan ere. Gainera, bere pabiloian jokatzea tokatzen da, eta horrek beste zailtasun puntu bat dakar guretzako. Are gehiago, Ligan izandako emaitzak aztertuta, Narvaizek zuzendutakoek neurketa bakarra galdu dute etxean (hori bai, galdutako norgehiagoka bakar hori gure aurka izan da, hain justu). Horri guztiari larunbat honetan bertan ospatuko den “Anaitasunaren Eguna” gehitu behar zaio, ziur aski zale guztiak harmailetan biltzea animatuko dituen festa [...]

Larunbatean oso egun berezia ospatu genuen, aspaldidanik bizi ez genuen eta ahaztezina izango den arratsalde bat, alegia. Pozik ospatu genuen Lauburu eguna igoerako Play Off-eko lehen kanporaketarekin batera, eta harmailak gutxinaka bete ziren 18:30ak hurbildu ahala. Horrela, hasierako txistua entzun genuenerako, Belabieta eder bat ikusteko aukera izan genuen, jendearekin ez ezik, ilusioarekin ere betea.  Horrela, inoiz baino gogotsuago, Marcos, Iker, Oscar, Uri eta Chuky bostekoarekin hasi genuen norgehiagoka. Lehen minutuetan, talde baten zein bestearen defentsak markatu zuen partidaren erritmoa. Gainera, Anaitasunako atezaina izugarri nabarmendu zen, besteak beste, Iliasena edo Chukyrena bezalako abagune argiak salbatuta, biak area barrutik. Ondoren, hain [...]

Larunbatean, esna amestu, eta bigarren mailara igotzeko Play Off-eko lehen faseaz gozatu ahal izango dugu Belabietan, 18:30ean. Egun hauetan zehar iragarri dugun bezala, SCDR Anaitasuna nafarra izango da gure aurkaria, joan-etorriko kanporaketa batean.  Zentzu horretan, oso pozik gaude esperientzia hau gure zaleekin partekatzeko aukera izateagatik. Gainera, honaino iritsi izanak suposatu duen esfortzu guztia kontuan hartuta, klubak Lauburu eguna ospatzeko erabakia hartu du, gure ustez ezin baitzen beste egun bereziagorik egon aspaldiko partez hura martxan jartzeko. Dena dela, oinak lurrean ditugu, eta badakigu Ligako txapelduna izango dugula aurrez aurre. Are gehiago, nahiz eta azken jardunaldian aurkariak baja garrantzitsu asko izan, [...]

Hurrengo denboraldiaren plangintza albiste txar batekin hasi genuen abenduan, Vanessak eta Jotak merezitako atsedena hartzeko erabakia barnetik ezagutzean. Hala ere, Laubururekin duten loturak buelta eman zion erabaki horri, eta pozez betetzen gintuen Klubean funtzioak betetzen jarraituko dutela iragartzeak, oraingoan, kudeaketaren egituraren barruan izango bada ere. Horrekin guztiarekin, Kirol Zuzendaritzak eztabaida pausatua eta gogoeta handikoa izan zuen, proiektu moreak bere hazkundean beste urrats bat emateko kirol-estrategia zein izan beharko litzatekeen jakiteko. Bide bakarra zegoen helburuak betetzeko: esperientzia eta ospe handiko entrenatzaile bat lortzea, bere zerbitzuak lanaldi osoan emango zituena. Zentzu horretan, gure kirol-zuzendaria den Juanan Rodriguezen hitzek argi uzten dute [...]