Aurreko ostegunean, klubeko lehen taldea Ibarrako Kultur Etxean elkartu zen datorren denboraldiaren inguruko bilera batean. Bertan, jokalariek, teknikariek eta kirol zuzendaritzak hartu zuten parte, elkarrekin hainbat gai jorratu zituztelarik.  Kirol Zuzendaritzak ongietorria eman zion kurtso berriari eta talde teknikoa presentzialki aurkeztu zuen. Izan ere, ordura arte ezin izan ziren elkartu. Gainera, jokalari berrien fitxaketa lanetan jarraitzen zutela jakinarazi zen, datorren denboraldirako ahalik eta talderik onena osatzeko asmoz. Jarraian, "Jota" mister gasteiztar berriak, jokalariekin parte hartzearekin batera, hurrengo denboraldiaren inguruko lehen xehetasunak azaldu zituen, bereziki, lan-plangintzan eta metodologian arreta jarriz eta nolabait bere estiloa eta dinamika zehaztuz. Era berean, Vanessak [...]

Raid Iruñeko San Juan taldetik dator eta, senior kategoriako bere lehen urtea izango den honetan, areto futboleko jokalari bezala hazten jarraitzeko ilusioarekin iritsiko da Ibarrara Javiren eta Oihanen irteera nolabait konpentsatzeko, jokalari ezkertiarren bila ari zen kluba inguruko merkatuan. Izan ere, bi jokalari horiek kluba uztean, lehen taldearen egitura apur bat desorekatuta gelditzen zen. Hura baldintza esklusiboa izan gabe, entitate morearen prioritate bihurtu zen.  San Juan Kirol Elkartean 3 denboralditan hezi ondoren, (horietako bi Ohorezko Jubenil Mailan eta azkenekoa, berriz, Bigarren B Mailako taldean) 19 urterekin iritsiko da Raid Belabietara; senior bezala jokatuko duen lehen denboraldia izanik. Gainera, Nafarroako [...]

https://www.youtube.com/watch?v=zHB5fU3K12A https://youtu.be/uQRjJQUzGz0

Historia osoan zehar izan duen jokalari handienetako batek uzten du Lauburu. Klubean bere 15. denboraldia beteta, 30 urterekin, bizitza erdia darama Aitzolek kolore morea pistetan defendatzen. Laubururekin batera jaiotako jokalaria da Aitzol, klubeko historiaren %50aren parte ere izanez. Kadetea zenean jokatzen hasi bazen ere, lehen momentutik, Ohorezko Jubenil Mailan aritu zen. Une horretatik aurrera, ez da klubetik askatzen, etapa ezberdinak bizi dituelarik eta kategoria ezberdinetan parte hartu duelarik: oinarrizko mailetatik hasi eta 2B maila nazionalean 6 denboraldi jarraian jokatu arte. Hain da handia Aitzolek klub morean duen presentzia, jokatzeari uzten badio ere, ez diola Laubururi guztiz agur esaten. Duela bi [...]

Lauburuk bi jokalarien portaera eskertu nahi du. Javik eta Oihanek agur esango diote talde moreari eta maila bereko Tafatransen jokatuko dute datorren denboraldian. Bi kasuetan lan edo arrazoi profesionalek eragin dute Belabieatik irten eta Tafallarako bideari ekitea.  Irurtzungo eta Ezkarozeko jokalariek sentsazio oso onak utzi dituzte zaleen artean. Denbora luzez gogoratuko dugu, bereziki, bien goleatzeko gaitasuna eta proiektuarekiko konpromisoa eta inplikazioa. Horrela, entrenatzaile berriarekin batera, bi jokalari nafarrak ordezkatzeko aukerak bilatzen ari da kluba. Bi baja horiek, Aitzol kapitainarenarekin eta Alfredo Hualde misterrarenarekin batera, denboraldi honetako bajen atala itxiko lukete. Azkenik, COVID-19aren ondorioz bizitzen ari garen egoera kontuan hartuta, baldintzak [...]

Alfredo Hualderen irteeraren ostean, Gasteizko teknikaria ziklo berri baten buru izango da erakunde morean. Horrela, Aitor Andresen jarraipenarekin eta Vanessa Ortegoren fitxaketarekin osatuko da talde teknikoa Arlo teknikoan apustu sendoa eginez, profil akademiko nabarmena duen entrenatzaile bat fitxatu du klub moreak. Aulkian ibilbide luzea izateaz gain, hainbat prestakuntza-proiektutan parte hartu eta horien lidergoaz arduratu da. Horiek guztietan, bere nortasun ikurra "ezagutza partekatuz" eslogana izan dela esan genezake. Ingeniari tekniko industriala da eta 44 urterekin bi aldiz iritsi da Bigarren Mailara Atenea F.S taldearekin.  Gure kirolaren ikastuna izanik, eduki didaktiko zabala duen "Cofutsal" bloga kudeatzen du. Bertan, zenbait proiektu erakargarri [...]

EGUNGO EGOERAREN INGURUAN 1- Kirolaren ikuspegitik dituen zailtasunak direla medio, nola ari zarte egoera honi aurre egiten? Benetan prestaturik egon gabe harrapatu gintuen. Nik uste nuen ez zela hainbesterako izango eta hartzen ari ziren neurri drastikoak ez zirela beharrezkoak. Aurrerago, denborak erakutsi du guztiz oker geundela. Asko sufritzen ari den jende guztiagatik arduratuta gaude; baita hurbileko senitarteko eta lagunengatik ere. Konfinamendua agindu zutenetik, jokalariekin harremanetan egoten jarraitzen dugu, forma ahalik eta hobekien mantentzen saiatuz. 2- Begi-bistakoak diren mugen barruan, nola planteatu dituzue entrenamenduak? Taldean ezin dugunez ezer egin, Aitor Andrés prestatzaile fisikoak jokalari bakoitzari zuzendutako 3-4 saio prestatzen ditu [...]

Une honetan pandemia, birus madarikatua eta haren inguruko guztia ez den beste gai bati buruz idaztea ez da erraza ez osasunaren ikuspegitik, ezta kirolean dituen ondorioen ikuspegitik ere. Dena den, utzi iezadazue haren inguruan hitz egiten, ez aurretik gaixotasun hori zuzenean pairatzen ari diren pertsona guztiei besarkada handi bat bidali gabe; batez ere, egoera honen aurrean pertsona maitatuak galdu dituzten haiei. Besarkada bero bero bat zuek guztiontzat.  Lehiaketa profesional edo amateurrekin eta nazionalekin edo lurraldekoekin gertatu behar duena, erabakia hartu behar duten haien esku dago. Iritzi eta desio guztiak errespetagarriak izango dira eta, unea iristen denean, Klubak egoera berri [...]

Ahalegin handia eta denboraldi paregabea egin ondoren, Lauburuko Kadete taldea den Lauburu Ibarra Zubiaurre, Liga Erregularreko txapelduna da jada 4 jardunaldiren faltan. Izan ere, asteburu honetako gure aurkariak, Antiguoko K.E. Botalekuk, galdu egin zuen aurreko larunbatean eta, horren ondorioz, Garmenek zuzentzen dituenak txapeldun bihurtu dira Donostiako Klubaren aurka jokatu aurretik. Horrek eskubidea ematen digu kategoria honetako Euskal Kopa bigarren urtez jarraian jokatzeko. Gainera, plaza bat izango dugu jokoan kategoriako Espainiako Kluben txapelketaren aurreko faserako. Joan den denboraldian ere, txapelketa hori jokatu eta antolatu genuen Belabietan hainbat Kluben presentziarekin; horien artean:  Fútbol Emotion Sala 10, Ribera de Navarra eta FC [...]