Larunbatean Segoviara joan ginen Ligako hamaikagarren jardunaldia jokatzera. Dani, Raul, Txiki, Chuky eta Ivanekin hasi genuen partida, eta altu presionatzen, lehen bi faltak goizegi iritsi ziren. Hala eta guztiz ere, aukerak ere iritsi ziren berehala, besteak beste, estrategia-ekintza ona egin genuenean. Bertan, defentsak buruz urrundu behar izan zuen baloia.
Aldi berean, etxekoek ere gero eta presio handiagoa egiten hasi ziren, baina ondo erantzuten genuen Chuky pibot bezala ari zela pase luzeekin jokatzen. Bitartean, Raulen lapurreta batean izan genuen abagune argi bat, baina, baloia Ivani bidali ondoren, urrun geratu zen azken hau zerbait lortzetik, defentsa ondo itxi baitzen. Segundo batzuk geroago, Chukyk indar handiz jaurti zuen, baina etxeko atezainak asmatu egin zuen. Gehiagorako gogoz, Zalduak eta Alvarok aukera polita sortu zuten beste lapurreta batekin. Dena den, beste behin defentsa agertu, eta pasea moztu zuen. Aukera argirik gabe minutu batzuk igarota, Txikik zelai erditik egindako jaurtiketa bat izan zen hurrengo ekintza nabarmenena.
Zortzigarren minutua iritsita markagailuak 0-0koa islatzen jarraitzen zuen arren, soilik segundo batzuk geroago, Chuky bakarrik utzi zuten baloiarekin, eta zalantzarik egin gabe, metroak aurreratu eta 0-1ekoa lortu zuen kolonbiarrak. Aurrerago, aurkariak lehen txartel horia jaso zuen Zalduari kontraeraso batean heltzeagatik. Handik gutxira, Segoviakoek neurketa berdintzeko aukera izan zuten, baina Danik geldialdi bikaina egin zuen.
Ildo horretan, jakin bagenekien ezinbestekoa zela emaitzean urruntzea segurtasuna lortzeko, eta saiatu behintzat, saiatu ginen: Chuky bigarren zutoinean ipinita, Txikiren diagonal ona jaso zuen jokaldia amaitzen saiatzeko, baina ez zuen lortu. Halaber, beste txartel hori batek Ivanen jaurtiketa bat ekarri zuen, zuzenean atezainaren eskuetara joan zena.
Ezin genion saiatzeari utzi, eta, hortaz, atsedenaldirako 3 minutura, Cecik ez zion area barruan galdutako baloi bati ihes egiten utzi, eta bularrarekin bultzata sartu zuen barrura (0-2). Handik gutxira, jokoaren intentsitatea medio, bosgarren falta igo genuen bi taldeek, eta horren artean Daniren ekintza batek mundu guztia aho zabalik utzita, 0-2koarekin joan ginen atsedenaldira.
Aldageletatik itzuli ondoren, Dani, Chuky, Txiki, Raul eta Ivanekin hasi ginen. Diestrok azkar egin zituen aldaketak, eta, 22. minutuan, Zalduak aldea handitu zuen, defentsa atzean utzi, eta eskuin hegaletik area barrura jaurtita (0-3). Emaitzak arnasa hartzeko balio izan zigun, baina oraindik minutu asko geratzen ziren aurretik. Gainera, bigarren zatian ere azkarregi iritsi ziren faltak, eta beraz, kontu handiz ibili beharra izan genuen.
Intentsitatea jaitsi ez genuen arren, hegaleko jaurtiketa bat ez ixteak San Cristobalen lehen gola ekarri zuen 25. minutuan (1-2). Golak indar handia eman zien. Hori gutxi balitz bezala, etxeko atezainak funtsezko pare bat eskuhartze egin zituen bere taldea partida barruan mantentzeko, eta are gehiago, etxekoak hurbildu egin ziren amaierarako 12:12ra defentsan lasaitu ginela barkatu gabe (2-3). Hala ere, lanean jarraitu genuen, eta horri esker, Raulen kontraeraso batek oso gol garrantzitsua ekarri zuen minutu bat aurrerago (2-4).
Amaierarako 5:35era, ateazain jokalaria aukeratu zuten urdinek, eta ez zuten askoz ere gehiago behar izan beste behin bosgarren falta igotzeko. Horrek Chukyk gora jaurti zuen penalti bikoitza ekarri zuen. Horri buelta emateko gogoz, gure bi zenbakiak Zalduarekin egindako pareta batekin lortu zuen partida 2-4ko emaitzarekin erabakita uztea.
Ezinbesteko hiru puntu lortu ditugu, izugarri egin dugu gora sailkapenean, eta bederatzigarren postua lortu dugu. OSO LAN ONA EKIPO!!!! Iristen ari da nahi genuen hori!!! GOOOOOAZEN!!!!
