Futsaleko partida bikainaz gozatzeko aukera izan zen atzokoan, Pinseque-ko Udal pabilioian. Bi taldeak eraginkorrak izan ziren jokoan eta erasoek, defentsa gain hartuz, bi atezainen lan onari bide eman zien. Lauburuk, adoretsu, lantaldera etorritako berrien errotazioarekin gozatuz. Erasozko joko arin batekin hasi zuen partida, aurkariaren defentsara burutsu zuzenduta. Honela, lehendabiziko minutuetan ibartar taldeak hainbat gol-aukera sortu zituen, baina Guillermok, atezain aurkariak, lan bikaina egin zuen. Talde bisitaria kantxan ongi egokituta zegoen momentuan iritsi zen 1-0ekoa, Cristianek zuzendutako eta amaitutako bakarkako jokaldi bikain baten bidez. Tanto hau kolpe galanta izan zen gure mutilentzat eta errekuperatzerako minutu batzuk pasa behar izan zuten. Une [...]

Larunbat goizean Belabietan, gure kadeteak eta Bigarren Maila Nazionaleko Ordizia K.E. Nesken Areto Futbola taldearen artean jokatu den lagunartekoa, esperientzi izugarria izan da. Emaitzak garrantzirik izan ez duen esperimentu aberasgarria bi taldeentzat. Eskerrik asko!!! Filiala eta Jubenilen Ohorezko Maila ere aurrez aurre izan dira gaur 9:30ean. Gazteak irabazi dute 4-5eko emaitza estu batekin; datorren asteko debutari begira pasa beharreko testa, eta sentsazio onak izan dira bi lantaldetan. Goazen LauburuKEIbarra! Zorte on Ordizia K.E. Nesken Areto Futbola, denboraldi berrian! Increíble experiencia la de la mañana del sábado en el amistoso celebrado en Belabieta entre nuestros cadetes y el Ordizia K. E. [...]

Klub honen oinarriaren adierazle gorena den taldearentzat, larunbatean hasiko da denboraldi berria, nahiz eta piparrero gazteek hurrengo asteburura arte ez duten jokatuko; multzoa bakoitia izaki, atseden egitea egokitu baitzaie egutegian. Irailaren 24ko estreinaldirako prestatzen joan ahal izateko eta Fuenmayorreko C.D. Valle del Ebro taldeari aurre egiteko, larunbatean, 9:30ean, beste lagunarteko bat jokatuko dute senior filialaren aurka. Lantaldea asko berritu da 10 jokalari berriekin; hauetatik zortzi, kadete mailatik igo dira, hau da, lehendabiziko urtekoak dira maila honetan: Eñaut Zumeta (atezaina), eta Asier Aierbe, Liher Gartziarena eta Alex Firiscec jokalariak. Aurreko kanpainan denboraldi bikaina egin zuten bere mailan. Jokalari etorri berriak berriz, [...]

Lauburu Ibarrak larunbatean hasiko du denboraldia, 19:00etan Pinseque aragoiar taldearen aurka, bertako udal pabilioian jokatuz. Kategoriako oilarretako bat da Pinseque, Areto Futboleko bigarren B nazionalaren bigarren multzo honetan, aldi oro, txapeldun-gai izaten dena. Sailkapen taularen posturik altuenean egoteagatik bereizten den kluba da. Orotara, hamabi talde dauzka klubak hainbat kategoria nazional zein erregionalean banaturik eta urtez-urte bere kirol-egitura zein soziala hobetzen joateko apustu irmoa egina du. Pasa den larunbatean, piparreroek beren azken lagunartekoa jokatu zuten Iruñeko C.D. San Juanen aurka. Partida hau, bi aste atzerago Iruñean jokatutakoaren bueltakoa izan zen eta oraingoan garaipena morez jantzi zen, 5-3ko emaitza lortuz. Emaitza honek [...]

Oporrak amaitu orduko, klubaren beheko kategoriak denboraldi berria prestatzen hasiak dira jada. Hilaren 29an, LAUBURU-MAHALA, jubenilen ohorezko maila hasi zen lanean Juanan Rodriguezen esanetara, zeinak, Txubel ordezkatuko du aulkian. Txubelek, klubaren lehendakari izaten jarraitzeaz gain, tekniko bezala Areto Futbol nazionalaren oinarrian erregina den kategorian lan bikaina egin ondoren, lehenengo territorialen jokatzen duen filial seniorraren ardura hartuko du. Beste jarduerekin bateragarria izan dadin, bere kategoria fetitxean (ligako bi titulu lortu eta espainiar txapelketan hainbatean jokatu duen kategorian) atsedena hartuko du. Juanan berriz, aulkietan orokorrean, eta Ibarran bereziki, oso ezaguna da. Ibartar teknikoa kluba hazi eta jokalari berriak prestatzen ahaleginduko da, etorkizunean [...]

San Bartolome festetako 3x3 txapelketaren 9.edizioa partehartze handiarekin burutu da / La 9. edición del campeonato 3x3 de las fiestas de San Bartolome se ha desarrollado con una gran participación Pasa diren San Bartolome jaietan Lauburu K.E. Ibarrak udala eta Xepla eta Deportiva Ibarra elkarteen laguntzarekin antolaturiko 3x3 txapelketaren 9. edizioa balantze bikaina izan du. Berriz ere nabarmendu parte-hartze kopuru handia. Emeterio Arrese parkera bertaratu zirenek izugarrizko ikuskizunaz gozatzeko aukera izan zuten. Neskak 2002-2003-2004 Beatzi Eztala sartzen 2005-2006 Izarrak Ibarrako neskak   Mutilak 2002-2003-2004 Txinpartak Las Parras 2005-2006 Galaxi Deabruak 2007-2008 Uzturre Tximistak Zorionak denei! Magnífico el balance de la [...]

[EUS] Gabon Piparreroak!!! Jada martxan daude, sortu berria den nesken taldeak bere lehenengo saioa egin du. Ilusioz beterik eta guztien parte hartzearekin hasi dira. Ongi etorri Lauburura. Egindako apostuarekin ez huts egitea eta futbol aretoarekin tope gozatzea espero dugu. Goazen LauburuKEIbarra!!!! [CAS] Gabon Piparreros!!! Ya están en marcha, hoy primera sesión del recién creado equipo femenino, empiezan con un pleno de asistencia y las mochilas cargadas de ilusión. Bienvenidas al Lauburu, esperamos no defraudaros con vuestra apuesta y que disfrutéis a tope del fútbol sala. Goazen LauburuKEIbarra!!!!

Uztailaren 7an Ibarrako udaletxeko bilkura aretoan klubaren batzar orokorra egin zen. Bertan, 2015-16 denboraldiko balantze ekonomikoa onartzean gain,2016-17 denboraldirako 115.000 euroko aurrekontua aurkeztu zen. Aurrekontu honek %11ko igoera izan du aurten, guztizkoaren ia %60a Bigarren B taldeari dagokiolarik eta gainerakoa, berriz, ikasturte berrian aurkeztuko diren beste sei taldeen artean banatuko da. Aurrekontuaren igoerak klubaren oinarria indartzea du helburu, eta pixkanaka handitzen ari den proiektu bati egonkortasuna ematea. Aurten klubak, senior kategorian, nesken taldea izango du eta azpiko kategorietan infantilen bigarren taldea gehituko da, izandako eskaria kontuan hartuz. Senior filialak Lurraldeko Lehen Mailan jarraitzen du, etaJubenilen Ohorezko Maila, hirugarren urtez jarraian, [...]

Lauburuko kadeteak txapelketaren lehendabiziko egunean kanporatuak izan eta asteburuko ligaxkara pasatzeko aukerarik gabe geratu baziren ere, Espainiako txapelketa jokatzera Kantabriara joandako espedizioak, esperientzia ahaztezina bizitu du bertan. Txapelketa ostiral goizean hasi zen, eta Ibarrak Burela Pescados Ruben, galiziar txapeldunen aurka jokatu zuen lehendabiziko partida, hain zuzen ere, Mostoles hirian jokatuko den Final Four-a lortzeko faboritoetako bat zena, hasiera batean. Neurketaren lehendabiziko zatia oso parekatua egon zen; ibartarren intentsitateak eta defentsan egindako lanak gol-aukera asko ekidin zituen, baina zoritxarreko jokaldi batean Barelak markagailuan aurreratzea lortu zuen, ibartarrak, baloia urruntzeko asmoekin, euren atean gola sartu zutenean. 1-0ekoarekin iritsi ziren atsedenaldira. Bigarren zatia [...]

Euskadiko selekzioen txapelketa zela eta, bertan jokatu duten lau jokalariek izan ezik, kadete gehienek astebeteko atsedenaldiaz gozatu ondoren, iritsi da espainiar kluben arteko Txapelketa bezalako erronkari aurre egiteko unea. Konpromezu zaila eta aldi berean ilusio handia eragiten duena. Txapelketaren finala Madrilgo Mostoles hirian jokatuko da, baina lehendabizi ibartarrak, Castron burutuko den lauen arteko finalaurrekoa jokatu beharko dute. Ibarrari, zozketan, honako taldeak egokitu zaizkio: CFS Castro Urdiales, Kantabriako irabazle eta finalaurrekoaren antolatzailea, Burela Pescados Ruben, Galiziako irabazlea, Moprisala, Gaztela-Mantxako irabazlea eta Alhambra de Guijuelo, Gaztela-Lehoiko irabazlea. Ibartarrak lau talde hauekin jokatu beharko dute eta guztien artean, lehenengo sailkatua suertatzen denak, Mostolesen [...]