Aitor Arevalok zuzendutakoek 9-1 irabazi zioten Inter Yesos Castaño talde asturiarrari eta denboraldiko hemeretzigarren garaipena lortu dute jarraian Bi aste entrenatu gabe egon ondoren, COVID kasuek taldeko 6 jokalariri eragin zietelako, behin denak osatuta, moreek garaipen gehiago lortzeko anbizio handia erakutsi zuten. Denboraldia bikaina izaten ari da kirol arloan eta datorren astean La Esperanza Rangers Eskolaren aurka jokatuko duten partidan beste puntu bat lortuz gero, Liga txapelketa irabazteko aukera izango dute. Gaur egun 103 gol alde eta 17 kontra ditu talde ibartarrak, maila nazionalean Ohorezko Jubenil Mailan lehiatzen diren 109 taldeen artean gol gutxien jaso dituena izanik eta, dagoeneko, [...]

Lauburu Ibarra Mahala Inter Yesos Castaño taldearen aurka arituko da asteburu honetan 17:00etan Belabietan. COVID 19-ak eragindako hainbat positiboren ondorioz bi asteko etenaldia egin ondoren, ibartarrak erabat osatu dira eta hasia zuten bide polit horri berriro ekiteko gogoz daude. Modu horretara, aste honetan bertan hasi dira berriz ere entrenatzen. Konfinamenduak kolpe gogorra ekarri duen arren, Arevalok azaldu du "oso ondo" entrenatu ahal izan dutela, baina, era berean, jakitun direla lehiaketako erritmoa zertxobait galdu dela. Aurkariari dagokionez, zazpigarren postuan dago gaur egun. Azken asteetan, 15 metroko zonakako defentsa itxia eta pista osoko banakako defentsa egiten ari dira. Bestalde, erasoari dagokionez, [...]

Gure taldeak Tafatrans Vulcanizados Ruiz-en aurka jokatu zuen atzo Tafallan. Gehiago merezi arren, Jotak zuzentzen duen taldeak eginiko esfortzu handiak ezin izan zuen aurkaria mendean hartu (3-1) Hasierako bostekoa Peña, Iñigo, Dani, Zumeta eta Antxon izan ziren. Etxekoak pista erdian zain zeuden bitartean, ibartarrak azken metroetan hurbiltzen saiatzen ziren. Lehenengo 5 minutuetan, jokoari eusten jakin izan zuten bi taldeek eta ekintza arriskutsuak gelditu zituzten. Hala ere, hain zuzen 5. minutuan, Tafallak markagailua estreinatu zuen eskuin hegaletik (1-0). Horrek urduritasunari eta hasierako berdintasunari konfiantzazko plus batekin aurre egiteko balio izan zien. Hortik aurrera, gure taldeak ere defentsa jaitsi zuen, baina [...]

Larunbat honetan Nafarroara bidaiatuko dugu Tafatrans Vulcanizados Ruiz taldearen aurka jokatzeko arratsaldeko 18:00etan. Ideiak argi edukiz, helburua ondo markatuta eta oso landuta dago. Horrela, Alvaro izan ezik (dakigun bezala bere lesioagatik ezingo baitu denboraldi amaierara arte berriro jokatu), plantilla osoa 15:00etan irtengo da autobusean Ibarratik, denboraldi osoko neurketa zailenetako bati aurre egiteko asmoz. Lehen fasea 1.postuan bukatu ondoren, Tafallako taldeak lider jarraitzen du. Gainera, joan den astean ezagutu zuten beren lehen porrota, Otxartabe bilbotarraren aurkako norgehiagokan (8-3). Hortaz, puntu mailan eta koefizienteetan oinarrituta, talde morea nafarrengandik 5 puntu ingurura dago eta Otxartabe bigarren sailkatuarengandik, aldiz, 3-ra. Aurkariaren emaitza onak [...]

Gure taldeak martxoaren amaieran hasi zen 2.fase honetako 3.jardunaldia jokatu zuen atzo San Juanen aurka. Bi taldeek ondo finkatutako helburuekin, itxaropenak altuak ziren eta inork ez zuen huts egin borrokatzerako orduan. Antxon, Juaristi, Iñigo, Andoni eta Peña izan ziren gure hasierako bostekoa. Lehen hurbilketak San Juanek egin zituen, jaurtiketa oso arriskutsuak burutuz. Dena den, horiek kanpora ateratzea lortzen zuen Peñak eta, horrek, ibartarrentzat hasiera gogorra izan zitekeena saihesten zuen. Era berean, Juaristik eta Iñigok amaiera ona ematen zien gure jokaldiei, pistako jokalari guztien arteko koordinazio ona islatuz. Baina baloiak ez zuen sartu nahi. Hala, horietako batean, Andonik arratsaldeko lehenengoa [...]

Osakidetzak egin beharreko PCR proben ondoren, Jubenilen Ohorezko Mailan beste 6 positibo egon direla baieztatu dezakegu. Horren aurrean, Klubak animo mezu bat helarazi nahi die kaltetuei eta haien familiei.  Horrela, Osakidetzak uneoro emandako jarraibideak betez, plantilla osoa konfinatuta dago. Gainera, Klubak dagoeneko jakinarazi dizkio Espainiako Futbol Federakundeari, horretarako prestatutako bitartekoen bidez, doktoreak Erakunde Federatiboari igorri dizkion txostenak. Ondorioz, kirol-egoeraren garrantzia bigarren mailara pasa da eta nazional mailan jokatzen duten bi taldeen berregituraketa aztertua izaten ari da. Izan ere, OJM-ko jokalarien egoerak eragin zuzena du 2B taldearen egunerokotasunean; Jotaren taldea osatzen duten jokalarien kopurua eskasa baita. Zentzu horretan eta bi [...]

Larunbat honetan gure taldea Belabietara itzuliko da, AD San Juan taldea izango duelarik aurkari arratsaldeko 18:30ean hasiko den norgehiagokan. Pasa den ostegunean Guadalajaran galdu ostean, Jotak zuzentzen duen taldeak "sentsazioak berreskuratu" nahi ditu, partida guztiak ezberdinak direla eta erregistro ezberdinak menderatzen jakin behar dela kontuan hartuta. Aurrez aurre, aurkari gogorra, eskarmentu handiko jokalari beteranoekin. Iruñekoak laugarren daude gaur egun, gure taldearen atzetik. Izan ere, beste azpitaldeko bigarren sailkatuak izan ziren, eta, beraz, puntu eta koefizienteen mailan oso egoera parekatuan egotea suposatzen du horrek. Zentzu horretan, gure entrenatzaileak azaldu duenez, horrelako partidak "beti dira oso lehiatuak", betez ere, San Juaneko jokalariek [...]

Lauburu Ibarra Mahala taldeak 2-3 irabazi dio Asturiasko Gijón Playas taldeari bigarren faseko 4. partidan eta denboraldiko 18. garaipena lortu du jarraian. Horri esker, piparreroek Espainiako Txapelketarako txartela ziurtatu dute, oraindik 4 jardunaldi jokatzeke dituztela Xixongo El Llano pabiloian jokatuko dute gaur goizean taulako lehen bi sailkatuak. Partida lehiatua izango zela aurreikusten zen eta Asturiaseko zaleek kantxa gainean bi taldeek eskainitako ikuskizunaz gozatzeko aukera izan dute. Partida sake ibartarrarekin hasi da. Etxeko taldeak pista erdian aldaketak egiteko defentsa proposatu du, Arevalok zuzendutako taldeak etxeko planteamendua desegiten saiatzen zen bitartean, berezkoa duen joko posizionalaren bidez. Lehen minutuetan, bi taldeak partidaren kontrola [...]