Larunbatean Euskal Ligako taldea Bilbora joan zen Leioa Ibarakiren aurka Ligako 12.jardunaldia jokatzera. Gure entrenatzailearen arabera, norgehiagoka aukera paregabea zen moreak taulako lehen postuan jartzeko. Hala ere, taldea esku-hutsik itzuli zen Ibarrara 3 eta 2-ko markagailuarekin. Norgehiagoka aztertzen, Arevalok esan zigun uste zuela bere mutilak nagusi izan zirela posizio-jokoan, baina fin jokatzea falta izan zitzaiela amaieran. Aitorri gauza batzuk gustatu zitzaizkion, bai, baina, horren aurrean, aurkaria eraginkorra izan zen eta ibartarren akatsez baliatzen jakin zuen. Horrela, gaizki defendatutako hegaleko sake batek, gaizki mailakatutako falta batek eta gaizki defendatutako trantsizio batek lokalen alde jartzen zuen elektronikoa. Aldeko bi golei dagokienez, Unai [...]

Larunbatean Bilbora joan ginen bigarren itzuliko lehen jardunaldia jokatzera. Aurrean, Play Offeko postuetarako sailkapena lortzen urteak daramatzan aurkaria. Taulako puntu-berdintasuna kontuan hartuta, asteburuan 3 puntu batzea oso garrantzitsua zen bi taldeentzat. Lehen zatiari Alvaro, Chuky, Boli, Eric eta Jorge boskotearekin ekin genion. Eta, egia esan, ezin izan genuen hobeto hasi, markagailua estreinatuz Alvaroren eskutik Boliren zerbitzura. 2:30 minutu besterik ez ziren pasa eta area barrutik hartu genien aurre bertakoei. Funtsezkoa zen emaitzari eustea, baina etxekoek jarri zuten intentsitate plusak bata bestearen atzetik aukerak sortzea eragiten zuen, eta, horrela, 6. minutuan, berdinketa iritsi zen bigarren zutoinetik (1-1). Arriskua hor zegoen, [...]

Bihar Bilbora bidaiatuko dugu bigarren itzuliari hasiera emateko, 18:15ean CD Otxartaberen aurka jokatuz. 21-22 denboraldiko estreinaldiko partidan berdinketa lortu genuen elkarren arteko norgehiagokan (3-3). Kopako kanporaketan, aldiz, 3-2 galdu genuen arren, amaierara arte jokoan mantentezen jakin genuen. Puntuei dagokienez, parekatuta gaude, baina haiek Guadalajaran 3 puntu lortzetik datoz. Gainera, Gabonetan aldaketa handia izan dute, eta Yerai joan zaie, Jonathan Camara, eskarmentu handiko beste jokalari bat, haren postuan ipiniz. Erritmoa hartzea kostatzen ari dela badirudi ere, ziur buruko postuetara lotu eta Play Off postuetan sartzeko borrokatuko dutela, urtero bezalaxe. Horrela, bigarren itzulia +3 batekin hastea funtsezkoa izango da haientzat ere. [...]

Atzo mailako liderraren aurka jokatu genuen Ligako hamaikagarren jardunaldiko partida berreskuratzeko. Etxean batuta itxi nahi genuen lehen itzulia, Play Offetik 3 puntura jarriz. Eszenatokia ez zen mesedegarriena, bagenekien, baina borrokatu beharra zegoen. Jorge, Oscar, Christian, Eric eta Bolirekin hasi genuen lehen zatia. Gogor hasi ziren bisitariak, gure eremura gerturatuz eta atezainarekin batera erasoko ekintza arriskutsuak sortuz. Horrela, 2. minutuan, ezker hegaletik egindako jaurtiketa egoki batek haien aldeko markagailua estreinatu zuen (0-1). Horren ostean, nafarrek indartsu jarraitu zuten eta nagusi izan ziren. Alvarok eta Ericek bi aukera polit izan zituzten, baina asmatu ez izanak eta aurkariaren intentsitate maila altuak, bigarren gola [...]

Jotak zuzentzen duen taldeak sailkapeneko hirugarren sailkatuaren aurka jokatu zuen larunbatean lehen itzuliko azken jardunaldiko partida. San Juanen jokatzea beti da erronka bat, eta, beraz, ondo mentalizatuta iritsi ziren ibartarrak Iruñera. Gainera, azken orduko baja izan zen gure misterra eta horrek are gehiago zaildu zuen eszenatokia. Jorge, Ilias, Eric, Chuky eta Oscarrekin hasi ginen. Partidako lehen ekintzan, San Juanek barkatu egin zuen area ertzean egindako lapurreta baten ondoren. Gero, Jorgek bi aukera garrantzitsu saihestu zituen jarraian, eta Chuky kontra ateratzen saiatu zen. Ikerrek ere aukera polita izan zuen, Alvaroren zerbitzura. Etxeko atezainak kanpora atera zuen baloia. Lehen zatiko lehen [...]

Bihar AD San Juanen aurka jokatuko dute gure mutilek lehen itzuliko azken-aurreko partidan. Gabonetako etenaldiaren ondoren, ohiko moduan entrenatu dute asteko 4 saioetan eta, azken jardunaldietan batutako puntuen garrantzia kontuan hartuta, norabide horri eustea ezinbestekoa izango da. Aurkariari dagokionez, mailan oso finkatua dagoen talde nafarra, hirugarren postuan dago, 25 puntu pilatuta. Horrela, asteartean Tafallaren aurka jokatuko den partida atzeratuaren emaitzaren zain, 6 puntuk urruntzen dituzte ibartarrak Iker Torok zuzendutakoengandik. Badakigu San Juanen aurkako norgehiagokak beti izaten direla oso lehiatuak, eta esperientzia handiko taldea dela, amaierara arte buru-belarri ibiltzen dena. Gainera, Guadalajaratik puntu baliotsua lortzetik datoz eta etxean liderrari irabazteko [...]

Sailkapeneko zazpigarren postuan jartzeko balio du atzoko garaipenak, 19 puntu pilatuta, SCDR Anaitasuna seigarren sailkatuarekin berdinduz Jotak zuzentzen dituenak Gabonen aurreko azken partida jokatu behar zuen atzo etxean. Dehesa Villalba talde madrildarraren bisita jaso zuten, zeinak ibartarren puntu kopuru bera zituen. Jorge, Eric, Oscar, Christian eta Bolirekin hasi zen partida. Lehen minutuetan kontzentrazio eta intentsitate handia falta izan zen eta aurkariak 3 gol sartu zituen ia aldi berean. Lehenengoa korner jaurtiketa baten ondoren iritsi zen norgehiagoka hasi eta 20 segundora, bigarrena 2:20 minutuan, falta batetik eta, hirugarrena, 3 minutu geroago area barrutik (3-3). Kolpe gogor horri aurre egin behar [...]

Lauburu KE Ibarrak CDE Dehesa Villalbaren aurka jokatuko du bihar Belabietan, 18:30ean, Gabonetako geldialdiaren aurreko azken partida izango den horretan. Lehen itzuliko azken-aurreko norgehiagoka ere bada, eta Jotak zuzentzen dituenak jakitun dira, taulan nabarmen igo nahi izanez gero, oso garrantzitsua izango dela etxean 3 puntuak eskuratzea. Aurkariari dagokionez, hamabigarren postuan dago, ibartarrren puntu kopuru berarekin (16 guztira). Horrela, gaur egun, 5 puntuk bakarrik urruntzen dituzte moreak eta madrildarrak play off postuetatik. Gure entrenatzaileak dioenez, sailkapenak erakusten duen bezala, berdintasun handia aurreikusten da biharko. Badakite erasorako taktika eta kalitate tekniko handia duten jokalarien aurka aritu beharko dutela. Juaristi eta Marcos [...]

Lauburu Ibarra Mahalak 10. jardunaldia jokatu zuen larunbatean Aretxabaletan. Belabietan jokatutako azken partidan irabazi ondoren, Arevalok zuzentzen dituenak 3 puntu lortu behar zituen sailkapeneko lehen bost sailkatuen artean sartzeko. Taldeak defentsa baxuarekin hasi zuen lehen zatia. Bazekiten aurkariaren 3-1 jokoa oso bertikala zela eta, beraz, ez zuten nahi pilota etengabe airean hegan egongo zen norgehiagoka bat jokatu. Moreak aurreratu ziren Martinen gol batekin, kornerretik sakatutako geldikako ekintza batean. Ondoren, Arevaloren arabera, defentsan egindako lan onari esker, ibartarrek ez zuten asko sufritu behar izan. Bigarren zatia hastearekin batera, etxeko taldea oldarkorragoa izan zen eta, intentsitate horren ondorioz, falta ugari egin [...]

Larunbatean, gure taldea Ligako hamahirugarren jardunaldia jokatzera joan zen Taustera (Zaragoza). Lehen zatiaren amaieraren atarian, Jotak zuzentzen dituenak funtsezko hiru punturi egin behar zieten aurre. Partida Jorge, Eric, Christian, Oscar eta Ilias hasierako bostekoarekin hasi zen. Etxekoek pista erdian itxarotea erabaki zuten defentsan eta gure lehen ekintza Ericek egin zuen gora zihoan jaurtiketa batekin. Gureek ohi bezala presionatu zuten. Erasoari dagokionez, gutxinaka hurbiltzen hasi ginen eta, 2:20 minutuan, taldeko ekintza on batek partidako lehen gola ekarri zuen. Area barruan, Iliasek Erici utzi zion jaurtitzeko eta honek gol ikusgarria sartu zuen area barrutik (0-1). Aurrerago, Jorgek aurkariaren aukera argia salbatu [...]