Lauburu Mahala Ibarrak 9-1 irabazi zion bigarren faseko lehen jardunaldian Asturiasko EFS Siero taldeari Belabietan. Horrela, Ligako sailkapenaren buruan jarraitzen du, lehen eta bigarren faseetan lortutako puntu guztiak batuta. Asturiarrek pista erdiko defentsa batekin hasi zuten jokoa, baloiak lapurtzeko asmoz. Bisitariek ezustean harrapatu zuten etxeko taldea, lehen zatiko 38. segundoan markagailua estreinatuz (0-1). 15 jardunaldiren ostean talde batek piparreroei aurrea hartzen zien lehen aldia izan zen. Datu bitxia eta aldi berean aipagarria, esperimentatzeko egoera berria. Gol horrek ekarri zuen antsietatearen ondorioz, baloiaren erritmoa aurkitzea kostatu zitzaien ibartarrei. Aurrerago, Aitor Arevaloren mutilek erasorako plana zehaztuta eduki arren, ez zuten lortzen maila [...]

Larunbat honetan Aitor Arevaloren mutilek hasiera emango diote bigarren faseari eta Belabietan jokatuko dute E.F.S Siero “A” taldearen aurka, arratsaldeko 17:00etan. Ametsezko lehen fase bat amaitu ondoren, ilusio handiz eta urrutira iristeko gogoz ekingo dio bigarren faseari Lauburu Ibarra Mahalak. Aurkariari dagokionez, Arevaloren arabera, oso talde lehiakorra da eta maila honetan finkatuta dago. Gainera, kirol honetan eskarmentu handia duen entrenatzaile baten zuzendaritzapean daudela azaldu du gure entrenatzaileak. Aitorrek ere asturiarren jokoa aztertu du: "pista erdian aldaketak egiten dituen talde baten aurrean gaude, erasoan 3-1 sistema erabiliz jokatzen duena. Baloia berreskuratzen duenean korrika egitea gustatzen zaio, eta bizia da pilotak atzera [...]

Gure taldeak Otxartabe C.D taldearen aurka jokatu zuen atzo Bilbon, lehen faseko azken jardunaldiko partidan. Moreek bazekiten ez zela batere erraza izango hain maila handiko pista batean 3 puntuak lortzea, baina zortzigarren garaipena jarraian lortzeko gogor arituko zirela ziurtatuta bidaiatu zuten. Dani, Juaristi, Raid, Antxon eta Peña izan ziren hasierako bostekoa. Lehen jokaldietan berdintasun handiarekin, Otxartabek markagailua estreinatu zuen 6. minutuan, baloia lapurtu eta gelditzeko oso zaila zen 1x1-eko jokaldi bat burutu ostean (1-0). Bi taldeak pista erdian defendatzen hasi ziren arren, intentsitatea eta markagailuaren estreinaldia zirela eta, bai etxekoak bai bisitariak presio altua egiten hasi ziren. Era berean, gure [...]

Larunbat honetan, gure taldeak Bilbora bidaiatuko du 18:15ean Otxartabe C.D taldearen aurka jokatzeko. Gaur egun, Otxartabe eta Lauburu sailkapeneko lehen eta bigarren postuetan daude, hurrenez hurren. Norgehiagoka hau lehen faseko azken jardunaldiari dagokiola kontuan hartuta, bi taldeek garaipena lortu nahi dute 14 jardunaldi luze eta gogorrez osatuta egon den zikloari amaiera emateko. Lehen postua lortzeko borrokan Aurkariak denboraldi bikaina egin du, eta horrela erakusten dute bere emaitzek. Jokatutako 13 partidetatik 11 irabazi ditu, 1 berdindu eta 1 galdu (hain zuzen ere, Jotaren taldearen aurka Belabietan jokatutako partida). Horrenbestez, 34 puntu pilatu ditu. Talde moreak, berriz, 31. Beraz, irabaziz gero, puntu [...]

Hiru Foru Aldundiek eta Eusko Jaurlaritzak antolatutako 3K programan parte hartzea erabaki du Lauburuk. EUSKALITEK koordinatuta, Kudeaketa Aurreratuaen Diploma eskuratzeko balioko du 3 urteko iraupena duen programa honek. Kudeaketa Aurreratuaren Ereduan oinarrituz, hainbat tailer eta ariketez osatua egongo da eta kirol-erakundeen kudeaketa hobetzea izango da helburua. Lauburutik gogo handiz eusten diogu erronka berri honi. Klub bezala hazten eta ikasten jarraitzeko ez ezik, herritarrei ahalik eta zerbitzu hobea eskaintzeko balioko du gure parte-hartzeak. Hortaz, esperientzia polita eta aberasgarria izatea espero dugu. GOAZEN LAUBURU!

Lauburu Ibarra Mahala taldeak Otxartabe Kirol Klubari irabazi zion asteburuan, lehen faseko azken konpromiso bikoitzean. Hortaz, lehen 14 jardunaldien ostean 14 garaipen eskuratuz pasa da bigarre fasera. Gauzak horrela, Aitor Arevaloren mutilek Asturiasko azpitaldearen aurka jokatuko dute bigarren fasean, guztira 8 partida jokatuz: 4 etxean eta beste 4 etxetik kanpo. Lehen fasean lortutako puntu eta koefizienteen batuketaren eta bigarrenean jokatu beharreko konpromisoen ondoren, azken sailkapena aterako da. Lehen bi sailkatuek Espainiako txapelketaren aurreko faserako txartela izango dute. Talde morearen aurkariak Gijon Playas, La Esperanza Rangers, Inter Yesos Castaño eta Escuela Futsal de Siero izango dira. Piparreroek jokatutako azken konpromiso bikoitzari [...]

Gure taldeak Laskoraingo bizilagunen aurka jokatu zuen atzo Belabietan, lehen fase honetako azken-aurreko jardunaldian. Atzoko neurketan, 3 puntu baino gehiago zeuden jokaon. Bi taldeek garaipena lortu nahi zuten, bigarren faserako funtsezkoa baita gehitzen jarraitzea. Gainera, tolosarren kasuan, irabaztea ezinbestekoa zen; jaitsierak modu larrian mehatxatzen baititu. Laskorainek estreinatu zuen markagailua Partida Iñigo, Zumeta, Antxon, Dani eta Endikarekin hasi zen. Neurketako lehen ekintza Iñigok egin zuen, baloia jokoan jarri eta segundo gutxira jaurtiketa bat eginda. Hortik aurrera, bizkarra irabazi nahian ibili zen Laskorain, etxekoen atera oso azkar hurbiltzeko helburuarekin. Aldi berean, beren defentsa igotzen zuen gauzak are zailagoak jartzeko.  Ibartarrei dagokienez, Antxonek, [...]

Larunbat honetan, 18:30ean, gure taldeak Laskorainen aurka jokatuko du Belabietan, intentsitatez, urduritasunez eta garaipena lortzeko gogo biziz iritsiko den derbi batean. Aurkaria dinamika on batetik dator Lehen fasea bukatzeko bi jardunaldi falta direnean, tolosarrek 8 puntu dituzte guztira. 11 partidetatik 2 irabazi dituzte, beste 2 berdindu eta 7 galdu. Horri dagokionez, nabarmentzekoa da pilatutako puntuetatik 1 moreen aurkako lehen partidan lortu zutela; azken 11 segundoetan dena erabaki zuen penalti bikoitz baten ondoren. Gainera, dinamika on batetik datoz gure bizilagunak. Duela bi aste Bilbon Otxartaberen aurka 1-0 galdu eta Gora Grupo Ironi etxean 5-4 irabazita, Narciso Pavoren mutilak prest daude Ibarrakoei [...]

Asteburu honetan, Otxartabe talde bilbotarra izango du aurkari Lauburu Ibarra Mahalak. Lehen partida Belabietan jokatuko dute arratsaldeko 16:00etan. Bigarrena, Bilbon, goizeko 11:15ean. Norgehiagokak igande honetan bertan amaituko den lehen faseko 7. eta 14. jardunaldiei dagozkie.  Otxartaberi dagokionez, sailkapeneko azken postuan daude, puntu kopuruan Gora Red Blue beren bizilagunekin berdinduta. 12 jardunaldietatik 2 irabazi dituzte, beste 2 berdindu eta 8 galdu. Horrekin lotuta, sailkapenaren behealdean dagoen talde bati aurre egingo dioten arren, aurkaria “oso arriskutsua" dela adierazi du Arevalok. Gainera, gure entrenatzaileak gaineratu duenez, aurreko urtearekin alderatuta baliteke aurkariak talentu gutxiago izatea, baina astero aurrera egiten dutenez, ziur partida bikoitzerako konpromisoa [...]

Jokalari tolosarra eta Lauburu Ibarra adostasun batera iritsi dira elkar lotzen dien akordioa eteteko. 2017-2018 denboraldiaz geroztik, Laubururen istoriaren parte izan da Beñat eta, honela, amaitutzat ematen da 3 denboraldi iraun dituen etapa bat. Dena den, bi aldeek ateak zabalik utzi dituzte etorkizuneko itzulera baterako. 2017-2018 denboraldian fitxatu zuen Lauburuk Beñat Aldalur, taldea eraberritzeko prozesu batean. Tolosarrak hasiera hasieratik erakutsi zuen bere konpromisoa, baita bere kalitatearen dizdira ere. Ordutik makina bat ikusle altxa ditu bere eserlekuetatik erakutsi duen gaitasunarekin. Zalegoak asko disfrutatu du jokalari honekin, zalantzarik gabe. Taldearen denboraldi hasiera bikaina alde batetara utzita, baja garrantzitsua izango da Jotak zuzendutakoentzat. [...]