Maila honetako pistarik zailenetako batean lehiatu gara gaur. Hala ere, Dani, Txiki, Uri, Boli eta Oscar hasierako bostekoarekin norgehiagokari hasiera eman, baloia jokoan jarri eta, oro har, nagusitasuna genuela sentitu, eta lehen zati ona egin dugu. Izan ere, horri esker, Urik markagailua estreinatu du 5. minutuan: Danik Oscarrentzat egindako sake baten ondoren, azken honek pase bat sartu dio gure 10 zenbakiari, zeinak defentsa atzean utzi, eta markagailua estreinatu duen (0-1). Gero, emaitzak islatzen zuen alde txikia zela eta segurtasun handirik gabe jokatu dugun arren, emaitza mantentzea lortu dugu, atsedenaldira aurretik joan ahal izateko.

Aldageletatik bueltan, Dani, Eric, Txiki, Uri eta Chuky bostekoarekin hasi gara. Lehen zatian ez bezala, minutuak oso motel joan dira oraingoan, eta ez talde batek ezta besteak ere ez du arriskurik sortu, hasieran behintzat. Hala ere, apurka-apurka, etxekoak hurbildu egin dira, eta bi jaurtiketa arriskutsu egin dituzte. Daniren erreakzio azkarragatik izan ez balitz, seguraski aldatu egingo litzateke partidaren norabidea.

Azken 5 minutuetan sartuta aurretik joan arren, atezain jokalariaren aldeko apustua egin du gure entrenatzaileak, dena emateko asmo argiarekin. Horrelako aurkari batekin, gol bakarreko aldeak ez baitu ezer ziurtatzen. Horren ostean, minutu nahasiak bizi izan ditugu Iru├▒ean: berdeek defentsa itxia aukeratu dute, eta moreek, berriz, arriskurik gabeko defentsa.

Zalantza eta tentsio unea igarota, lehiaketa itzuli da San Juanen pistara. Oso aukera argia izan dugu aurkariaren area barrutik, baina Ericek eta Ikerrek zalantza egin dute eta Bolik, baloia jotzen azkenak, ez du asmatu. Antzera, berdinketa ukitu dute nafarrek, baina, beste behin, Danik ondo urrundu du. Bukatzeko, beste aukera bikain batekin egin dio berriz ere ihes Boliri, eta zutoina jo du baloiak. Segundo batzuk geroago, amaiera adierazten zuen txistua iritsi da.

Animo eta dinamika onari eusteko funtsezkoak diren beste hiru puntu. GOOOOOOAZEN!!!!!!!!