Klubeko kirol zuzendaritza atzo arratsaldean bildu zen denboraldi berri honen inguruko azken gertakariak aztertzeko. Errealitatea oso zalantzazkoa da gaur egun. Lehiaketaren hasiera-data zehaztu gabe dago oraindik, eta Covid-19a goraka doa. Halaber, ez da aurreikusten lehiaketa epe laburrean hasiko denik. Hori guztia kontuan hartuta, eta irailaren atarian gaudenez, kirol-zuzendaritzak Bigarren B Mailako taldearentzako banakako lanarekin berriro hastea erabaki du. Abuztuaren hasieran honela hasi zen taldea, baina hilaren erdialdera gelditu egin zen, Espainiako Futbol Federazioak hartutako konpromisoaren arabera, pistetara, gehienez, hilabeteko epean itzultzeko aukera zegoela pentsatuz. Bestalde, jubenil eta kadete kategorietarako programa indibidualizatu bat abiaraztea ere erabaki zen, egokitzapen orokorreko lan [...]