Lantaldea osatzeko momentuak bere sarrera eta irteerak izaten ditu beti.  Jokalari berriak iristea eta beste batzuk uztea ohikoa izaten da uda oro. Lauburun, ordea, bajen kontua nahiko sentsiblea suertatzen da klubean eta lantaldean sortzen den lotura dela eta. Ibarrako taldearekin konpromiso eta ekarpen nabarmena erakutsi duten jokalariak direlako gertatzen da, Ioritz eta Endika kasu. Bietako inor ez da egongo taldeak irailaren 9an ligako lehenbiziko jardunaldia jokatuko duen partidan. Beren lanak kirolarekin uztartzea ezinezkoa izan zaigu eta hori izan da biek erabaki gogor hau hartu behar izanaren arrazoia. Endikak, bere lana dela eta, bidai ugari egin behar izaten ditu eta horrek, [...]

Josebak eskumuturrean duen lesioagatik abendura arte, gutxienez, kantxatik urrun ibiliko denez, Lauburuk bere atea indartzeko pausoak eman behar izan ditu. Beste aldetik, Iñaki Peñak entrenamenduak eta partidak Iruñean burutzen ari den ikasketekin uztartzeko dituen zailtasunak ere, lehenengo lantaldea Zuhaitz atezainarekin bakarrik geratzea eragin zuen. Egoera honen aurrean, aukera batzuk aztertu eta Lauburuk lantaldera berme handiko hainbat jokalari berri gehitzea erabaki du. Lehenbizikoa Iraitz Olasagasti da, Oiartzungo atezaina, izen handikoa eta Lauburuko partaide izandakoa aurreko denboraldi hasiera arte. Iaz Belabietatik aldendu zuen lan-arazoa konpondu ostean, Iraitz moratuekin elkartuko da berriro, etorri berri baten ilusio berberarekin. Beste jokalaria Gaizka Ayestaran izango da, [...]

Lauburu K.E. bere lehenbiziko lantaldeari azken ukituak ematen ari da eta klubeko teknikoak oso gustura agertu dira bertako jokalariekin. Oso zaila egiten da Ibarrak ezarritako irizpideetan sartuko diren mailako jokalariak aurkitzea, hau da, gazteak izateaz gain, harmarria zein herriarekiko sentimendua barneratzeko gai izango diren jokalariak izatea. Profil honetara ongi baino hobeto egokitzen diren bi gazte oparo, gurean izango dira asteartetik aurrera; Lauburuk aurtengo ibilbidea hasiko duen lehenbiziko eguna. Bi gazte hauek Dani Garcia eta Oihan Carlosena dira; Mallorcan jaio eta Berriozarren hazitakoa lehena, ezkaroztarra eta Andoniren anaia, bigarrena. Biak adin beretsuko gazteak izanda ere, Danik 21 eta Oihanek 20, oso [...]

Andoni Zumeta eta Zuhaitz tolosarrek, Ibarrako disziplina barruan jarraituko dute datorren denboraldian. Zuhaitz atezainak lan bikaina egin zuen iaz, lantaldeko atezainik erregularrena izan zelarik. Horrek ziurtatu du bere jarraipena datorren denboraldirako. Andoni Zumetak ibartar jokoaren egokitze prozesu logiko bat behar izan zuen, baina ondoren, denboraldia maila oso altuarekin amaituz, lantaldeko jokalaririk azpimarragarriena bilakatu zen. Gainean dugun denboraldi hau leherketa baten denboraldia izatea espero du klubak eta bere ekarpenaren neurria, duen kalitate handiaren tamainakoa izatea. Bi berritze hauekin, klubak lantaldea osatzen jarraitzen du, nahiz eta oraindik moratuen taldea osatuko duten pieza guztiak aurkeztea geratzen den. Datozen egunetan emango ditugu berri gehiago. [...]

Lauburu Ibarra Mahalako Jubenilen Ohorezko Mailak irailaren 1ean hasiko du aurredenboraldia. Egutegia osatu ostean, 12 talde dira multzoan egongo direnak: kantabriako hiru, errioxako beste bi, bi bizkaitar, bi asturiar nafar bat eta bi gipuzkoar (Lauburu Ibarra Mahala eta Eskoriatza). Liga urriaren 7an hasiko da eta Aitor Arevalok gidatutako taldeak lehenbiziko jardunaldian Irurtzungo Xota taldea jasoko du Belabietan. Ligako lehenbiziko partidarako prestatzeko sei aste izango ditu taldeak eta denbora horretan entrenamenduez aparte lagunarteko batzuk ere jokatuko ditu, lehenengo partida horretara ahalik eta baldintza onenetan iristeko. Egutegia ezagutu ostean entrenatzaileak zozketaren balorazioa egin zuen: abenduaren 9 arte txapelketa ez da gelditzen guretzat [...]

Bigarren B Mailako 2. multzoaren ligako egutegia atera da jada. Bertan jokatuko du gure lehenengo taldeak eta azkenean 16 taldek osatuko dute aipatu multzoa: Aragoi, Nafarroa, Gaztela Leon, Gaztela Mantxa, Valentzia, Kantabria, Errioxa eta Euskadi. Lehenbiziko jardunaldia irailaren 9an izango da, ohi baino goizago aurten, eta Ibarran jokatuko dugu Quinto de Ebroko Sala Quinto taldearekin aurrez aurre. Etxetik kanporako bidea bigarren jardunaldia jokatzeko egingo dugu lehenbiziko aldiz eta denboraldiko bidai luzeena izango da gainera, Castellóra joan beharko baitugu Segorberi bisita egitera. Denboraldi hasiera goiztiar honetaz aparte, Gabonetan burutuko dugun hiru astetako atsedena eta martxotik maiatza bitartean jokatu gabe egingo ditugun [...]

Denboraldi honetan lortu dituzten emaitzak bikainak izanda, Lauburu K.E. Ibarrak bikote nafarrarekin kontatzen jarraituko du beste behin. Andoni Carlosena eta Javi Saldise Alfredo Hualderen agindupean egongo dira 2017/18 denboraldian zehar. Bai klubak eta baita jokalariek ere, interes handia adierazi dute bien arteko lotura luzatzeko garaian, gutxienez, beste denboraldi batez. Gure aldetik, izugarri pozten gaitu luzapen honek, biek, kirolari gisa erakutsitako kalitateaz gain, konpromiso itzela eta jarrera bikaina ere izan baitute denboraldi guztian zehar. Gure gazteen eredu izatea nahiko genuke, haiei begiratuz ikastea. Laster hasiko den denboraldi berrian ziur gaude Javik eta Andonik ibartar parrokian poztasun handiak eskainiko dituztela. GOAZEN LAUBURU [...]

Lauburu K.E. Ibarrak 17/18ko denboraldi zirraragarri honen aurrean, bere lantaldearen osaketa egiten jarraitzen du. Aurten, bertako gazte beterano guztiek Alfredo Hualderen agindupean egongo direnaren berri ona partekatzen dugu. Bai Andoni Agirrezabala, Agustin Garmendia eta baita Xabi Zuriarrain berak ere, beren hirugarren denboraldia beteko dute Ibarrako lantaldean. Xabi billabonatarra urtarrilean gehituko zaio lantaldeari, ordura arte Estokolmon izango baita ikasketak amaitzen. Beñat Aldalur eta Asier Aierbe berriz, moratuekin egingo duten bigarren denboraldia hasiko dute. Beñat tolosarra Mikel Diestroren aginduetara egon zen hasieratik aurreko denboraldian eta kategorian debutatu zuela kontuan hartuta lan bikaina egin zuen bertan. Asierri dagokionez, ibartarraren kalitateak eta heldutasunak eragindako [...]

Lauburu K.E. Ibarrak, lantaldeko jokalari beteranoenei berrituta, bere bizkar hezurreko zatirik handienaren jarraipena ziurtatu du. Honela, Aitzol, Garmen eta Joseba moratuaz jantziko dira berriro datorren denboraldian. Ibartarren kapitainaren kasuan, 17-18ko denboraldia Ibarrako lehenengo taldean egiten duen hirugarrena jarraian izango da, klubarekin guztira, zortzi denboraldi pilatu dituelarik. Aitzolek jarraituko du erreferente nagusia izaten Alfredo Hualdek gidatutakoentzat, kantxaren barruko erregulartasuna kanpoko lidergo eta karismarekin uztartuz. Garmenek berriz, iritsi berria balitz bezalako ilusioarekin hasiko du denboraldia, izan ere, jokalari nekaezin honek aurreko denboraldiaren gehiengoa galdu behar izan zuen soleon izandako ustekabeko lesio batengatik. Josebak kontu gehiago eskatzen digu, gaur egun, atezaina bajan baitago [...]

Irailaren lehenbiziko hamabostaldian ezohiko batzarra burutuko du klubak, datozen lau urtetarako bertako zuzendaritza batzorde berria aukeratzeko asmoz. Lehenengo taldea hirugarren mailan ligako txapelduna bi aldiz jarraian izan ondoren, 13-14 denboraldian 2B kategoriara igo zenean hasitako zikloa ixten dugu. Ustekabeko progresioa lau urtetan, zuzendaritzako bederatzi lagunez osatutako lan-talde hura oinez hasi zenean, egitura guztietan konpentsatuta egongo zen eta aurreko etapetan klubaren erreferentzia historiko gisa oinarriari mimoz begiratuko zion proiektu bati forma ematea zuen helburu. Imajina ezinezko lau urte hauetan, egiturari dagokionez, kluba era orekatuan hazi da, teknikoak, administrazioko pertsonala, instalakuntzak, materialak, instituzio-kudeaketa, babesleak,… edozein kirol proiektua garatzeko ezinbesteko zutabeak dira, baina [...]