Amaitu du liga Mahalak, eta denboraldia bukatzeko, Euskal Koparen apustua soilik falta da. Erkidegoko lau talde izango dira ikuskizun honetan, bi gipuzkoar eta bi bizkaitar, eta bikoteak ere horrela atera dira: Laskorain – Mahala Lauburu eta Zierbena – Bilbo. Apirilaren 16 eta 23an jokatu beharko dituzte finalaurrekoak, partida bikoitzetan eta zozketan taldeak era honetara suertatu direnez, apirilaren 30ean Bizkaian jokatuko den finalean herrialde bakoitzeko talde bat ziurtatua dago. Piparreroek apirilak 16an, larunbata 18:00etan, jokatuko du joaneko partida eta Billabonako Udal kiroldegian izango da, Tolosako Usabal kiroldegiko pistan arazoak daudelako. Txubelek justuko lantaldea du, gainera, Asierren lesioa gehitu behar zaio eta [...]

Ibartarrak Fuenmayor C.D. taldearekin neurtuko dira txapelketako hogeita zazpigarren jardunaldiko partidan. Larunbatean 19:30etan izango da. Denboraldia amaitzeko lau jardunaldiren faltan, Lauburu K.E. Ibarrak garaipena eskuratu eta 3 puntuak lortu beharko ditu kategorian jarraitzea ziurtatu nahi badu. Aurreko jardunaldian ere izan zuen irabazteko aukera baina lantalde gazteak egindako esfortzuak ez zuen saririk izan. Jaitsieratik bederatzi puntura daude gaur, baina seira jaitsi daiteke oraindik, Xotak, Labastidarekin atzeratutako partida jokatu eta irabazten badu. Mikel Diestro buru duen talde teknikoak egindako lan bikaina ez da, tamalez, taulan islatzen. Bigarren itzuli honetan lesioekin dauden arazo iraunkorrak, denboraldiko lehendabiziko zatian Pinseque, Colo eta San Juan bezalako [...]

Mahalak ligako azken neurketan Tolosako Laskorain K.E. taldearen aurka galdu zuen, lehiakortasun handiko derbi batean. Emaitzak ez zuen inolako eraginik izan bi taldeengan, ligako azken partida honetarako jada, guztia erabakita baitzegoen. Lauburuk jokalari batzuk lehenengo taldera eraman zituenez lantalde urriarekin aurkeztu zen norgehiagokara. Neurketa Urtziren golarekin hasi zen baina Laskorainek zortzigarren minutuan, Lasaren bidez, berdinketa lortu zuen bandako sake baten ostean. Bederatzigarren minutuan Tobik 1-2koa ezarri zuen area kanpotik egindako jaurtiketa batekin. Hamaseigarren minutuan Aldalurrek berriro berdinketa ezarri zuen falta zuzen batean egindako jaurtiketa baten bidez eta 17. minutuan Lakunzak 3-2koa egin zuen talde guztiaren artean landutako jokaldi batekin. Emaitza [...]

Ahazteko moduko partida batean, ibartarrek 2-3 galdu zuten Segorberen aurka. Hasieratik jarri zen Laubururen aurka partida, bisitariak lehenengo minutuan lehen tantoa egin baitzuten. Alexek amaitu zuen estrategiazko jokaldi eder batekin egin zuten 0-1ekoa. Bateko horren ondoren, piparreroak ez zuten erreakzionatzen jakin izan, intentsitate handirik gabe jokatzen zuten, aurkariaren atea urduri jartzea ere lortu gabe. Segorbe berriz, egoeraz baliatzen zen eta gol-aukera ugari sortu zituen baina punteria faltari esker atsedenaldira 0-1ekoa mantenduz iritsi ziren. Lehen zati txarraren ondoren, bigarren zatian zerbait indartsuago atera ziren Mikelen mutilak. Gol-aukerak ikusten hasi ziren baina defentsa ahaztu gabe jokatu behar izan zuten, Segorbek, trantsizio azkarren [...]

Txubelen taldeak 2015-16 denboraldiko ligako azken partida jokatuko du larunbatean. Amaiera emateko gipuzkoar derbian neurtuko da Laskorain K.E. taldearen aurka Tolosako Usabal kiroldegian, 15:30etan. Neurketa polita izango da, bi taldeek, bien arteko lehia dela eta, gogotsu espero zutena. Joaneko partidan, ibartarrak, hasieran 0-2 galtzetik 6-2ko emaitza sendo batera itzuli bat emateko gai izan ziren eta merezitako garaipena lortu zuten. Bietako inork ez du ezer jokoan denboraldiko azken partida honetan baina bi taldeak gogotsu aterako dira, elkarrekiko duten lehiakortasun jatorra dela eta. Gainera, partida honek, Mahala eta Laskorainek datozen bi asteetan jokatuko duten Euskal Kopako kanporaketa prestatzeko balioko die. Kanporaketan garaile [...]

Larunbatean, apirilaren 9an, Lauburu K.E. Ibarra – Segorbe C.D.F.S. taldeen arteko norgehiagokarekin batera, Bigarren B Maila Nazionaleko txapelketa itzuliko da Belabietara. Hitzordua 18:00etan izango da. Ibartarrek, Nafarroan San Juanen aurka partida zail bat jokatu ostean jasoko dute Castelloko taldea. Partida hartan gazteen taldeko beste bi jokalarien debuta ikusteko parada izan zen, Urko Gago eta Xabier Arranz. San Juan bezalako aurkari baten aurrean maila emateko gai izan ziren bi gazteak. Lehenengo taldean bajekin dagoen egoera ikusita, Txubelek gidatzen dituen gazteen urtea izaten ari da aurtengoa. Zortzi jokalariek lortu dute taldearekin jokatzeko deialdietan sartzea, ibartar gazteen lehiakortasuna areagotuz. Berri ona da hauentzat, [...]

Denboraldiaren azken txanpan sartu aurretik, orain artekoa errepasatzeko garaia izan du Aste Santu hauetan Lauburu-Berastegi taldeak eta esan behar da benetan ondo joan direla gauzak, bai joko eta baita emaitza aldetik ere. 8 taldek osatutako Gipuzkoako Areto Futboleko emakumeen liga hau amaitu berri da eta lehen 4 sailkatuak final erdietara sailkatzen ziren, hauek maiatzaren 7an jokatuko direlarik. Etxeko taldea bertan izango da 14 partidu jokatu ondoren 11 irabazi eta 3 galduta, 3. postuan amaitu baitute, lehenengo izan den Inter - Altzako eta bigarren Idiazabal K.E. taldeengandik puntu bakar batera. Final erdietan Inter Altzako Eskoriatzaren aurka lehiatuko da eta Lauburu - [...]

Mikel Diestrok deitutako 10 jokalarietatik, lau jubenil eta lehendabiziko urteko bi senior zeuden taldean. San Juan sailkapeneko laugarren postutik Errege Kopa jokatzeko lehenengo postuengatik lehian bizian dagoenez, gazte hauentzat erronka zaila izatea espero zen. Ligan gol gutxien jasandako bi taldeak neurtu ziren eta horrek, gol-aukera gutxi sortutako partida izatea eragin zuen. Ibarrak lehenengo aukera norgehiagokaren hasieran ikusi zuen, Xabik baloia ostu zuenean, baina aurkari batek gol-marratik baloia atera eta Andonik tantoa egitea eragotzi zuen. Neurketak aurrera jarraitu zuen, etxekoek baloiaren jabetza handiagoarekin baina menderatze argirik gabe. Hamargarren minutuan, trantsizio baten bidez, San Juanek 1-0ekoa egitea lortu zuen. Hala eta guztiz [...]

Larunbatean Mikelen mutilak Iruñeara abiatuko dira, San Juan A.D. taldearen aurka hogeigarren jardunaldia jokatzera. 16:30etan hasiko da neurketa. Aste Santuko geldialdiaren ostean, ibartarrak denboraldiko azken txanpan daude eta oraingoan nafarren kantxa zailean jokatzea egokitu zaie. Lauburu, Belabietan Zierbena liderraren aurka galdu ostean dator. Liga azkenetan dago eta ibartarrak 36 punturekin zazpigarren postuan daude. Txapelketaren garai honetan ohorezko postuak lortzeko aukerarik ez eta seigarren postua lortzeko Debabarrena eta Fuenmayorrekin lehian jarraituko dute. Piparreroen erizaintza, oraindik ere, jokalariz betea dago. Hala ere, Ioritz eta Andoni osatu dira eta berri bikaina da hori. Unai Labakak Zierbenaren aurka minutu batzuk jokatu zituen azken partidan, [...]

Mahala Lauburu, Jubenilak, bizkaitar taldearen aurrean nagusitu ziren 7-3ko emaitza eroso batekin, jokoa etxeko taldeak ezarriz gol bikainak egitea lortu zuen partida batean. Partidako hirugarren minutuan, Tobik, defentsari baloia ostu eta jaurtiketa zehatz eta bikain batekin sarera bidali zuen 1-0ekoa eginaz. Etxeko taldearentzat izan ziren gol-aukera gehienak baina 14. minutura arte ez zen tanto gehiagorik egin. Oraingoan Urko izan zen golegilea, aldaratze baten ostean 2-0ekoa egin zuenean. Bi minutu beranduago piparreroen beste kontraeraso batean Condek 3-0ekoa ezarri zuen markagailuan. Hamazortzigarren minutuan, Urtzik, kornerretik bizkaitarren atean sartu zuen, laugarren tantoa eginaz. 4-0eko emaitza honekin eta Txubelen taldearen nagusitasuna nabarmen geratuz, atsedenaldia [...]