Partidu bikain batean Mikel Diestroren mutilak, Zaragozan, 4-2 galdu zuten Ebrosalaren aurka. Kategorian buru doan taldearen aurka eta kanpoan jokatzea zaila izango zela aurreikusten zen; ibartarrak, gainera, lantaldea ere ez zuten aldeko, izan ere, Unai, Uzkudun, Aitzol eta Josebaren baja garrantzitsuak kontuan hartu behar ziren. Hala eta guztiz ere, piparreroak jokoa menperatuz eta Ebrosala kinka larrian jarriz hasi ziren. Bertakoak baloia ateratzeko zailtasun handiak zituzten ibartarrek lehenengo lerroan ezartzen zuten presioa zela eta. Lauburu kokatuago zegoen kantxan eta aurkariari Endikaren atera iristen ez zion uzten; lehenengo zatian aukera guztiak piparreroentzat ziren baina ez zuten azken metroetan asmatzea lortzen eta Ebrosala [...]

Jubenilen mailako zazpigarren jardunaldi honetan, Irurtzungo Xota etorriko da Belabietara Laubururen aurka jokatzera. Partida borrokatua izango da, izan ere, bi taldeek antzeko metodologia lantzen baitute kategori honetan. Bi taldeentzat 3 puntuak lortzea garrantzitsua izango da, eta jokuan dagoena zera da: ibartarrak lehenengo postuetan mantentzea eta nafarrak Gora Bilbao taldearen aurka lortutako emaitzaren bolada onarekin jarraitzea eta aurreko jardunaldietan izandako beherakada gainditzea. Aurredenboraldian jokatu zuten bata bestearen aurka eta nafarrak irabazi zuten 2-4ko emaitzarekin. Xotak aurreko kanpainako jokalari asko mantendu ditu baina kirol honetan buru-belarri sartu diren gazte berriei ere eman die aukera. “Aurreko ikasturtean ligako txapeldun izan zenetik, taldeak lantaldean [...]

Datorren larunbatean Lauburu Zaragozara joango da, arratsaldeko 16:00etan kategorian buru doan Unizar Ebrosala A.D. taldearen aurka jokatzea. Belabietan Fuenmayor taldeari irabazi ondoren, Lauburu, Ebrosala, Pinseque eta Zierbenaren atzetik laugarren postuan dago. Ibartarrak lehenengo hamabi jardunaldietan egindako 7 garaipen, berdinketa bat eta 4 porrotekin lehia bizian daude lehenengo hiru postuetan sartu eta datorren kanpainan Errege Kopa jokatzeko eskubidea lortzeko. 22 punturekin, aldeko 45 gol eta 29 kontrako dituztelarik, txapelketaren une hauetan eta II. Multzo honetan, gol gutxien jasan duen taldea da. Mikel Diestrok piparreroen gaurko egoera izan du hizpide: “Taldeak, jokua eta emaitzei dagokienez, dinamika baikorra du, bereziki defentsan. Talde guztia [...]

Bisitariak hala eskatuta partida atzeratu ostean, ostiralean 20:00etatik aurrera jokatu zuten bigarren jardunaldia Belabietan, eta bertan, Mahala Lauburuk 4-3 irabazi zion Ribera de Navarra taldeari. Areto-futbol erakustaldi bikaina ikusteko parada izan zen, partiduko 40 minutuak oso biziak izan ziren, eta bi taldeak golerako aukera asko izan zituzten. Ibartarrek, indar handia erakutsiz eta partiduaren zama jasanez, markagailua aldeko edukitzea lortu zuten eta txapeldungaietako bat garaitu zuten. Oso berdindua eta tantoa egiteko aukera askorekin hasi zen partidua, baina atezainen lana bikaina izan zen. Mahala Lauburu izan zen gola sartu zuen lehenengoa, Josuk, zazpigarren minutuan aldaratze batean. 1-0ekoa zen. Tantoarekin piparreroak hazi egin [...]

Lauburuk 4-1 irabazi zion Fuenmayor taldeari, lehenengo zatian erabakita geratu zen partidu eroso batean. Mikel Diestroren taldeak, bizi-bizi hasi zuen partidua, bertakoen nagusitasuna garbi ikusten zen hasierako segunduetatik. Lehenengo minutuan jada, taldeko kapitain den Unaik, jokaldi estrategiko bati bukaera emanez egindako tantoarekin aurretik jarri ziren. Hurrengo minutuetan ere, etxekoen nagusitasuna agerikoa zen. Bosgarren minutuan Txipik ezker aldean jasotako baloiarekin eta jaurtiketa eder batekin errioxarrei eskuadratik sartuz 2-0ekoa egin zuen. Tanto honen ondoren errioxarrak aurreratzen saiatu ziren baina emaitza handirik gabe, ibartarrentzat baitziren aukera guztiak, eta hamabosgarren minutuan jokaldi bikain bat medio, hirugarren gola sartu zuten; Cristianek Txipiri egindako pase on [...]

Larunbatean, Lauburu K.E. Ibarrak Fuenmayor C.D. taldearen aurka jokatuko du Belabietan arratsaldeko 18:00etatik aurrera, txapelketako hamabigarren jardunaldian. Valentzian, Segorberen aurka irabazi ondoren, ibartarrak indartsu datozte. Taulan bosgarren postua lortu dute eta orain aste gutxi, urrun ikusten ziren lehenengo postuetarako lehian erabat sartuta daude. 2015-16ko denboraldiko 11 jardunaldi jokatu ostean, bigarren multzo honetan berdinketa da nagusi, izan ere, 10 talde baitaude lehenengo postuetara igotzeko borroka bizian, bost puntuko aldea besterik ez dagoelarik guztien artean. Ebrosala eta Zierbena dira buru daudenak 23 punturekin; atzetik, Pinseque eta San Juan 22 eta 20 punturekin; Lauburu bosgarren postuan dago 19 punturekin eta ondoren bost talde, [...]

Denboraldiko bigarren jardunaldian egindako atzerapenari dagokio ostiral honetan Txubelen taldeak jokatuko duen partida Ribera de Navarra taldearen aurka, 20:00etatik aurrera Belabietan. Talde nafarra oso lehiakorra da eta atera nahiko duen arantza batekin etorriko da gainera, izan ere, iazko kanpainan piparreroek, ligako titulua, nafarren kantxan eta puntuak berdinduta zituztelarik jokatutako partida bizi batean lortu baitzuten. Bi taldeek taulan igotzeko aukera ezin hobea dute. Bakoitzak lau partida jokatu dituelarik, Ribera de Navarra eta Mahala Lauburu K.E. sailkapenean laugarren eta bostgarren daude 9 eta 7 punturekin hurrenez hurren. Bilbo eta Laskorain, partida bat gehiago eta 10 punturekin, berdinduta daude bigarren eta hirugarren postuan. [...]

Lauburu K.E. Ibarra kadeteak garaiturik atera ziren joan den igandean Intxaurrondoko Mons kiroldegitik. 3-2ko emaitza estu batekin, Inter Fachadas Gipuzkoa taldearen aurka. Nahiz eta punturik ez lortu, kadeteek Donostian partidu ona jokatu zuten, partiduaren lehen zatia parekatua hasi zen, baina pixkanaka Lauburu jokoa menderatzen hasi zen eta aurkako atean aukerak sortzen, baina etxekoak izan ziren saria jaso zutenak ibartarren bi hutsegite aprobetxatuz 17 eta 19. minutuetan, atsedenaldira 2-0eko emaitzarekin iritsiz. Bigarren zatia ere ez zen ondo hasi Laubururentzat, 2. minuturako 3-0ekoa jasan zuten, baina taldeak ez zuen amore eman eta 10. minutuan Alex-ek distantzia murriztu zuen markagailuan (3-1). Gol honek [...]

Lauburuk Segorben 3-4 irabazi zuen, partida bizi batean azken segundura arte sufritu ondoren. Lehenengo zatia errespetu handiarekin hasi zuten bi taldeek, jokaldiak sakontzen saiatzen ziren baina defentsak erasoak zapuzten zituztela joan ziren lehenengo minutuak. Seigarren minutuan 0-1ekoa iritsi zen Juanan Rodriguezen mutilentzat, Ioritzek bandatik jaso, Unairi pasa eta honek atezainaren aurrean agertuz tantoa egin zuenean. Tantoaren ondoren etxekoak jokua menderatzen eta jokaldi luzeak egiten hasi ziren baina ibartarrek ongi babesten zuten eta trantsizio azkarren bidez arrisku egoerak sortzen zituzten, Segorbekoak ustekabean harrapatuz. Lehenengo zatia aurrera zihoan baina markagailuak bere horretan jarraitzen zuen, nahiz eta bi taldeek aukera garbiak izan. Bukaerarako [...]

Egutegiak hala aginduta, Txubelen taldeak atseden hartuko du aste honetan eta ez zaio batere gaizki etorriko azken partiduan lesionatutakoak osatzeko. Piparreroak 7 punturekin hirugarren postuan aurkitzen dira, Bilbo eta Laskorainekin berdinduta. Cerverano 10 punturekin buru doa sailkapenean eta Aspil Rivera de Navarra atzetik 9 punturekin. Liga bukatzeko asko geratzen da oraindik baina lehenengo lau jardunaldietan behintzat ez da ustekabekorik izan. Lehenengo Mailako filialari ere atsedena egokitu zaio aste honetan. Iurre Tabernaren aurka 5-2 galdu ondoren, lehenengo postuari ozta-ozta eta alde handirik gabe eutsi dio, izan ere, Iurre Taberna eta Hirukide Eskolapioak 18 punturekin berdinduta daude segidako postuetan, beraz, puntu bakarreko [...]