Partida lehiakor batean, Mahala Lauburu K.E. Jubenilen taldeak Gora F.S. Bilbori 0-3koa eginda irabazi zion larunbatean Bilbon. Hasiera-hasieratik bi taldeak oso indartsu atera ziren, markagailua estreinatzeko gogoz. Aukerarik arriskutsuenak ibartarrentzako ziren eta 6. minutuan, Tobik aurkariei prestatzeko ere denborarik eman gabe ateratako falta baten ondorioz, Josu Condek 0-1ekoa egitea lortu zuen. Tanto horrekin etxekoek beherakada izan zuten eta ibartarrek golerako aukera onak izan bazituzten ere, atean ez zuten asmatzen eta lehenengo zatia horrelaxe amaitu zen. Bigarren zatian bizkaitarrak indar handiarekin atera ziren markagailuari itzuli bat eman nahian, eta piparreroek faltak pilatzea lortu zuten, bosgarren falta amaierarako 12 minutu falta zirela [...]

Pasa den larunbatean Labastidan, ibartarrak Arrosek bigarren zatian egindako tantoarekin aurretik joan ostean, azken minutuetan jasandako golak berdinketan utzi zuen emaitza. Lehenengo zatia korapilatsua izan zen, bi taldeak erasoan ezin asmaturik defentsari lana errazten zioten eta piparreroek aukerak ikusten bazituzten ere, ez zuten tantoa egiten asmatzen. Etxekoek ere izan zituzten aukerak baina amaitu ezinik geratzen ziren. Lehen zatian atezainek protagonismo handia izan zuten baina hala eta guztiz ere, 0-0koarekin amaitu zen. Bigarren zatian bi taldeak biziago atera ziren. Defentsan erasoak gelditzeko arazoak ikusten hasi ziren eta 10. minutuan Cristianek baloia jaso, Arroseri pasa, eta honek aurkariaren atezainarekin buruz burukoa egin [...]

Bigarren jardunaldian, Aspil Ribera de Navarra taldearen aurka jokatu behar zuten partida atzeratu ondoren, Txubelen gazteak Bizkaiara abiatuko dira larunbatean Gora Bilbao taldearen aurka neurtzera. Bizkaitarrak talde borrokalaria eta oso gogorrak dira. Pasa den kanpainan, partida zail batean, piparreroek lortu zuten garaipena. Txubelek lantaldea bere osotasunean aurkeztuko du eta ibartarrak jokalekura indarrez aterako dira beren lehenengo hiru puntuak lortzeko helburuarekin. Norgehiagoka, Bilboko La Peña auzoko Abusu kiroldegian izango da 18:30etik aurrera. Irteera, 15:00etan Ibarrako Belabieta kiroldegitik. Probintziako lehenengo mailako taldea Mondragonera mugituko da larunbatean, 18:00etatik aurrera beren seigarren jardunaldia jokatzera Pizza Per Tutti Mondrate C.D. taldearen aurka. Juanma Ordozgoitik zuzendutako [...]

Piparreroen taldea Labastidara doa larunbatean, 17:30etik aurrera denboraldiko zortzigarren jardunaldia jokatzera Mahastiak Labastida C.D. taldearen aurka. Mikel Diestroren mutilei, jarraian bederatzi puntu irabazi ostean datorkie jardunaldi hau, Colo eta Pinseque, II. multzoko talderik indartsuenak, eta aurreko kanpainan lehen eta bigarren sailkatuak izan zirenen aurka irabazi ondoren. Kanpainaren hasiera ez zen ona izan baina joerari itzulia ematea eta kategoriako ohorezko postuetatik hurbil kokatzea lortu dute. Horrela, eta hiru garaipen hauei esker, Lauburu seigarren postuan aurkitzen da une honetan. Entrenatzaileak ibartar taldearen egoera izan du hizpide: “Taldeak konfidantza irabazi du, kategoriako talde onenetariko biei irabazteak asko indartu du lantaldea eta pixkanaka lan [...]

Lurraldeko 1. mailako taldeak 5-5 berdindu zuen Hirukide Eskolapioak Plomix-en aurka partidu lehiakor batean. Lehen zatia Laubururena izan zen, jokoa baloiaren jabetzarekin kontrolatzen zuen, nahiz eta aurkaria markagailuan aurreratu, atsedenaldira 3-1eko emaitzarekin iritsi ziren. Emaitza honek kantxan ikusitako nagusitasuna islatzen zuen. Bigarren zatian Hirukide Plomix-ek gehiago estutu zuen eta etxekoak jokoaren hainbat zatitan gaindituta ikusi ziren. Bi taldeen etengabeko lehiaren ondoren, partiduaren amaierara 5-5eko emaitzarekin iritsi ziren, emaitza honek ez zuen inor asebete. Kadeteek larunbatean 9-2 irabazi zuten Erain-en aurka partidu bikain batean. Piparreroen nagusitasunarekin hasi zen, 3. minuturako Alvaro-ren bitartez aurreratu ziren. Emaitza honekin Lauburuk konfiantzan irabazten zuen eta [...]

Pasa den larunbatean, ibartar jarraitzaileengan zirrara eragin zuen partidu ikusgarrian Lauburuk 3-1 irabazi zuen Pinseque taldearen aurka. Laubururentzat partidu zaila aurreikusten zen, alde batetik aragoiar taldea II. multzo honetako talderik indartsuenetakoa delako eta bestetik talde barruan izandako bajak (Cristian, Txipi eta David), oraindik gehiago zailtzen zutelako hartu beharreko konpromezua. Partidua bisitariek menderatzen zutela hasi zen, ibartarrak atzean geratu ziren Pinsequeren erasoen zain, Beni, Cristian, Unai, Santamarta…. bezalako jokalariek edozein unetan topaketa desorekatzeko gai baitira. Mikelen mutilak, defentsan konzentratuz, arrisku handiko kontraerasoak sortzen zituzten. Seigarren minutuan Aitzolek kantxa erdian baloia eskuratu eta kontraeraso azkar batekin Loitzunek 1-0ekoa egin zezan lagundu zuen. [...]

Lauburu K.E. Ibarra Ohorezko Jubenil taldeak eta Ribera de Navarra taldeak bigarren jardunaldia abenduaren 4an jokatzea adostu dute. Erabakiaren arrazoia igandean Belabietan jokatzeko nafarrek adierazi duten ezintasuna izan da. Larunbatean berriz Belabietako jokalekua hartuta aurkitzen da lehenengo taldeak eta filialak bertan jokatuko dituzten partiduak direla eta. Txubelen mutilak, lehenengo jardunaldian Castro Urdialesekin topo egin ondoren, prestaketan ari dira, uda honetan egin dituzten aldaketa guztien ondorioz. Andoni, Peña, Pagola eta Tobi dira iaztik Txubelen esanetara geratzen diren bakarrak, beraz, etorri berriak direnekin lan handia dago egiteke, pasa den denboraldian egindako kanpaina bikainak muga oso goian utzi baitzuen. Juanma Ordozgoitik zuzendutako talde [...]

David Uzkudun: “Gure herriak merezi duen ikuskizuna eskainiko dugu” Larunbatean, Mikel Diestroren mutilak Pinseque A.D. hartuko dute. II. multzoko talderik indartsuena da Aragoiko taldea. Aurrez aurrekoa Ibarrako Belabieta kiroldegian izango da 18:00etatik aurrera. Daniel Salanuevak gidatutako taldea ligako egungo txapeldunordea da. Pasa den kanpainan azken jardunaldira arte, Aragoiko beste taldearekin ibili zen titulua lortzeko lehian, baina azkenean Colo Colo Confort taldeak eraman zuen, ligako txapelduna izendatu zutelarik. Hain zuzen, piparreroak Colo Colo taldeari moralki indartu zituen partidu ikusgarri bat irabazi ondoren datozte talka berri honetara, David Uzkudunek zioen moduan: “Egungo txapeldunaren aurka lortutako garaipenak konfidantza ematen digu, kategoriako lantalderik osatuena [...]

Ligako titulua lortzeko lehian hautagai gogorra izango dela erakutsi duen Castro-Urdiales taldearen aurka galdu zuten Kantabrian nazional mailako Jubenilek beren estrenaldian. Gogor hasi ziren etxekoak, lehenengo minutuetatik erasoan. Txubelen mutilak Castroren erasoak ahuldu nahian ibili ziren baina 9. minutuan 1-0ekoa etorri zen Cesarrek amaitutako kontraerasoaren ondorioz, eta bi minutu geroago Raulek 2-0ekoa egin zuen ongi landutako jokaldi batekin. Ibartarrek joku eta konzentraziorik gabeko minutu txar batzuk egin zituzten eta aurkariak egoera horretaz baliatu ziren, izan ere, Andoni bitarteko zela, korner baten bidez 3-0ekoa egin zuten. Minutu bat beranduago Urtzik bien arteko aldea txikitu zuen, Txubelen mutilak berriro jokuan sarraraziz, baina [...]

Ibartarrak ligako gaur egungo txapeldunaren kantxan 3-5 irabazi zuten partida paregabea egin ondoren. Diestroren mutilak bigarren zati bikain batekin hiru puntuak bereganatu zituzten Colo Coloren etxean. Lehenengo 50 segunduetarako markagailua ibartarren alde ipini zen, Unaik baloia eskuratu eta behetik aurkariaren sareeraino indartsu jaurti zuenean. II. multzo honetako jokalekurik zailenetako bat izateko, hasiera ezin hobea. Hala ere, bertakoak aurreratzea lortzen zuten piparreroei presioa handia sartuz, eta 3. minutuan Muniesak berdinketa lortu zuen bisitariek inozoki galdutako baloi bat eskuratu zuenean. Partida berdinketan zegoen eta bisitariak estu hartuta, Josebaren atera arrisku handiarekin iristen zen bertako taldea eta 5. minutuan Colok aurretik jartzea lortu [...]