Lauburu Ibarra Mahala taldeak garaipen bikoitza lortu zuen Elorrietako talde bizkaitarraren aurka jokatutako konpromiso bikoitzean. Hala, Arevaloren taldeak bigarren faserako txartela ziurtatu du lehenengo postua mantenduz eta 12 garaipen jarraian lortu ditu. Ondorioz, 36 puntu lortu ditu lehen 12 jardunaldietan. Emaitza ikaragarria. Larunbatean, 0 eta 5-eko emaitza eta joko bikaina Larunbatean talde moreak Bilbora bidaiatu zuen denboraldiko hamaikagarren garaipena lortzeko asmoz. Aurrean, 12 metroko zonakako defentsa planteatzen zuen aurkaria, kontraerasora azkar ateratzeko asmoarekin eta joko zuzen eta gutxi landu batekin piparreroei bizkarra emanez. Bestalde, ibartarrak, bi eszenatoki posibleren gainean lan eginda, oso indartsu atera ziren norgehiagokara eta partidako 5. minutuan [...]

Gure taldeak Kukuiaga Etxebarri talde bizkaitarraren aurka jokatu zuen larunbatean Ligako 12. jardunaldiko partidan. Dinamika onari eusteko gogoz, Etxebarritik 3 puntuak etxera ekartzeko asmoz bidaiatu zuten Jotak zuzendutako mutilek.  Ibartarrak matematikoki bigarren faserako sailkatu badira ere, batzea funtsezkoa da oraindik; izan ere, lehen fasean lortutako puntuak bigarrenerako balioko dute, azpitalde bakoitzeko lehen lau taldeek osatuko duten sailkapen berri hori ordenatuz. Talde morearen hasiera ona Zumeta, Iñigo, Antxon, Juaristi eta Peña izan ziren hasierako bostekoa. Lehen hurbilketa arriskutsuak gure taldeak egin zituen. Lehena, Antxonek, punterian asmatzea falta izan bazitzaion ere. Gero, Iñigok, zutoina ukituz hegaletik egindako jaurtiketa on baten ondoren. Gainera, [...]

Lauburu Ibarra Mahala Almi Elorrietako taldearen aurka arituko da asteburu honetan Ligako seigarren eta hamahirugarren jardunaldietako norgehiagoketan. Lehen partida larunbatean izango da Bilbon, eguerdiko 13:00etan. Bigarrena, berriz, igandean Ibarran, goizeko 12:00etan. Aurkariari dagokionez, 21 puntu ditu 7 garaipen eta 3 porrotekin. Zentzu horretan, "oso lehiakorra den talde bati” egin beharko diotela aurre azaldu du Arevalok. Halaber, gainerako taldeekin alderatuta, aurkariak “defentsa-filosofia ezberdina” duela gaineratu du gure entrenatzaileak eta kontraerasora oso erraz egiten duela salto. Horrekin, jokalariek kontzentratuta egin beharko dute lan 40 minutuetan zehar, Aitorrek esan  bezala, "jokoaren eraikuntzan baloiak ez galtzeko”. Beraz, konpromiso bikoitza izango dute ibartarrek asteburuan. Beren [...]

Larunbat honetan Kukuiaga Etxebarri FS-ren pista bisitatuko du gure taldeak 18:45ean Ligako hamabigarren jardunaldiari dagokion partidan. Lehen fasea bukatzeko hiru norgehiagoka jokatzeke, 3 puntu garrantzitsu egongo dira jokoan bi taldeentzat. Bi borroka eta helburu bera Alde batetik, bizkaitarrak 6. postuan daude gaur egun. Guztira, 10 jardunaldi jokatu dituzte (ibartarrek baino bat gutxiago), 3 irabaziz, 2 berdinduz eta 5 galduz. Zentzu horretan, 11 puntu pilatuta, sailkapeneko lehen 4 sailkatuen artean sartzeko borrokan ari dira. Atzo (asteazkena 17) Zierbenak Otxartaberen aurka galdu ostean (1-4), multzoko hiru talde bizkaitarrak (Zierbena, Gora Grupo Iron eta Kukuiaga) sartu dira laugarren postua lortzeko lehian. Bestalde, atzeratutako [...]

Lauburu Ibarra Mahalak garaipena lortu zuen Jarrilleros taldearen aurkako larunbateko eta igandeko partidetan. Horrela, denboraldiko hamargarren garaipena eskuratu dute jarraian ibartarrek. Talde morea liderra da sailkapenean (30 puntu) eta, lau partida jokatzeke, bigarren faserako sarbidea ziurtatu du jada. Horrekin batera, Espainiako txapelketaren aurreko fasea jokatzeko txartela ematen duten lehen bi postuengatik lehiatuko dute. Larunbatean, bederatzigarren garaipena (4-0) Larunbatean Aitor Arevaloren mutilek Ligako bigarren sailkatuaren aurka jokatu zuten Belabietan. Ondo landutako taldea da Jarrilleros eta denboraldi bikaina egiten ari da. Partidako lehen minutuak oso biziak izan ziren bi aldeetatik, eta presio handia egin zuten baloia berreskuratu eta kontraerasora azkar ateratzeko helburuarekin. [...]

Gure taldeak Burgosko Juventud del Círculo taldearen aurka jokatu zuen larunbatean Belabietan Ligako 11. jardunaldiko partidan. Goiko postuetan mantentzeko borrokan, irabaztea ezinbestekoa zen bi taldeentzat. Intentsitate handia eta atsedenaldira beharrezko indarrarekin Antxon, Zumeta, Alvaro, Iñigo eta Endika izan ziren hasierako bostekoa. Mugimendu bakoitzean azkartasun handia egonik, hasi eta segundo gutxira, gure lehen falta egin genuen. Bestetik, aurkariak markagailua estreinatzen zuen baloia jokoan jarri eta 1:35-era (0-1). Hortik aurrera eta atsedenaldira iristeko asko falta bazen ere, jokoaren intentsitatea medio, Burgosko taldeak bere 5. falta egin zuen. Guk, berriz, laugarrena igotzen genuen. Horrela, bonusetik aurrerako penalti bikoitzek partidako minutu guztiak baldintzatu zitzaketen. [...]

Asteburu honetan, Lauburu Ibarra Mahalak Jarrilleros Peñota Dental taldearen aurka jokatuko du larunbatean zein igandean. Lehen partida, orain arte atzeratutako ligako bosgarren jardunaldiari dagokiona, Belabietan jokatuko da 16:00etan. Bigarren jardunaldiari begira, berriz, ligako 12. jardunaldiari dagokio eta bi taldeak Portugaleten lehiatuko dira 16:30ean.  8 jardunaldi jokatu ondoren 19 puntu pilatuta, aurkaria sailkapeneko bigarren postuan kokatu da. Horrela, 5 puntuk urruntzen dituzte Aitor Arevalok zuzentzen duen taldetik. Zentzu horretan, gure entrenatzaileak esan du "denboraldi bikaina" egiten ari den talde bati aurre egin beharko diotela. Gainera, bere ustez, emaitzak eta aurkariak etxean jokatu ohi duen pista mota kontuan hartuta, "erosoago sentitzen dira [...]

Larunbat honetan gure taldeak Belabietan jokatuko du 18:30ean eta Juventud del Círculo taldearen bisita jasoko du. Partida bereziki garrantzitsua da, batez ere, aurkaria ere sailkapenaren goialdean borrokan ari dela kontuan hartuta. 3 puntu besterik ez dira burgostarrak ibartarrengandik urruntzen dituztenak. Gainera, kontuan hartu beharrekoa da aurkariak bere etxean 7 eta 5-eko emaitzarekin irabazi zigula. Partida talde morearen alde 0 eta 2-ko markagailuarekin hasi zen arren, etxekoek denbora gutxi behar izan zuten markagailuan aurretik jartzeko. Zentzu horretan, Jotaren arabera, larunbateko neurketa "oso estua" izango da. Gure entrenatzaileak uste du bi taldeak "maila oso antzekoan" daudela eta, dinamika oso ona izaten ari [...]

Lauburu Ibarra Mahalak 7-0 irabazi zion Apoyo Solidario talde kantabriarrari eta, Ligako 8 jardunaldi jokatuta, denboraldiko zortzigarren garaipena lortu du. Talde moreak oso partida serioa egin zuen 40 minututan zehar eta, aurkariak lehen 20 minutuetan irudi ona eskaini zuen arren, ezin izan zuen ibartarrek bigarren zatian ezarritako erritmo biziari aurre egin. Partida ibartarren aldeko jabetzarekin hasi zen. Bien bitartean, bisitariak pista erdian gelditu ziren zain, baloiak lapurtzeko asmoz. Etxekoak baloi erritmo gogorra ezarri nahian ari ziren, aurkaria nekatzeko helburuarekin. Lehen aukerak etxekoen aldetik etorri ziren, baina eraso posizionaleko eta geldikako jokaldiak ez ziren ondo atera. Azken pasean erabaki txarrak hartuz, [...]

Gure taldeak larunbatean jokatu zuen atzeratuta gelditzen zitzaion partida bakarra, Ligako hirugarren jardunaldiari zegokiona. Aurkari bezala, Auzoak de Zierbena taldea, errebantxarako gogoz etortzea espero zena, ibartarrek beren etxean 2-7 irabazi ostean. Markagailua estreinatu eta atsedenaldira aurretik Partida Zumeta, Iñigo, Antxon, Juaristi eta Peñarekin hasi zen. Azken honi dagokionez, gogotsu itzuli zen bere atea defendatzera denbora luze batez jokatu gabe egon ondoren. Hasiera oso ona izan zen gure taldearentzat; izan ere, markagailua 1:30ra baino ez zuten estreinatu, Antxonek Iñigoren baloia hegaleko sake batetik jaso ondoren egindako golari esker. Horrekin, intentsitateak gora egin zuen eta bisitariak presio handia egiten hasi ziren. Bi [...]