Igandean Lauburu Ibarra Mahalak Apoyo Solidario C.D taldearen bisita jasoko du Belabietan goizeko 11:30etan. Aurreko astean ere aurkari izan ziren Samanon (Castro) jokatutako neurketan eta ibartarrek 3 eta 6-ko markagailu batekin lortu zuten garaipena. Emaitza horrekin aurkariak laugarren kokatu dira sailkapenean, 12 punturekin, 4 partida irabazi eta beste 4 galdu ostean. Bestalde, Aitor Arevalok zuzentzen duen taldeak lidergoari eusten jarraitzen dio eta 7 jardunaldi jokatuta ez du oraindik porrota ezagutu. Horrela, gaur egun 21 puntu pilatu dituzte oso-osorik. Aipatutako emaitza gorabehera, gure taldeak badaki igandeko partida pasa den asteburukoa baino zailagoa izango dela. "Porrotaren ordaina hartu nahi dute, eta badakigu [...]

Lauburu Ibarra Mahalak denboraldiko zazpigarren garaipena lortu zuen atzo Apoyo Solidario taldearen aurkako partidan. Moreek gogor jokatu behar izan zuten neurketa aurrera ateratzeko; izan ere, aurkariak aski erakutsi zuen zergatik dagoen bigarren fasera heltzen diren lehen lau sailkatuen artean. Talde morea goizeko 07:30ean abiatu zen Belabietatik Samanorantz Kantabriako taldearen aurka jokatzeko. Aurkariak Ligako txapelduna izatetik datorren Zierbenako jokalari talentudunak gehitu ditu bere plantillara eta, nahiz eta orain arte nahi baino puntu gutxiago lortu dituzten, Aitor Arevaloren mutilek bazekiten norgehiagoka ez zela erraza izango. Etxeko taldeak pista erdiko defentsa batekin eman zion hasiera neurketari. Bien bitartean, ibartarrak pilota azkar zirkulatzen saiatu [...]

2B maila nazionaleko gure taldeak Auzoak de Zierbena C.D.F-ren aurka jokatu zuen atzo Ligako hamargarren jardunaldiko partidan. Bizkaitarrak aurkari zuzenak izan dira beti ibartarrentzat eta pistako errespetua elkarrekikoa da neurketa bakoitzean. Oso hasiera ona Gure hasierako bostekoa Antxon, Zumeta, Iñigo, Juaristi eta Endikak osatu zuten. Presio handia egiten eta aurkariaren paseak etengabe mozten hasi ginen, kontran atera eta arriskua sortuz. Gure aldeko zeharkako falta batekin, markagailua irekitzeko aukera izan genuen lehen minutuetan, baina baloiak ez zuen sartu izan nahi 4:20 minutura arte, Antxonen bitartez kontra eraso batean etorri zen gol batekin (0-1). Minutu bat geroago, erreakzionatzeko ia denborarik gabe, Danik [...]

Larunbat honetan etxetik kanpo jokatuko du berriro gure taldeak eta Auzoak de Zierbena C.F.S izango du aurkari 17:30ean hasiko den neurketan. Maila honetako pistarik zailenetako bat den arren, Jotak zuzendutokoek etxetik kanpoko partiden sorginkeriarekin amaitu dute dagoeneko, eta berriro irabazi nahi dute sailkapenean duten postu onari eusteko. Aurkari zuzena Egun 9 puntu dituzte bizkaitarrek eta taulako bosgarren postuan daude. Gure taldeak jokatutako 8 partiden aurrean, hauek 6 partida baino ez dituzte jokatu, 3 irabaziz eta beste horrenbeste galduz. Horrela, 3 puntu batzea bilatuko dute postuak igo eta sailkapeneko lehenengoen artean leku bat egiteko. Izan ere, COVID19-aren ondorioz aste batzuetako geldialdia [...]

Igandean, Lauburu Ibarra Mahalak Samanora (Castro) bidaiatuko du C.D Apoyo Solidario taldearen aurka jokatzeko (aurreko denboraldietan Portus Amanus bezala ezagutua). Neurketa goizeko 11:00etan hasiko da eta ibartarrak oso serio aritu beharko dira orain arte bezala 3 puntuak osorik gehitu eta merezitako lidergoari eusteko. Egun, sailkapeneko 3.postuan dago aurkaria, Arevalok zuzentzen duen taldea baino 6 puntu beherago. Kantabriarrek partida bat gehiago jokatu duten arren, puntuen arteko aldea oso txikia da. Gainera, jokatutako 7 partidetatik 3 bakarrik galdu dituztela kontuan hartuta, igandeko norgehiagoka erronka bat bezala planteatzen da talde morearentzat. Horri dagokionez, Apoyo Solidariok "plantilla laburra baina talentu indibidual dezentea" duela adierazi [...]

Urtero bezala, Lauburuk izugarrizko sariak banatu ditu Gabonetako txartelen zozketan. Alain Ugartemenedia, Mikel Altuna eta Oihana Palacin izan dira aurtengo zortedunak. Lehenengoak 4.000 euroko balioa duen saskia eraman du. Bertan, punta-puntako teknologiaz gain, bertako produktu ugari daude, guztiak kalitate handikoak. Bestalde, bigarren sarituari dagokionez, biziki modan dagoen Iphone 12 Pro mugikorra eraman du. Bukatzeko, 500€ eraman ditu eskudirutan hirugarren sarituak. ZORIONAK ALAIN, MIKEL ETA OIHANA! DISFRUTATU ZUEN SARIAK! 1. Saria: Alain Ugartemendia | Txartelaren zenbakia: 2020 2. Saria: Mikel Altuna | Txartelaren zenbakia: 3436 3. Saria: Oihana Palacin Fuentes | Txartelaren zenbakia: 5587

Bigarren astez jarraian, Lauburu Ibarra Mahalak beste asteburu bikain bat burutu du eta CD Iturriondo talderi irabazi dio ligako 3. eta 10. jardunaldiei dagokien partidetan. Bi garaipen hauei aurreko asteetako lauak batuta, Ligako liderra izaten jarraitzen du talde moreak. Guztira 18 puntu dituzte, bigarren postuan atzetik jarraitzen dien C.D Apoyo Soldario taldeak baino 3 puntu gehiago. Larunbatean 3 eta 1-eko emaitzarekin irabazi zuten Belabietan Larunbatean 3 eta 1-eko emaizarekin irabazi zuten Arevaloren mutilek etxean. Oso partida lehiatua izan zen, bakoitza bere joko estiloari leial izanez. Defentsa oldarkor batekin, bi taldeek akatsak eragin nahi zizkioten elkarri; baloiak aurkariaren atetik gertu berreskuratze [...]

Gure helburuak betetzen eta puntuak gehitzen jarraitzearen garrantziaz jakitun, goizeko 8:30etan atera ginen Ibarratik Kantabria bidean Castro Urdiales CFS-ren aurka lehiatzeko. Taldeak badaki maila honetako norgehiagoka bakoitza erronka bat dela, baina inork ez zuen espero horrelako hasierarik igande goizerako. Izan ere, partida ezin izan zen okerrago hasi moreentzat. Aurkariak bere lehen erasoa burutu eta baloia sare barrura sartu zuen hasieratik 40 segundo bakarrik pasa zirenean (1-0). Ondoren, baloia berriro jokoan jarri eta oso falta arriskutsua egin genuen, gorritxoek bigarrena igotzeko alferrik galtzen ez zuten penaltia eraginez (2-0). Hain denbora gutxian aurkariak bi gol sartu izanagatik jarrera aldatu beharrean, entrenatzaileak aste [...]

Igande honetan gure taldea Castrora bidaiatuko du, 11:30ean Castro Urdiales C.F.S taldearen aurka jokatzeko, Ligako bederatzigarren jardunaldiko partidan. Pasa den astean Gora Grupo Ironen aurka garaipena lortu ostean, Jotak zuzentzen duen taldeak gehitzen jarraitzea espero du, sailkapeneko lehen 4 postuetan mantenduz. Aurkariarekin lotuta, taulako 7. postuan daude gaur egun, guztira 7 puntu pilatuz. 8 jardunaldi jokatu dituzte orain arte eta horietatik 2 irabazi dituzte, beste 1 berdindu egin dute eta gainerako 5ak, berriz, galdu. Dena den, badakigu Castrok ondo konpentsatutako taldea duela, jokalari beteranoekin zein gazteekin. Horrela, konfiantza hartzetik urrun, taldeak bost zentzumenak aktibatu beharko ditu 40 minututan zehar. Gogora [...]

Lauburu Ibarra Mahala taldeak beste bi norgehiagokari egin beharko die aurre aste honetan, bietan Iturriondo Futsal Bilbao taldearen aurka lehiatuz. Lehenengo neurketa bihar jokatuko da Belabietan, arratsaldeko 17:00etan eta bigarrena, berriz, igandean Bilboko San Inazio kiroldegian goizeko 11:30ean. Egun sailkapeneko 5.postuan dago aurkaria, 3 punturekin partida 1 irabazi eta 2 galdu ondoren. Lehen bi jardunaldiak jokatu ezin izan zituzten arren, bilbotarrak oso ondo aritu ziren beren bizilaguna den Gora Bilbao taldearen aurka jokatu dituzten partidetan. Hori kontuan hartuta, taldeak "bere bertsiorik onena" erakutsi beharko duela adierazi du gure entrenatzaileak, batez ere, orain arteko dinamika onari eutsi ahal izateko. Aitor Arevaloren [...]