Larunbatean Laskorain KE taldearen aurkako DERBIA jokatuko dugu, areto futboleko zale ororentzat eskualde osoko norgehiagoka garrantzitsuenetarikoa dena. Tolosan eta Ibarran ikusmin handia sortzen duen partida da, eta zaleentzat ez ezik, jokalarientzat ere da oso berezia, gehienak pistatik kanpo ere ezagutzen baitira. Atzera begiratuta, nola ahaztu Belabietako eta Usabalgo harmailak indarrez, animoz eta giro bikain batez beteak. Orain, 20-21 denboraldian mailaz jaitsi ondoren, Laskorainek lekua hartu du berriro gure Ligan, eta, gaur egun, puntu bat pilatu du sailkapenean, lehen jardunaldian Full Energia Zaragozaren aurka berdindu ostean. Hala ere, taldea ondo ezagututa, ez dugu zalantzarik 40 minutuak, batez ere, indarrez eta [...]

Larunbatean Burgosko CD Juventud del Círculo taldearen aurka jokatu genuen Ligako 4. jardunaldia. Ceci, Txiki, Beñi, Beñat Zaldua eta Marcos bostekoarekin hasi genuen norgehiagoka, eta, baloia martxan jarri eta 2 minutura, Beñat Zalduak ireki zuen markagailua (1-0) jaurtiketa batekin asmatu ondoren. Hortik aurrera, pixkanaka, gure taldeak alderdi guztietan izan duen bilakaera ikusten hasi ginen, nahiz eta batez ere hobekuntza hau erasoan nabaritu. Hala ere, lehen zatiaren erdialdera, neurketa berdindu zuten (2-2) hurrengo 3 golak iritsi ziren, bi kontra (lehena 2x2 batean bigarren zutoinean amaituta, bestea, Marcosek ateko sakean egindako akats bat aprobetxatuta) eta bat alde (Chukyk egina, Raulen diagonal [...]

Aste honetan, “etxera” itzuliko gara, eta Burgosko Juventud del Círculo taldearen bisita jasoko dugu. Ligako laugarren jardunaldiari dagokio norgehiagoka honek, eta Donostiako Gasca kiroldegian jokatuko dugu beste behin, 18:00etan. Hasiera ona aurkariarentzat Gure aurkaria izango den Juventud del Círculo taldeak hasiera ona eman dio denboraldiari, eta 4. postuan jarri da 2 garaipen (SCDR Anaitasuna-ren eta San Cristobal CS-ren aurka) eta berdinketa baten ostean (Zierbenarekin). Oraindik porrota ezagutu gabe, 7 puntu lortu dituzte, San Juanek eta Zierbenak, hurrenez hurren 3. eta 2. postuan daudenak, bezalaxe. Horrekin, badakigu Burgoskoentzat oso garrantzitsua dela dinamika positibo horri eustea;  izan ere, sareen bitartez adierazi [...]

Atzo Iruñera joan ginen AD San Juanen aurka lehiatzera Ligako 3.jardunaldian. Dani, Raul, Ivan, Txiki eta Gorka bostekoarekin hasi genuen partida, eta kontuan hartuta etxekoek pista erdiko defentsa aukeratu zutela hasieratik, behin baino gehiagotan saiatu ginen Gorka pibotarekin arerioaren area barruan jokatzen. Horrez gain, Cecik zutoinera bidalitako baloi batek markagailua ireki ahal izan zuen 5. minutuan. Saiakera hori alde batera utzita, ez zen ezer azpimarragarririk gertatu 8. minutura arte, Gorkak arratsaldeko lehena sartu zuenean Txikiren alboko sake batetik baloia jaso ondoren (0-1). Segundo batzuk geroago, San Juanek kontraeraso batean berdindu zuen (1-1), eta minutu baten barruan, beste gol bat [...]

Bihar Iruñera joango gara Ligako hirugarren jardunaldiko partida jokatzera (16:00etan, Donibane Kirol Elkartean). Aste hau berezia izaten ari dela kontuan hartuta (asteartean Errege Kopako bigarren kanporaketa jokatzetik gatoz eta), ahalegina bikoitza izango da. Hala ere, sentitzen dugun gogoa berdina izaten jarraitzen du, eta taldea sailkapenean puntuak batzen jarraitzeko helburura bideratuta dago. Horrela, biharko neurketa erronka bat gehiago izango da, eta hori gaindituz gero, goiko postuetan dauden taldeei gehiegi urruntzen ez uzteko balioko liguke. Hain zuzen ere, talde horien artean dago gure aurkaria: AD San Juan. 22-23 denboraldian Ligako txapeldun izan zen SCDR Anaitasunaren aurka berdinketa batekin estreinatu ondoren, nafarrek [...]

Atzo Antiguokoren aurka jokatu genuen Errege Kopako bigarren kanporaketa. Gaur egun Hirugarren Mailan jokatzen duen taldea izan arren, donostiarrak behin baino gehiagotan egon dira mailaz igotzeko zorian; izan ere, gure entrenatzaileak partidaren aurretik ohartarazi zuen bezala, talde hau, beste faktore batzuen artean, "oso indartsua da fisikoki”. Horren aurrean, Marcos, Ivan, Raul, Gorka eta Alvaro bostekoarekin hasi genuen norgehiagoka. Gogotsu ekin arren, minutuak aurrera zihoazen heinean, begi bistakoa zen ez ginela “ezertara” jokatzen ari (edo oso joko gutxi sortzen ari ginela, behintzat). Gainera, laugarren minutuan, etxekoek markagailua estreinatu zuten (1-0), lehen zatia eurena izaten ari zela berresteko. Askoz erosoago zeuden, [...]

Ligako bigarren jardunaldia jokatu dugu gaur Bilboko Otxartaberen aurka, eta horrekin batera, Igande ezberdin batetaz gozatu ahal izan dugu Donostian. Dani, Beñi, Alvaro, Zaldua eta Chukyrekin hasi dugu lehen zatia, eta aurkariak nahi baino lehenago ireki du markagailua, 2:30 minutuan, ezker hegaletik, eta jokalarietako bat arrisku eremuan bakarrik zegoela aprobetxatuta (0-1). Handik gutxira, Beñat Zalduak erantzun bikaina eman du urruneko jaurtiketa batekin, eta, ukitu duen arren, eskuetatik egin dio ihes baloiak atezainari (1-1). Indarra eman digu berdinketak, baina Otxartabek oso azkar erreakzionatu du, eta segundo batzuk geroago berriro sartu du gola (1-2). Lehen 3 minutuen barruan 3 gol ikusi [...]

Igandean Donostiako Gaska Kiroldegian jokatuko dugu Ligako 2.jardunaldia. Partida 12:15ean hasiko da, eta CD Otxartabe bilbotarra izango dugu aurkari. Belabietan jokatzea faltan botatzen dugun arren, jakin badakigu egoera berri honekin aurrera egitea dela aukera bakarra, baita jarrera positiboa mantentzea ere. Aurkariari dagokionez, aspaldiko ezaguna dugu asteburu honetan parez-pare izango duguna, hain zuzen ere, Ligako beste aurkari gogorrenetako bat. Gure antzera, 23-24 denboraldiari hasiera ona emateko bidean daude bizkaitarrak; izan ere, 1.jardunaldia amaitzeko 10 minuturen faltan, euriteek eragindako uholdeak zirela eta partida bertan behera utzi behar izan bazuten ere, 3-1eko emaitzarekin zihoazen garaipenaren bidean, mailara igo berri den Segoviako CD [...]

Joan den larunbatean Ligako lehen jardunaldia jokatu genuen, eta Zaragozara joan ginen gure multzoko aurkari handienetako bat den CD Pinsequeren aurka jokatzeko. Sentsazio onekin beteta, baina hain talde indartsuaren aurrean etxetik kanpo jokatzeak zekarren zailtasunaz jabetuta, abuztuaren hasieratik elkarrekin "ikasitako" guztia praktikan jartzeko gogoarekin egin genuen salto pistara. Dani, Rivadulla, Eñaut, Zaldua eta Gorka hasierako bostekoarekin ekin genion norgehiagokari, eta lehen minutuaren barruan, Zalduak estrategiaz estreinatu zuen markagailua (0-1), urruneko jaurtiketa batekin asmatu ondoren. Lehen gol horrekin energia goraino beteta, ateko sake batean egindako lapurreta bati esker, Gorkak aldea handitu zuen 2. minutuan (0-2). Are gehiago, soilik 3 minutu geroago, [...]

Larunbatean Pinsequera (Zaragoza) joango gara 23-24 denboraldiko lehen jardunaldia jokatzera. Pasa den astean Cintruenigon Errege Kopako lehen kanporaketa gainditzea lortu ondoren, Liga hasteko gogo handia dugu, gure entrenatzaileak dioen bezala, "guretzat garrantzitsuena” hura baita. Etxetik kanpo aurkari aski ezagun baten aurka Aurkariari dagokionez, CD Pinseque, aurreko denboraldian igoerako Play Off-a jokatzeko postua lortu zuen beste taldeetako bat da, eta Aragoiko CD Paniza-ri irabazi ondoren, Kopako hurrengo faserako sailkatu da aurten, gu bezalaxe. Diestroren arabera, “gainditu beharreko aurkarietako bat" da Pinseque, eta "modu bikainean indartu den taldea" dela adierazi digu. Gainera, azaldu du jokoaren alderdi guztiak menperatzen dituztela, eta, beraz, [...]