Lauburu K.E. Ibarra Ohorezko Jubenil taldeak eta Ribera de Navarra taldeak bigarren jardunaldia abenduaren 4an jokatzea adostu dute. Erabakiaren arrazoia igandean Belabietan jokatzeko nafarrek adierazi duten ezintasuna izan da. Larunbatean berriz Belabietako jokalekua hartuta aurkitzen da lehenengo taldeak eta filialak bertan jokatuko dituzten partiduak direla eta. Txubelen mutilak, lehenengo jardunaldian Castro Urdialesekin topo egin ondoren, prestaketan ari dira, uda honetan egin dituzten aldaketa guztien ondorioz. Andoni, Peña, Pagola eta Tobi dira iaztik Txubelen esanetara geratzen diren bakarrak, beraz, etorri berriak direnekin lan handia dago egiteke, pasa den denboraldian egindako kanpaina bikainak muga oso goian utzi baitzuen. Juanma Ordozgoitik zuzendutako talde [...]

David Uzkudun: “Gure herriak merezi duen ikuskizuna eskainiko dugu” Larunbatean, Mikel Diestroren mutilak Pinseque A.D. hartuko dute. II. multzoko talderik indartsuena da Aragoiko taldea. Aurrez aurrekoa Ibarrako Belabieta kiroldegian izango da 18:00etatik aurrera. Daniel Salanuevak gidatutako taldea ligako egungo txapeldunordea da. Pasa den kanpainan azken jardunaldira arte, Aragoiko beste taldearekin ibili zen titulua lortzeko lehian, baina azkenean Colo Colo Confort taldeak eraman zuen, ligako txapelduna izendatu zutelarik. Hain zuzen, piparreroak Colo Colo taldeari moralki indartu zituen partidu ikusgarri bat irabazi ondoren datozte talka berri honetara, David Uzkudunek zioen moduan: “Egungo txapeldunaren aurka lortutako garaipenak konfidantza ematen digu, kategoriako lantalderik osatuena [...]

Ligako titulua lortzeko lehian hautagai gogorra izango dela erakutsi duen Castro-Urdiales taldearen aurka galdu zuten Kantabrian nazional mailako Jubenilek beren estrenaldian. Gogor hasi ziren etxekoak, lehenengo minutuetatik erasoan. Txubelen mutilak Castroren erasoak ahuldu nahian ibili ziren baina 9. minutuan 1-0ekoa etorri zen Cesarrek amaitutako kontraerasoaren ondorioz, eta bi minutu geroago Raulek 2-0ekoa egin zuen ongi landutako jokaldi batekin. Ibartarrek joku eta konzentraziorik gabeko minutu txar batzuk egin zituzten eta aurkariak egoera horretaz baliatu ziren, izan ere, Andoni bitarteko zela, korner baten bidez 3-0ekoa egin zuten. Minutu bat beranduago Urtzik bien arteko aldea txikitu zuen, Txubelen mutilak berriro jokuan sarraraziz, baina [...]

Ibartarrak ligako gaur egungo txapeldunaren kantxan 3-5 irabazi zuten partida paregabea egin ondoren. Diestroren mutilak bigarren zati bikain batekin hiru puntuak bereganatu zituzten Colo Coloren etxean. Lehenengo 50 segunduetarako markagailua ibartarren alde ipini zen, Unaik baloia eskuratu eta behetik aurkariaren sareeraino indartsu jaurti zuenean. II. multzo honetako jokalekurik zailenetako bat izateko, hasiera ezin hobea. Hala ere, bertakoak aurreratzea lortzen zuten piparreroei presioa handia sartuz, eta 3. minutuan Muniesak berdinketa lortu zuen bisitariek inozoki galdutako baloi bat eskuratu zuenean. Partida berdinketan zegoen eta bisitariak estu hartuta, Josebaren atera arrisku handiarekin iristen zen bertako taldea eta 5. minutuan Colok aurretik jartzea lortu [...]

Ligako txapelketa amaitu zela hilabete batzuk igaro ondoren, Lauburu K.E. Ibarra – Mahala, nazional mailako jubenilen taldeak, 2015-2016 denboraldia hasi du, talde barruan hainbat aldaketa egin dituztelarik. Egutegi gogorra egokitu zaien denboraldi hasiera honetan, gainera, ligako txapela eskuetan izateak aurkariak partiduetara garaipena dastatzeko irrikaz ateratzea eragingo du. Larunbatean Castro-Urdialesera doaz 16:00etatik aurrera lehenengo jardunaldia jokatzera. Denboraldi honetan etorri berriak dira: Urtzi, Azkoitiko Plaza Berritik datorrena, Shane Zarauztik, Agus Laskoraindik, Gago, Arranz eta Conde Hirukidetik, eta Odri eta Infante berriz, futbol 11tik. Kadete mailatik ere, hiru jokalari gehitu zaizkie entrenamenduak egiteko. Aurreko kanpainatik, Peña, Pagola, Andoni eta Tobi dira Txubelen aginduetara [...]

Aitzol: “Horrelako partiduetan ikusten da lantaldearen maila” Lauburu K.E. Ibarra Zaragozara doa larunbatean, egungo ligako txapelduna den Colo Colo Confort-en kantxara. Aurrez-aurrekoa La Granja kiroldegian izango da 16:20tik aurrera. Aragoiko taldeak erasorako potentzial handia du eta baloia gidatzen dakite. Alfonso Rodriguezek gidatutako mutilak ligako gaur egungo txapeldunak dira. Aitzol Oyarbide, Lauburuko kapitanetako batek, aurkariari buruzko analisi zehatza egiten du: “Talde sendo eta langilea. Kalitate handiko gizonak ditu eta arrisku handia sortzen duena ezer gutxirekin. Emaitza ikusgarriak lortzen ari da sailkapenean erdialdean dauden taldeen aurka eta adi egon beharko gara. Aldiz, liga irabazteko dauden taldeen artean jokatutako partidetan ez du irabaztea [...]

Lauburu K.E. Ibarrak 7-1 irabazi zion Villa de Murillori. Mikelen mutilak ez zuten barkatu eta emaitza jada erabakita utzi zuten bigarren zatian. Etxekoen nagusitasuna hasieratik nabarmendu zen. Bigarren minutuan 1-0ekoa etorri zen Unairen eskutik, baloia eskubiko bandan jaso eta gurutzatutako jaurtiketa baten bidez sareetara bota zuenean. Golaren ondoren piparreroen nagusitasunak agintzen jarraitzen zuen baina aurkariek hainbat jokaldi arriskutsu egin zituzten, trantsizio azkar batzuk medio etxekoei baloiak galduaraziz, 9. minutuan 1-1 berdintasuna iritsi zelarik. Ibartarrek ez zuten berdintasuna merezi eta gogor saiatu ziren aurkariaren sarera iristen. Eta baita lortu ere, atsedenaldirako 5 minutu falta zirela, Cristianek bigarren gola sartu zuen aurrez [...]

Hiru porrot eta garaipen bakarrarekin hasitako denboraldi kaskarraren ondoren, datorren larunbatean II. multzoan azken postuan dagoen Villa de Murillo taldea hartuko du Lauburuk Ibarran 18:00etatik aurrera Belabieta kiroldegian. Ibartarrei, Mikel Diestro entrenatzaile berriak egindako aldaketak barneratzea kostatzen ari zaie. Momentuz emaitzarik ez dago baina piparreroek partiduz partidu jokuan hobetu dutela oso nabarmen ikusten da, eta horrela dio Unai Labaka kapitainak: “Lau jardunaldiren ondoren, taldea pixkanaka eboluzionatzen doala ikusten dut. Nire ustez partiduz partidu hobetzen goaz jokuan eta ziur naiz emaitzak laster iritsiko direla. Taldeak aurrera begiratu eta egoera hau goitik behera aldatzeko nahia du. Aste honetan igo berria den Villa [...]

Lauburuk denboraldiko hirugarren porrota jasan zuen Santurtzin 4-3 egin ondoren. Zigor handiegia Mikel Diestroren mutilentzat Bizkaian. Kirola horrelakoa da eta askotan lan ona egitea ez da nahikoa izaten, xehetasun txikienak ere garrantzitsuak izaten dira eta kasu honetan zortea bizkaitarren aulkira mugitu zen azken minutuetan. Indartsu hasi ziren ibartarrak, jokoa menperatzen. Seguruenik, egin zituzten partiduko minuturik onenak izan ziren. Horrela, bigarren minutuan, Andoniren asistentziarekin Unaik sarera bidali zuen baloia. Kendutako baloiekin egindako trantsizioek abantaila handitzeko aukera ugari eskeini zuten baina azken metroetako argitasun ezak markagailua mugitzea eragotzi zuen. Piparreroek faltak pilatzen zituzten heinean, etxekoek pixkanaka partiduan sartuz joan ziren eta penalti [...]

Santurtzi F.S. taldearen aurka jokatuko dute Mikel Diestroren mutilek datorren larunbatean, Bizkaian egokitu zaie denboraldiko laugarren jardunaldiko partidua jokatzea, 18:30etik aurrera. Lehenengo bi jardunaldietako porroten ondoren, garaipena hirugarrengoan iritsi zitzaien ibartarrei. Laubururen entrenatzailearen aburuz: “Lehenengo garaipena beti izaten da oso garrantzitsua, konfidantza berreskuratu eta porrotek sortzen duten antsietatea ekiditen du. Taldeak lanean jarraitzen du eta aste honetan, Santurtziren aurkako partidua prestatzeko lantalde osoa prest dugu berriro.” Santurtzi F.S. taldeak uda honetan lantaldean aldaketa ugari jasan ditu. Izan dituen bajak, alde batetik, Aritz eta Victor lan-arazoengatik, eta beste aldetik, José Zierbenara, Kimetz eta Iker Debabarrenara eta Valen Gernikara joan direlako. Fitxatu [...]