Lauburu Ibarra Mahala taldeak Gora Bilbao taldearen aurka jokatu zuen berriz ere Ligako zortzigarren jardunaldian. Aurreko astean lehen jardunaldiko partida jokatu ondoren, bi taldeak aurrez aurre lehiatu ziren berriro, oraingo honetan, Ibarran. Partida oso lehiatua izan zen bi taldeentzat, baina Aitor Arevaloren mutilek eraman zuten garaipena partida hasiera distiratsu baten ostean; izan ere, lehen lau minutuetan bi goleko errenta lortu zuten eta, hortik aurrera, partida behar bezala kudeatzen jakin izan zuten.  Partida ibartarren sakearekin hasiz, bi taldeak defentsa erasokorrak egiten saiatu ziren espazioak bilatzeko asmoz, gol egoera arriskutsuak sortze aldera. Horrela, partidako 2. minutuan, Iker Sanchezek 1 eta 0-koa jarri [...]

Igande honetan Burgosera bidaiatuko du gure taldeak. Bertan, Juventud del Círculo Católico CD taldearen aurka lehiatuko da goizeko 11:45ean, ligako laugarren jardunaldiari dagokion atzeratutako partidan. Aurkariak 6 partida jokatu ditu orain arte; horietatik 3 irabazi, 1 berdindu eta 2 galdu dituelarik. Horrela, 10 puntu pilatzen dituzte guztira eta gaur egun taulako 4. postuan daude. Etxean jokatzen duenean oso indartsu egiten den taldea izanik, Burgosko kantxa oso zaila da, zailenetarikoa. Gainera, sailkapeneko postuari dagokionez bi taldeak oso antzeko egoeran gaudela kontuan hartuta, ez dago zalantzarik irabazteko gogoa eta aurkariari gauzak erraz ez jartzea izango direla protagonista norgehiagokan. Horren jakitun, ibartarrak joan [...]

Lauburu Ibarra Mahala taldea Bilboko Gora Red Blue taldearen aurka lehiatuko da berriro larunbat honetan. Norgehiagoka arratsaldeko 16:00etan jokatuko da Belabietan, ligako zortzigarren jardunaldiari dagokion partidan. Ibartarrak eta bilbotarrak aurkari gisa estreinatu ziren ligan joan den igandean eta gure taldeak 1 eta 7-ko emaitzarekin irabazi zuen Mikel Azkorrak zuzendutakoen aurka. Larunbateko neurketari dagokionez, talde aurkariak beste partida mota bat planteatuko duela jakitun, Aitor Arevaloren mutilak hainbat eszenatoki posible landu dituzte aste guztian zehar. Horrekin lotuta, gure entrenatzaileak hurrengoa adierazten zuen bizkaitarren inguruan: "logikak dio partida kontserbadoreagoa egiten saiatuko direla eta kontraerasoa eta joko zuzena ustiatzen saiatuko direla". Beraz, ziur gaude [...]

Lauburu Ibarra Mahala taldeak 1-7 irabazi zion Gora Red Blue taldeari ligako lehen jardunaldiari dagokion partidan. Ibartarrek oso partida serioa jokatu zuten defentsan eta, lan on horren ondorioz, taldeari konfiantza ematen dioten lehen 3 puntuak eskuratu zituzten. Neurketako lehen minutuetan bi taldeak euren kartak erakusten saiatu ziren. Arevalok zuzendutakoak oso ondo sartu ziren norgehiagokara eta partidako 11. minutuan markagailuan aurrea hartu zuten Beñat Irazustabarrenaren bitartez; bigarren lerroan baloi bat berreskuratu eta, jaurtiketa baten ondoren, goizeko lehena jarriz. Minutu bat geroago, Ekain Goikoetxeak baloi lapurreta bat egin eta 0 eta 2-koa igotzen zuen markagailura. Minutuak aurrera zihoazen Bilbon eta bi taldeek [...]

Gure 2B taldeak igo berri den Gora Grupo Iron taldearen aurka jokatu zuen atzo Bilbon, orain arte atzeratutako ligako lehen jardunaldiari zegokion partidan. Norgehiagoka arraroa espero zen etxetik kanpo, ia urtebete pasa baita Belabietatik kanpo lehiatu gabe. Neurketaren lehen zatian, Jotak zuzendutakoek joko ona mantendu zuten, aurkariaren irteerak ondo geldituz. Erasoan ere aukera arriskutsuak sortu zituzten: Zumeta, Antxon, Juaristi… sarea ukituz, denak egon ziren markagailua estreinatzeko zorian. Era berean, aurkariak ere sortu zituen bere aukerak azken metroetan. Orduan, inork jokaldiak burutzea lortzen ez zuela zirudienean, 3:35 minutua iritsi eta, Antxonen eta Alvaroren arteko elkar ulertze on baten ondoren, azken honek [...]

Lauburu Ibarra Mahala Bilboko Gora Red Blue taldearen aurka estreinatuko da igande honetako 10:00etan ligako lehen jardunaldia jokatzeko. Aitor Arevalok zuzendutakoek aurre-denboraldia asteroko entrenamenduekin hasi bazuten ere, ez ziren lehiatzera iritsi; izan ere, ezarritako osasun murrizketek egun batetik bestera gelditzera behartu zituzten. Hala, duela bi aste jakinarazi zuen Euskadiko Futbol Federazioak Eusko Jaurlaritzaren baimena taldea entrenamenduetara pertsonen mugarik gabe itzultzeko. Nahiz eta geldialdi luzearen ondorioz hasierak ziurgabetasun handia sorrarazi, Lauburu Ibarra Mahala martxan jarri zen eta entrenatzaileak jada iragarri zuen litekeena zela Gabonetan norgehiagokaren bat jokatu behar izatea. Horrela, ligari hasiera emateko ilusioa eta gogoa oso handiak dira. Aimar Zubillagak, [...]

Igande honetan, eguerdiko 12:00ean, Jotak zuzendutako taldeak Gora Grupo Iron taldearen aurka jokatuko du Bilbon, ligako lehen jardunaldiari dagokion partidan. Aurkariak 6 partida jokatu ditu orain arte, 4 irabaziz eta 2 galduz. Horrela, ligari hasiera bikaina eman ondoren, 12 puntu pilatu dituzte eta gaur egun sailkapeneko 2. postuan daude. Zentzu horretan, gure entrenatzaileak aurkaria "defentsan oso gogorra” dela esan digu, erasoan “gauzak argi” dituelarik eta "lehiaketaren erritmoa hartzen” jakin duelarik. Gainera, bilbotarrek Otxartabe eta Zierbena faborito nagusien aurka jokatzea egokitu zaienean bakarrik ezagutu dute porrota eta, beraz, neurketako zailtasuna ziurtatuta dago. Gure jokalariei dagokionez, hasiera batean, guztiak daude deituta eta, [...]

Larunbat honetan, arratsaldeko 18:30etan, Jotak zuzendutako taldeak Auzoak de Zierbena C.F.S.-ren aurka jokatuko du Belabietan, ligako hirugarren jardunaldiari dagokion partidan. Aurkaria 6 partida jokatzetik dator, horietatik 3 irabazi eta beste 3 galdu dituelarik. Horrela, guztira 9 puntu dituzte eta taulako 5. postuan daude. Otxartaberekin batera maila honetako faboritoetako bat izanik, beti kopa eta igoera postuengatik borrokatzera ohituta dagoen taldea da Zierbena.  Gure entrenatzaileak "klasiko bat" bezala definitu du bizkaitarren aurkako norgehiagoka eta sailkapenean gora egingo duen talde bat bezala definitu du aurkaria. Gainera, partida "oso parekatua eta Otxartaberen aurka jokatutakoaren oso antzekoa" izango dela adierazi du eta arrisku handia egongo [...]

Lauburuk Castro Urdiales C.F.S-ren bisita jaso zuen atzo Belabietan. Talde aurkaria orekatua eta oso ondo landutakoa izanik, partida gogorra espero zen. Dena den, gure jokalariak oso eroso hasi ziren pistan eta hori nabaria zen baloia menderatzerakoan. Hala ere, aurkariaren eskakizun fisikoa nabarmena zen eta, lehen minutuetan, jokoa berdinduta egon zen. Horrela, lehen 5 minutuak igaro arte ez zen lortu lehen gola elektronikora igotzea. Iñigok baloia Alvarori hegalean pasa eta honek atzera begiratzen zuen Juaristiren bila pista erdian. Tolosarrak ez zuen dardara egin eta markagailua estreinatu zuen jaurtiketa bikain batekin (1-0). Horren ondoren, castrokoak gehiago estutzen hasi ziren defentsan. Hala ere, [...]