Joan den denboraldian Euskal Ligan estreinatu ginen Lauburu Ibarra Mahalarekin, eta Aitor Arevalo entrenatzailearen eskutik egin genuen, Lauburuk beti izan duen teknikaririk trebatuenetako bat. Norgehiagokak aurrera ateratzeko zailtasunak egon ziren arren, klubak oso pozik bukatu zuen taldearekin; izan ere, helburua beti izan da hura osatzen duten jokalarien prestakuntza eta bilakaera. Horregatik, denboraldi honetan, bigarren urtez jarraian, berriro maila honetan lehiatzea erabaki dugu, eta joan den astean hasi ziren lehiaketarako prestaketa-saioak. Aldaketa aipagarriak aipatzearren, senior mailako lau jokalarik (Danel, Jon Estarbe, Aimar Iturrioz eta Jokin Agirretxe) erreleboa eman diet zenbait jokalari jubenilei. Taldearen zuzendaritzari dagokionez, Arevaloren esku jarraituko du, eta [...]

Larunbatean denboraldiaurreko hirugarren lagunartekoa jokatu genuen, CD Otxartaberen bisita jasota Belabietan. Gero eta gutxiago falta da lehiaketari hasiera emateko eta, horrexegatik, erronka berri bakoitzean dena ematea funtsezkoa izaten jarraitzen du oraindik. Zentzu horretan, gure taldea zaleekin batera gozatzeko gogoz zelairatzen zen larunbatean, eta Otxartabe beti aurkari zaila izan den arren, Jotak partidaren amaieran adierazi zuen norgehiagoka “berdinduta” egon zela “arlo guztietan”. Denboraldiaurre honetan jokatutako aurreko lagunartekoetan bezala, helburua zen defentsa posizionaleko egoerak ixtea. Horregatik, taldeak defentsa baxua planteatu zuen, eta baloia aurkariari eman zion. Horrek bizkaitarrak jokoan gehiago egotea eragin zuen, arriskua eta ziurgabetasuna sortuz. Dinamika horretan, Otxartabek markagailua [...]

MARTXAN JARRAITZEN DUGU! Aste batzuk falta dira ofizialki txapelketari ongi etorria eman ahal izateko, eta 2B mailako gure taldeak aurre-denboraldian murgilduta jarraitzen du, asteroko saioetan gogor lan eginez, baita gure jokalarien prestakuntzan funtsezkoak diren lagunartekoak jokatuz ere. Azken honekin lotuta, udako oporretan iragarri genuen bezala, Zaragozan jokatu genuen lehena, bigarren mailako Colo Colo bisitatuz. Kategoria horretako talde baten aurka lehiatzea ikasteko eta hazten jarraitzeko aukera ematen duen luxu bat bada, pentsa ezazue zer den haien aurka berdinketa lortzea (3-3 Oscar, Txiki eta Chukyren golekin). Jotak adierazi zuenez, oso pozik eta sentsazio onekin amaitu zuten norgehiagoka. Onodren, bigarren lagunartekoari dagokionez, [...]

Vanessa Ortego, "Vane" familia morearentzat, beste denboraldi batez izango da 2B mailako talde teknikoko kide Gasteiztarra osagarri ezin hobea da taldearentzat: jokalariak maila fisikoan prest jartzeko duen arduraz gain, lesionatuen osatze prozesuaren jarraipenaz arduratzen da, behin horiek errehabilitaziotik aterata. Hala eta guztiz ere, haratago doa teknikarien taldean duen rola, funtsezko pieza izanik, prebentziozko lana zuzenduz, eta hala behar duten jokalarien elikadura kudeatuz. Hori gutxi balitz bezala, iaz, denboraldiko unerik zailenean partida batzuen buru ere jarri behar izan zuen. Berriagatik pozik, eta oporrak aprobetxatuz, hurrengo argazki hau bidali digu gure misterrarekin. Bikotea Santiago bidea egitera animatu da, eta Ribadesellan abentura [...]

Lauburu Ibarrak, erkidegoko enpresekin eta entitateekin lankidetzan hazteko estrategiaren barruan, Iñaki Gómez gehitu du bere antolaketa-egiturara, klubaren Negozio Garapen eta Marketin arduradun gisa. Lanpostu berri batetaz ari gara, erakundearen egonkortasunean eta hazkundean jauzi bat eman nahi duena, eta laster aliantza estrategikoak sortuko ditu bazkide berriekin. Iñaki Gómez gasteiztarra, enpresaren munduko profesionala da, eta 20 urte baino gehiagoko esperientzia dauka kirol entitateen kudeaketan. "Lauburu Ibarra marka balio handiko marka da euskal areto-futbolaren esparruan, baina, gainera, apustu irabazlea da arlo sozial eta fiskalean ere. Hori da gure benetako hazkunde-eredua, eta balio hori transmititzea izango da klubeko nire zeregin nagusia", adierazi du [...]

Klubeko Zuzendaritza Batzordeari izugarri pozten gaitu ofizialki iragartzea ekainaren 10, 11 eta 12an ospatuko direla Belabieta kiroldegian (Ibarra) infantil eta kadete mailako gizonezkoen Espainiako Txapelketaren aurreko faseak. Egunerokotasunean oinarrizko areto-futbolaren alde lan egiten duen kirol-erakunde gisa hazten jarraitzeko baliagarria izateaz gain, Txapelketak balio handia ematen dio gure herri txikiari, Tolosaldea osoari eta, oro har, Gipuzkoako eta Euskadiko areto-futbolari. Hiru egunez jarraian, Ibarrak Kantabria, Galizia eta Gaztela Leongo taldeak batuko ditu (infantiletan 3 eta kadeteetan 4). Zein polita eta berezia! Denek eramango dute gure lurren zati bat etxera betiko. Itzulera erakargarriak dituen ekitaldia izanik, iparraldeko harrobi onenetako jokalariez gozatu ahal [...]

Klubeko ia talde guztiek bezalaxe, amaitutzat eman du bere denboraldia baita Euskal Ligakoak ere, Lauburu Ibarra Mahala taldeak. Klubak kategoria honetan parte hartzen zuen lehen aldia izanik, erronka moduan hartu genuen hasieratik. Gainera, jokalari berrien etorrerak haize freskoa ematen zuen, eta denek erakusten zuten lehiatzeko behar zen motibazioa. Zentzu horretan, balorazio orokor bat eginez, entrenatzaileak esan digu taldeak oso lan ona egin zuela lehen itzulian. Bere ustez, partidak lehiatzen jakin izan zuten, eta merezimendu handiko itzulera izan zen; batez ere kontuan hartuta, jokalari falta zela eta, askotan zailtasunak izan zituztela entrenatzeko. Hala ere, Arevalok ez du bigarren itzulia modu [...]

Emozio handiko larunbata izan zen pasa den astekoa. Goizean, gure neska infantilen garaipenarekin erori zitzaizkigun pozez beteriko lehen malkoak; izan ere, denboraldi osoan gizonezkoen Liga batean lehiatu behar izan ondoren, garaipena lortu zuten Aloña Mendiren (Oñati) aurka 3-2ko emaitzarekin. Taldeak oso partida ona jokatu zuen, azken entrenamendu-saioetan ikasitakoa praktikan jarrita, eta gogoak eta ahaleginak saria dutela erakutsita. Gure borrokolariek beste urrats bat eman zuten aukera-berdintasun eraginkor baten alde. Gurasoak, lagunak, ibartarrak oro har… harmaila osoak zoriondu zituen neskak. Ondoren, 12:00etan, kadete mailako taldea animatzeko ordua heldu zen. Euskal Kopa jokatzen ari ziren etxean, Otxartaberen aurka, eta irabazteak ia %100ean [...]

Larunbatean denboraldiko partidarik zailenari egin behar izan genion aurre. Sentsazio nahasketa batekin, mailari eutsi, eta dena emateko prest zelairatu ginen Belabietara. Jorge, Eric, Chuky, Oscar eta Txiki bostekoarekin hasi genuen partida. Baloia jokoan jarri eta bi minutura, Chukyk kontrolatutako mugimendu batekin asmatuta, ezker hegaletik gainditzen zuen atezaina arratsaldeko lehena sartzeko (1-0). Beti bezela, ezinbestekoa markagailua irekitzea gugan sinesten hasteko. Ondo geunden, eta nabari zen. Defentsan ere lan ona egiten ari ginen, baloi bakoitza borrokatzen, bat bera ere barkatuko ez genuela erakutsita. Utzikeria txiki batek gure ametsa zapuztea eragin zezakeen. Bien bitartean, San Juanek berezko intentsitate horri eutsi zion, eta [...]

Larunbatean, AD San Juan talde nafarra hartuko dugu Belabietan, 21-22 denboraldiko azken jardunaldia izango den horretan. Partidaren orduari dagokionez, RFEFetik jakinarazi zuten 18:30ean izango zela ordutegi bateratua, Bigarren Mailara igotzeko Play Off-etarako eta Espainiako Txapelketarako/Errege Koparako sailkapenean eragin zuzena duten partida guztietarako, baita jaitsierako postuak erabakiko dituen horientzako ere. Ondorioz, egoera horretan dagoen talde bakar batek ere ezin izango du emaitzak aldez aurretik ezagutzeko onura izan. Aurten, harrigarria bada ere, azken jardunaldian soilik aplikatu da ordutegi bateratua ezartzeko araua (historikoki azken bietan egin izan den arren). Horri esker, asteburu honetan, aurreko astean bizitako zentzugabekeria saihestuko da. Aurkariari begira, aspaldiko [...]