Larunbatean 23. jardunaldia jokatu genuen etxean SCDR Anaitasuna-ren aurka. Mailara igo berri den taldea bada ere, emaitza oso onak izaten ari da eta, ondorioz, taularen goialdean kokatu eta mantentzen dira nafarrak. Horri aurre egiteko asmoz, Marcos, Oscar, Ilias, Chuky eta Bolirekin hasi genuen partida. Boliren jaurtiketa on batek markagailua ireki ahal izan zuen lehen minutuan, baina bisitarien atezainak ondo urrundu zuen baloia. Chukyk ere izan zuen bere aukera, baina pilota kanpora ateratzeaz arduratu zen defentsa. Bigarren minutua igaro berritan, Anaitasunak kontraeraso batean sartu zuen arratsaldeko lehena (0-1), eta, handik minutu batera, jaurtiketa on batekin erantzun zuen Chukyk, Oscarren kornerreko [...]

Bihar, arratsaldeko 18:30ean, denboraldiko errebelazio taldea bihurtu den SCDR Anaitasunaren bisita izango dugu. Nahiz eta talde nafarra igo berria izan, merezimenduzko laugarren postuan kokatu da, 40 puntu pilatuz eta AD San Juan hirugarren sailkatuarekin berdinduz (biek norgehiagoka bat gutxiagorekin). Orain arte jokatu diren 21 partidetatik, Narvaizek zuzentzen dituenak 12 irabazi dituzte, 4 berdindu eta 5 galdu. Gainera, liderraren aurka jokatu zuten jardunaldia izan ezik, bolada oso ona daramate, eta 3 puntu lortzera iritsi dira mailan oso finkatuta dauden aurkari gogorren aurka. Gureei dagokienez, 2-1eko emaitzarekin galtzetik gatoz Zaragozako Patatas Gómez Sala 2012-ren aurka, zalantzarik gabe azken metroetan asko asmatzea [...]

Gaur eguerdiko 14:00etan atera gara Belabietatik Zaragozan jardunaldi berri bat jokatzeko, liderraren aurkako partida izan ezik, bolada oso ona daraman talde baten aurka. Horrela, Boli, Chuky, Oscar, Eric eta Marcosekin hasi dugu lehen zatia. Lehen 2 minutuetan, kanpoko zenbait jaurtiketa egin ditugu, baina ezin izan diegu etekina atera. Azpimarratzeko moduko ekintza askorik gabe, 6. minutura arte ez da iritsi aurkako lehen gola. Arerioak baloia area barruan iragazten zuen eta, defentsan gaizki kokatuta, ez ginen esferikoa kanpora ateratzera iristen (1-0). Markagailuaren estreinaldiaren ondoren, Marcosek hainbat aukera salbatu ditu. Erasoari dagokionez, Chukyk defentsatik alde egin eta Ikerri baloia bigarren zutoinean uzten [...]

Bihar, beste behin ere, Zaragozako lurretara joango gara, AD Patatas Gómez Sala 2012 taldearen aurka jokatzeko arratsaldeko 18:45ean. Denboraldiko 22. jardunaldiari dagokio norgehiagoka, eta gogorarazten digu aurten gero eta zailagoa dela puntuak gehitzea (are gehiago kasu honetan, kontuan hartuta Belabietan Patatasen aurkako neurketan 2-4ko emaitzarekin galdu genuela, eta haiek izan zirela etxean irabazi ziguten lehenak). Egun, sailkapeneko 7. postuan kokatzen da aurkaria, 31 puntu pilatuta, gure taldeak baino 7 gehiago. Orain arte jokatutako 21 partidetatik, 9 irabazi, 4 berdindu eta 8 galdu ditu. Horrekin lotuta, Alamancosek esan digu zonako defentsa oso ondo erabiltzen duten jokalariak dituela, eta "indartsuak" direla [...]

Berriro etxean jokatzeko ilusioarekin, taulako bigarren sailkatua Pinseque FS, hartu genuen Belabietan. Aragoiarrak dira erasoko areto futbolik onena egiten duten taldeetako bat eta, beraz, bagenekien zaila izango zela partida aurrera ateratzea. Horrela, Marcos, Oscar, Eric, Chuky eta Bolirekin hasi ginen. Lehen minutuetatik presio altuarekin, ateko sakea zailtzen genuen eta baloi batzuk lapurtzen genituen aurkariaren pase luzeak moztuz. Hala ere, jokoaren 2. minutuan, markagailua estreinatu zuten bigarren zutoinetik, moztera iritsi ez ginen pase on batekin (0-1). Lehen gola hain azkar iritsi izanak gogorarazten zigun ezin ginela batere erlaxatu. Ondoren, Chukyk izan zuen aukera ona, kanpoko atezainak urruntzen zuen jaurtiketa bizi [...]

Bihar, 18:30ean, Pinseque FS taulako bigarren sailkatua hartuko dugu Belabietan. Pasa den asteburuan gutxi falta izan zitzaigun Loalco Green Colo Coloko beren bizilagunen aurrean puntuak lortzeko eta, arantzatxoa kentzeko gogoz, ahalik eta modurik indartsuenean lehiatu eta gure bertsiorik onena atera nahi dugu. Zaragozakoak, 47 puntu pilatuta, lidergotik 7 puntura daude. Orain arte jokatu diren 20 jardunaldietatik 15 irabazi dituzte, 2 galdu eta 3 berdindu. Emaitza aipagarriak dira eta atzetik gauden beste taldeengandik nahiko aldentzea eragiten dute. Gainera, Escuelas Ciudad de Guadalajara taldearen aurka 5-5eko emaitzarekin azken norgehiagokan berdintzetik datozen arren, oso argi daukagu dena emango dutela hain urrun ez [...]

Lauburu Ibarra Mahalak 16. jardunaldia jokatu zuen larunbatean Belabietan Zabalgana Zarauna taldearen aurka. 2B mailan bezalaxe, Euskal Ligan ere puntu berdintasuna da protagonista sailkapenean. Hortaz, astero batzea funtsezkoa da goiko postuetan mantendu ahal izateko. Horretaz jakitun, pista erdiko defentsa itxia burutu zuten bisitariek, baloia lapurtu eta kontraerasoak lantzeko helburuarekin. Horren aurrean, moreek aukera onak izan zitutzten markagailuan aurrea hartzeko, baina ez zuten asmatu eraso posizionalean, ezta estrategian ere.  Minutuak pasa ahala, sakontasuna galtzen joan arren, erritmoa mantendu eta aukerak sortzen jarraitu zuten ibartarrek. Dena den, 0-0-eko markagailuarekin iritsi zen atsedenaldia. Aldageletatik bueltan, erritmoa handitu eta minutu batean bi gol [...]

Atzo goiz iritsi ginen Zaragozara, bertan bazkaldu eta nahikoa denbora izateko bidaiaren ondoren atseden hartzeko. Aurkari zuzena genuen Loalco Green Colo Colo, sailkapenean pilatutako puntuak kontuan hartuta.  Horrela, Marcos, Txiki, Boli, Eric eta Oscarrekin hasi ginen. Etxekoen kontraeraso batek eta Bolik ezker hegaletik egindako bi saiakerek maraktu zuten lehen minutua. Bolik ere izan zuen aukera ona, Ericen eskutik area barrutik jaso ondoren, baina baloia zuzenean joan zen atezainaren eskuetara. Ondoren, zorigaiztoko 3 minutuek 3-0ekoa jarri zuten markagailuan, estrategia berdina erabiliz etorri ziren 3 golekin (3-0). Kanpoko jaurtiketak izan ziren hirurak, lehena korner baten ondoren eta beste biak hegaleko sakeen [...]

Bihar Zaragozara joango gara Loalco Green Colo Colo taldearen aurka jokatzeko arratsaldeko 16: 00etan. Bidaia-orduak kontuan hartuta, goizeko 9:00etan irtengo gara Belabietatik, bertan bazkaldu eta norgehiagoka baino lehen atseden hartu ahal izateko. Aurrean, aurkari zuzena, sailkapenean 3 puntura baino ez dagoena. Jokatu diren 18 jardunaldietatik (gure kasuan baino jardunaldi bat gutxiago), 6 irabazi ditu, 3 berdindu eta 9 galdu. Elkarren aurka jokatu genuen lehen partida gogoratuz, Jotak azaldu du jokoa asko zailtzen duen zonako defentsa-egitura erabiltzen duen taldea dela, eta, pertsonalki, asko gustatzen zaiola egiten duten erasoko planteamendua. Zentzu horretan, funtsezkoa izango da 40 minututan partidatik ez irtetea. Horretarako, [...]

Larunbatean Juventud del Círculo Católico-ren aurka jokatu genuen Belabietako gure itzuleran, joan den astean Nafarroan izandako porrot gogorraren ondoren. Puntu bakoitzak urrea balio duela jakinda, ezinbestekoa zen ideiak oso argi genituela pistara salto egitea. Boli, Txiki, Oscar, Eric eta Marcos hasierako bostekoarekin hasi genuen partida. Intentsitate handiz atera ginen lehen minutuetan eta pare bat kontraeraso egiten genituen, baina ezin izan genituen bukatu. Defentsan, presio altua egin eta errekuperazio garrantzitsuak lortzen genituen. Horrela, atezain bisitariak arrakastaz urruntzen zuen Chukyren jaurtiketa bikain batekin iritsi zen 5.minutua. Ondoren, beste interbentzio garrantzitsu baten ondoren, ez zen Iliasen jaurtiketara iritsi, eta azken honek baloia [...]