Bihar, arratsaldeko 18:00etan eta urtebete baino gehiagoren ondoren, zaleen aurrean aurkeztuko dugu 2B mailako gure talde berria denboraldi-aurreko azken lagunartekoarekin Txapelketa hasi eta astebetera, gure lehen taldeak Mahastiak La Bastidaren aurka jokatuko du etxean, 2021-2022 denboraldiaren aurkezpen gisa. Belabietan gure zaleen falta izugarria sumatu ondoren, azkenean iritsi da eguna haietaz guztietaz berriro gozatzeko. Hori ez ezik, gure entrenatzaileak Klub bisitariarekin duen 15 urteko harreman estua kontuan hartuta (entrenatzaile, jokalari eta baita zuzendaritzako kide bezala), partida benetan berezia izango da biharkoa. Klubaren lehen urteetan jada bertako kide zen Jota. Hasieran Gasteizen kokatua zegoen hura baina, aurrerago, Arabako hiriburuan 10 urte [...]

Irailaren 7an, arratsaldeko 16:15ean, Lehen Mailan jokatzen duen CD Xota-ren aurka lehiatuko da Jotaren taldea Iruñeko Anaitasuna estadioan Denboraldi aurreko hirugarren lagunartekoa izango den honetan, gure 2B-ko mutilek Lehen Mailan jokatzen duen CD Xota talde nafarrarekin neurtuko dituzte indarrak. Xota 89-90 denboraldian iritsi zen Areto Futboleko Liga Nazionalera. Ordutik aurrera, 92-93an Zilarrezko Mailara (kategoria gorena) igotzea lortu zuten eta 97-98an Ohorezko Mailara, gaur arte meritu handiz bertan mantentzea lortuz. Beraz, eskarmentu handiko jokalari profesionalengandik ikasteko aukera paregabe baten aurrean gaude. Gainera, esperientzia polita izango da, aurrean dugun 2021-2022 denboraldiari begira motibazio gehigarri bat sentitzen lagunduko duena. Horrekin lotuta, gure entrenatzaileak [...]

Orain arte 2B taldeko kide izan diren Andoni Agirrezabala jokalariak eta Iñaki Peña atezainak amaitutzat ematea erabaki dute Lauburuko beren ibilbidea Bietako bakoitzak 8 urte bete zituzten pasa den denboraldian Lauburun. Zehazki, 2014. urtean hasi ziren areto futbolean jokatzen, gure Klubeko jubenil kategorian. Ordundik, hainbat esperientzia partekatu dituzte elkarrekin, azken urteetan hainbat lorpen eskuratuz lehen taldearekin batera.  Orain, agur esateko ordua iritsi dela sentitu dute eta guk esker hitzak besterik ez dauzkagu bi ibartarrentzat. Plazer bat izan da zuek jokatzen ikustea, partida bakoitzean dena emanez eta gure koloreak defendatuz.  Andoni eta Peñak ere hitz batzuk utzi nahi izan dizkigute: [...]

Gure 2B mailako taldea Bilbora joan zen atzo CD Otxartaberen aurkako denboraldi-aurreko lehen lagunartekoa jokatzera. Gure plantilla berriak elkarrekin lehiatuko zuten lehen aldia izango zela kontuan hartuta, abuztuaren 1etik aurrera astez aste lantzen ari direna praktikan jartzeko helburuarekin bidaiatu zuten moreek. Lehen zatia (35 minutu erlojua gelditu gabe) Oscar, Juaristi, Adil, Boli eta Marcosek hasi zuten. Bestalde, Otxartabek, bere egituraren barruan baja garrantzitsuren batekin zelairatu arren, presio handia egin zuen defentsan eta jokalarien artean zegoen dinamika ona erakutsi zuen. Horren aurrean, gure mutilek intentsitate handiagoarekin erreakzionatzen zuten, lehen aukerak sortzeko asmoz metroak aurrera egiten saiatuz. Izan ere, Bolik 5. [...]

Larunbat honetan, 2B mailako gure taldeak Bilbora bidaiatuko du, Ligako lehen aurkaria izango den CD Otxartaberen aurkako lagunartekoa jokatzera 2021-2022 denboraldia bueltan da eta, zenbat eta gehiago hurbildu, orduan eta gogo handiagoa dugu hasteko. Izan ere, 20 egun pasa dira jada egutegi ofiziala argitaratu eta gure lehen partida irailaren 18an CD Otxartaberen aurka etxean jokatuko dugula jakin genuela. Denontzat oso berezia den data bati buruz hitz egiten ari gara. Zer hobe aro berri baten hasiera gure ondoan dauden ikusleekin partekatzea baino.  Gure egutegian aspalditik markatuta dagoen eguna da, beraz. Hala ere, urtero esan izan ohi dugun bezala, data horren [...]

Klubeko kirolari gazteen prestakuntza-ibilbidea zabaltzeko asmoz, Euskal Ligan parte hartzeko erabakia hartu du Lauburuk 2021-2022 denboraldian Klubak ilusioz beteriko apustu sendoa egin du datorren denboraldian eta Euskal Ligan parte hartzeko jauzia ematea erabaki du, oinarritik datozen jokalariak prestatzen jarraitu ahal izateko. Liga honetan parte hartzeak Ohorezko Jubenil Mailan talderik ez izatea suposatzen du. Bertan izan dugun esperientzia ikaragarria izan dela gogorarazi nahi dugu, azken urteetan 3 Liga titulu lortuz. Halaber, aldaketa handi hau gauzatzeko erabakia jokalari gazteak 2B mailako taldetik gertuago sentitzeko helburuarekin hartzen da, Jota Arreguiri larunbatero euskarria emanez. Gainera, kategoria honetan izena emateak Txubelen taldeak, orain arte [...]

Duela 4 urte iritsi zen Dani Ibarrara eta Raid, berriz, aurreko urtean. Biak oso gustora sentitu dira Klubean eta, erabakia hartzea zaila izan dela adierazi duten arren, beren gaztetasuna eta gauza berriak egiteko gogoa medio, beste proiektu batzuetan murgilduko dira hurrengo denboraldian. Lauburutik eskerrak eman nahi dizkiegu elkarrekin partekatutako lorpen bakoitzagatik eta onena opa diegu etorkizunean. Halaber, jokalari nafarrek hurrengo mezua utzi nahi izan digute: Dani: "2017ko udan fitxatu nuen Klub honekin, jokalari eta pertsona bezala hazteko eta ikasteko asmoz. Helburua guztiz bete da. Iritsi nintzenetik etxean bezala sentiarazi naute, entrenamenduetako bakoitzean. Hortaz, eskerrak eman nahi dizkiot Klub osoari: egunero-egunero [...]

Talde ibartarrak Valladolid Tierno taldearen aurka galdu du 2-5-eko emaitzarekin Lauburu Ibarra Mahala Madrilen jokatzen ari den Espainiako Kopan parte hartu berri du. Partida ia guztian zehar aurkaria erosoago sentitu den bitartean, talde moreari kosta egin zaio erosotasun horri eustea eta ezin izan du neurketa aurrera atera. Aitorren mutilak, denboraldi osoko joku moldeari jarraituz, ez dute dudarik izan eta aurkariari goran presionatzea erabaki dute. Presio horri esker, berehala etorri dira lehen aukerak. Lehenik, Ekainen jaurtiketa bat, ondoren, Beñaten beste bat eta, azkenik, Iker Sanchezena. Horrela, taldearen lehen minutuak bikainak izan dira, kantxara aurkaria baino hobeto sartu dela erakutsiz. Aurrerago, [...]

Bihar, Lauburu Ibarra Mahala taldeak Madrilera bidaiatuko du Torrejon de Ardozen jokatuko den Espainiako Jubenilen Kopan lehiatzeko. Ibartarrek Galdar FS talde kanariarrari irabazi zioten pasa den astean Belabietan 5 eta 1-eko emaitzarekin. Garaipen horrekin, aipatutako Txapelketako final-laurdenak jokatzeko sailkatu ziren. Lortutakoa epikoa da Lauburu bezalako Klub batentzat, eta argi utzi du oinarritik egiten den lan eskergak izugarri merezi duela. Horrela, Aitor Arevalok zuzentzen duen taldeak hitzez azaltzeko zaila den ilusioarekin ekingo dio esperientzia berriari. Honaino iritsi aurretik asko sufritu eta borrokatu dute. Orain, balio duten guztia erakusten jarraitu nahi dute, egunez egun hobetzeko ahalegina eginez. Esandakoarekin, ostiralean izango da [...]