Lauburu Ibarra Mahala taldeak 7 eta 2-ko emaitza batekin irabazi zion Gijón Playas talde asturiarrari eta 21 garaipen eta porrot bakarrarekin amaitu du denboraldia. Moreak, lehen zati bikain batean, Ligako bigarren sailkatuaren gainetik pasa ziren. Garaipen honen ostean, ekainaren 5ean Belabietan jokatuko duten Espainiako txapelketaren atariko fasea prestatzen hasiko dira. Bertan, Espainiako beste multzoetako 2. sailkatuetako baten aurka arituko dira. Zozketa maiatzaren 19an egingo da, 12:30etatik aurrera, Rozasen (Madril), Espainiako Futbol Federazioaren egoitzan. Besteak beste, Bartzelona (Katalunia), Emotion Zaragoza edo Pirineos Sagrado Corazón (Aragoi), Las Rozas (Madril), Valentzia Maristas (Valentzia), CD Ejido Futsal (Andaluzia), O 'Parrulo Ferrol (Galizia) eta [...]

Gure taldea Iruñera joan zen atzo AD San Juan FS-ren aurka jokatzeko Ligako azkenaurreko jardunaldiko partidan. Helburua argia zen: 3 puntu lortzea, igoerako Play Off horri dagokionez azken jardunaldira ahalik eta aukera zabalenekin iristeko. Hori lortzeko ilusioa oso berezia eta garrantzitsua zen, ez bakarrik talde morearentzat, baita denboraldi hasieratik lagun izan ditugun zaleentzat ere. Partida Jorge, Boli, Dani, Antxon eta Iñigorekin hasi zen. Lehen minutuak oso luzeak izan ziren. Egin ohi duen presio altua burutzen hasi zen San Juan, gureei lehen lerro hori haustea zailduz. Hala ere, Bolik bigarren zutoinetik estreinatu ahal izan zuen markagailua. Lehen aukera garbia ibartarren [...]

Lauburu Ibarra Mahala Gijón Playas talde asturiarraren aurka arituko da igande honetan eguerdiko 13:00etan Belabietan. Jardunaldi honen faltan Ligako txapeldun izendatu ondoren, ibartarrek motibazio gehigarri horrekin egingo diote aurre azken norgehiagokari. Gainera, beste behin irabaziz amaitu nahi dute denboraldia, etxean jokatutako neurketa guztietan garaipena lortuz. Aurkariari dagokionez, sailkapeneko bigarren postuan dago. Alde batetik, defentsan, pista erdiko aldaketak egiten dituen taldea osatzen dute Asturiasekoek. Bestalde, erasoan, 3-1 sistema erabiltzen dute, Juan, beren ezker jokalarietako bat, erreferentetzat hartuta. Horrez gain, Arevalok beren jokalari Marco, 1x1-eko jokoan oso gaitua dena, eta Ian, geldikako akzioak gauzatzeaz arduratzen dena, nabarmendu ditu. Horiekin batera, oro [...]

Larunbat honetan gure taldea Iruñera joango da bigarren fase honetako zazpigarren eta azken-aurreko jardunaldia jokatzera. Bertan, AD San Juan FS taldearen aurka arituko da, arratsaldeko 16:00etan. Jotak zuzentzen dituenak etxean irabaztetik datoz eta, gure entrenatzaileak dioenez, "urteko bertsiorik onenetakoa" erakutsi zuten bertan. Bestalde, Iker Tororen mutilek ezin izan zuten aurreko asteko neurketa jokatu. Otxartaberen aurka lehiatu behar zuten, baina azken honen plantillan COVID-19ak eragindako kasu positiboen ondorioz, atzeratu egin behar izan zuten norgehiagoka. Hori kontuan hartuta, Otxartabek atzeratu egin behar izan du larunbat honetan Tafatransen aurka jokatu behar zuena ere. Ondorioz, final garrantzitsua da aste honetakoa moreentzat.  Bi duelu, [...]

Lauburu Ibarra Mahala Ligako txapelduna izendatu da Siero Areto Futboleko talde asturiarrari 1-6 irabazi ostean. 20 garaipen, porrot bakarra, 112 gol alde eta 24 goleko kontra. Emaitza bikain hauekin, Arevaloren mutilek Liga titulua lortu dute txapelketa amaitzeko jardunaldi bat falta denean. Talde morearen atzetik eta bigarren sailkatu gisa, Gijon Playas talde asturiarrak amaituko du denboraldia. Bikain aritu dira haiek ere orain arte eta talde morearekin batera Espainiako jubenilen kopa jokatuko dute ekainaren 5eko asteburuan, estatu nazionaleko 16 talde onenekin batera. Puntu bakarra behar zuten moreek larunbatean txapeldun izendatzeko. Hala ere, 3 puntuak lortzeko asmoz bidaiatu zuten Pola de Sierora. [...]

Gure taldea Escuelas Ciudad de Guadalajara FS-ren aurka neurtu zen atzo Ibarran. Azken bi jardunaldiak kanpoan jokatu ondoren, Belabietan lehiatzeko gogo bizia zegoen; batez ere, denboraldia hasi genuenetik etxean inork ezin izan dituelako gipuzkoarrak garaitu. Iñigo, Dani, Boli, Antxon eta Jorge izan ziren hasierako bostekoa. Arratsaldeko lehen ekintza arriskutsua Boliren eskutik etorri zen, gauzatu ezin izan zuen kontraeraso batekin. Guadalajara ere bi jokalditan hurbildu zen, Jorgeren arean arriskua sortuz. Horrela, defentsak hasi ziren bereziki nagusitzen eta kosta egiten zen gol aukerak sortzea. Baina, orduantxe, norgehiagokaren lehen 7 minutuak igarota, Antxonek aldaratutako baloia jaso zuen, Juaristiren jaurtiketa indartsu baten ondoren. [...]

Larunbat honetan gure taldea Belabietara itzuliko da eta Escuelas de Ciudad Guadalajara-ren aurka jokatuko du arratsaldeko 18:30etan. Guadalajarakoek plantilla oso landua dute eta, estrategia egitura onarekin, bigarren fase oso ona egiten ari da. Izan ere, Koparako borrokarako taldean sartu da azken jardunaldietan eta maila jaitsierak suposatzen duen arriskua eta presioa kendu du. Horren aurrean, ibartarrek ikuspuntu positibotik egin beharko diote aurre partidari; berriro irabazteko eta Ibarran menderaezintasuna mantentzeko, bigarren fase hau zapore onarekin ixteko helburua betez. Azken partidetako sentsazioak ez dira onak eta taldeak ez du merezi denboraldia horrela bukatzea. Gainera, garaipen batek igoera Play Off-a jokatzeko eskubidea ematen [...]

Larunbat honetan, arratsaldeko 16:00etan, etxetik kanpo jokatuko du Lauburu Ibarra Mahalak Siero E.F.S talde asturiarraren aurka. Partida apirilaren 17an jokatu behar zen (bigarren itzuliko lehen jardunaldia), baina bertan behera utzi behar izan zuten, ibartarren artean egon ziren COVID-19 positiboengatik. Asturiarrak ondo ari dira lehiatzen Aurkaria sailkapeneko azken postuan dago gaur egun. Horren harira, Arevalok adierazi du bigarren fasean puntu bakarra lortu duten arren, partidetan “oso ondo lehiatzen" jakin izan dutela. Gainera, Elorrietakoren aurkako partidan 2 eta 6-ko emaitza batekin galtzen joan arren, markagailuari buelta eman eta berdinketarekin amaitzea lortu zuten. Hori, gure entrenatzailearen ustetan, “garaipen bat bezala” sentitu zuten [...]

19 partida jarraian irabazi ondoren, Lauburu Ibarra Mahalak denboraldiko lehen porrota jaso du La Esperanza Rangers talde asturiarraren aurka (6-3) Partida ona izan zen ibartarrentzat eta itxura ona utzi zuten Asturiasen. Dena den, ez ziren fin ibili azken metroetan eta, 49 segundoren faltan, markagailuan 3-3-ko emaitza mantendu arren, penalti bikoitz zorrotz batek eta 5x4ko jokoan egindako bi akatsek, denboraldiko lehen porrota ezagutzera eraman zituen. Baloiaren jabetzarekin hasi zen partida talde morearentzat. Etxekoek pista erdiko zein hiru laurdenetako defentsa aldaketak egin zituzten, baloia lapurtzeko asmoz, kontraerasoan azkar atera ahal izateko. Moreak, ohiko joko posizionalarekin, haiek erabilitako defentsa gainditzen saiatzen ziren, [...]

Gure taldeak Zaragozara bidaiatu zuen atzo. Bertan, Pinseque A.D taldearen aurka lehiatu behar zuen, bigarren faseko bosgarren jardunaldiri dagokion partidan. Baja garrantzitsuak eta nabariak izan arren, espedizioa garaipen gosez irten zen. Ibartarrak bigarren postu ilusionagarri bat lortzeko borrokan ari dira gaur egun. Zaila bada ere, lortuz gero, euren helburuak gainditu eta denboraldi gogor hau borobilduko lukete.  Endika, Andoni, Juaristi, Raid eta Antxon izan ziren hasierako bostekoa. Jokoa oso aukera onarekin hasi zen ibartarrentzat, Raidek bigarren zutoinetik baloia jaurtitzen zuelarik Andoniren zerbitzura. Hala ere, baloiak ez zuen sartu nahi izan eta atezainak arratsaldeko lehenengoa saihestu zuen. Segundo gutxira, partidako 1:40 [...]