Areto futbol partida bikain bat ikusteko aukera izan genuen larunbatean Belabietan, zaleak sortzen dituen horietakoa. Bi taldeen arteko errespetua gailendu zen lehenbiziko zati hotz baten ostean, bigarrena gol-aukerak, golak, alternatibak, epaile-erabaki eztabaidagarriak eta infartuzko amaierak pilatu zituen denbora izan zen. Berdinketak ez zuen bi taldetako inor asetzea lortu. Bi planteamendu oso desberdinekin hasi zen norgehiagoka, bertakoak alturazko defentsa landuz San Juanen baloi irteera zailtzeko; eta iruindarrek berriz, baloia utzi eta defentsa pista erdian eginez, ibartarren akatsak bilatu eta kontrara atera nahian. Bietako inork ez zizkion besteari erraztasunik jartzen eta defentsak erasoen aurrean gailentzen ziren. Denbora-tarte honen ondoren, Javier Pulidok [...]

Ibarrak maila berean lehiatu zuen kategoriako liderraren kontra; Colo Colo F.S., Zaragozako taldea. Alfredo Hualderenak partiduan sartuta egon ziren denbora guztian, markagailuan ere aurreratu zirelarik. Eta maila mantendu zuten defentsa-akatsek markagailuan atzetik utzi zituzten arte. Moratuek kantxan jada bosteko jokoa zutela aprobetxatu zuten aragoiarrek errenta handitzeko, bertan ikusitakoa islatzen ez duen emaitzara iritsi arte. Erasoan bikain ibili zen Ibarrako taldea, arrisku egoerak sortzeari begira batez ere. Tokiko taldea ere ez zen atzean geratu, bi areatan jarraian sortutako ekintzekin partida ikusgarri bat biziaraziz. Atezainen arratsaldea izan zen. Azken minutuetan sorbaldako minez lesionatuta erretiratu zen arte, Zuhaitz bikain egon zen. Aurkako atezainak [...]