Talde-jokoa indartuz etxetik kanpora 0-4ko emaitza irmoa lortu zuen. Baldintza onenean egon gabe bidaiatu behar izan bazuen ere, taldeak denboraldiko partidarik osatuena egin zuen; defentsa neurtua eta erasoa ordenatua, azken segundora arte puntuak askatu nahi izan ez zituen aurkari zail baten aurrean. Denboraldiko bidaiarik luzeenak ez zituen oroitzapen onak eskaintzen, Torrelavegan galdu zituztelako denboraldiko lehenbiziko puntuak; honi, Bigarren B Nazionaleko baja kopuru handiaren eraginez, astean zehar izandako zailtasunak gehitu behar zitzaizkion, gainera. Lehenbiziko zatiko bigarren minutuan, urtean beste hainbat alditan bezala, markagailua irekitzea lortu zuten moratuek; oraingoan Josuk sartu zuen, landutako jokaldi batekin, eta gol hau primeran etorri zitzaien ibartarrei. [...]

Ibarrak porrota berri bat jasan zuen Castellóko Segorbe bisitatzera joanda. Ez zen beste porrota bat gehiago izan; talde honen ezaugarrietako bat partida bakoitza borrokatzea da, zorte txarrari aurre eginez mila bider. Zorte txarra, lesio mordoagatik, baina hala eta guztiz ere, markagailuan bi aldiz aurreratzea lortu zuen talde gazte honek, kategoriako aurkaririk onenetako baten aurrean. Alabaina, beste behin ere, zorteak ez die ibartarrei lagundu, inoiz amore ematen ez duen taldeari entzungor egin zion. Deialdia osatzeko arazo handiak izan ziren; Aitzol, gure kapitaina ere, bere kideen laguntzaile moduan joan zen (bloke moratuan norainoko konpromisoa dagoen erakusten du). Egoera horrela, Lauburuk jokatu behar [...]

Oraingoan LAUBURU K.E. IBARRA MAHALA Kantabriara joango da Marrock C.D. taldearen aurka neurtzera, sailkapeneko laugarrena, hain zuzen. Partida gaur, larunbatean jokatuko da, 16:30ean Torrelavegan. Ordutegi hau dela eta, taldeak goizean abiatu beharko du Torrelavega inguruan bazkaldu eta neurketara ahalik eta baldintza onenen iristeko. Beraz, autobusa goizeko 10:30ean aterako da Belabieta kiroldegitik. Taldeak garaipen boladarekin jarraitzen du, baina seriotasun handiarekin jokatu beharko du oso erraz jarriko ez dion aurkari gogor honen aurka jokatzerakoan. Lehenbiziko itzulian, jada, ibartarrak Kantabriako kantxan utzi behar izan zituzten hiru puntuak eta itzulerako partidan berriz, lan asko egin ondoren geratu zien puntuak Belabietan. Lehenengo taldearen egoerak ere, [...]

Partida zaila izango da Lauburuk larunbatean Segorbeko Udal Pabilioian jokatu beharko duena, arratsaldeko 5:15ean. Gure jokalariengan eraginik ez izatea espero dugun bidai luzeari zailtasun bat gehiago gehitzen zaio: Santurtziren aurka egindako norgehiagokan hiru puntuak eramaterik lortu ez, baina etxean puntu horiek eskuratzeko ohituera duen talde baten aurka jokatzea. Gainera, harmailetan biltzen diren jarraitzaile ugariren babesa izaten du talde honek. Segorbekoek, egun, taulako bosgarren postuan daude, baina atzetik Debabarrena Concepto Egile eta Sala Quinto ditu, puntu bakar baten aldearekin. Azken finean, tartean kategoria handiagoko taldeetan jokatu duten hainbat jokalari ditu eta ongi landutako taldea da. Ibartarrak, pasa den larunbatean Zierbena boteretsuaren [...]

Zierbenak gauzak asko zaildu zizkien ibartarrei Larunbatean Zierbenako Udal kiroldegian jokatu zen partida, Jubenilen Ohorezko Mailakoa ez baina aurreko mailakoa zirudien. Bi eskuadrek egindako deialdietan pistara aurkeztu zituzten jokalari asko kadete mailako edota lehenbiziko urteko jubenil mailakoak ziren; adinen arteko aldea, kategoria batetik bestera nabarmenak dira, bai alde fisikoan eta baita tekniko-taktikoan ere. Ez luke hala izan behar, bigarrengoari dagokionez behintzat, baina orokorrean, jokalariak berandu iristen dira  gure kirol honetara eta honek Jubenilen Ohorezko Mailara iristeko formazio prozesu logiko osoa pasa gabe jokatzen bukatzea eragiten du eta ohikoa izaten da, kategoria honetan estatu mailako beste taldetan etapa honen azken bi [...]

Kirolean, batzuetan, markagailuak erakusten duena eta bertan bizitakoa ez dira bat etortzen, talde bati edo besteari meritua kentzeagatik ez, honek ez duelako esfortzuaz, emozioez edota zailtasunean indartsu egiteaz ulertzen, baizik. Horrexegatik, atzoko partidaren emaitza bidegabea izan zela esatea ausartu gabe, ziurtatu genezake, porrota jasan arren, berezko merituekin eta arma guztiekin borrokatu ondoren helmugatik gertu geratu izanaren sentsazio gozo eta lasaigarria geratu zela Belabietan. 40 minutuz ikusitakoari jarraiki, partida bizi eta erakargarria izan zen. Neurketaren hasieran, Lauburuk, bost baja izan arren, Zierbenari presio altua eragin zion, bizkaitarren jokoa eragotziz. Hasierako minutu horietan, Jonathanen atean arrisku handia sortu ez bazuten ere, Ibarrak [...]

Asteburu honetan LAUBURU K.E. IBARRA MAHALAk Zierbena C.D.F. bisitatuko du, sailkapeneko hondarrean dagoena. Partida gaur, larunbata, izango da Zierbenako udal kiroldegian 17:30ean. Pasa den jardunaldian erraz irabazi ostean, taldeak hazte prozesuarekin jarraitu beharko du partida hauetan, zeinak, hasiera batean errazak ematen badute ere, kantxan zaildu daitezke kontzentrazioarekin eta disziplinarekin lehiatzen ez bada. Une hauetan taldea ongi ari da entrenatzen eta jokalari guztien partehartzea garrantzitsua izaten ari da neurketa guztietan, Juanan Rodriguez entrenatzaileak burutzen dituen errotazioei esker. Larunbat honetako neurketarako, taldeak hainbat kadeterekin kontatu beharko du, lehenbiziko taldea, lesioak direla eta, egoera larrian dagoenez, Jubenilen Ohorezko Mailako zutabe diren batzuk eramango [...]

Lauburuk larunbatean jokatuko duen partida ez da nolanahikoa izango. Belabietan izango da, 18:00etan, Zierbena F.S. taldearen aurka. Zierbenak 36 punturekin, sailkapeneko bigarren postua betetzen du eta Colo Colo eta Pinseque taldeekin ligako txapelduna izateko lehian dago. Lau jardunaldi daramatza irabazi gabe eta ibartarrak bolada txar honetaz baliatu beharko lukete garaipena etxean lotuta uzteko. Pasa den asteburuan Tafatrans Vulcanizados Ruiz Navarro taldearen aurka nola galdu genuen ikusita, lehia gogorra izango da. Zierbenak txapelketako lantalderik onena dauka, zalantzarik gabe, postu guztietan oso orekatua eta aulkian sakontasun handia. Zenbakiek garbi erakusten dute: 11 garaipen, 3 berdinketa eta 3 porrota besterik ez. Izugarria. Ibarrak, [...]

Gora Bilbao borrokalarien aurrean garaipen berri bat 7-4 Jubenilen Ohorezko Mailak hirutik hiru gehitu zuen berriro, aurreko jardunaldiko jokoa partidaren fase askotan hobetuz. Gora Bilbao Redblue exijentzia handiko erronka izaten da beti ibartarrentzat, gehienbat defentsan jartzen duten intentsitatearengatik eta amaierako bozina entzun arte erakusten duten borrokarako grinagatik. Partida ongi hasi zen, markagailuan segituan islatu zen nagusitasun sentsazioa Arra eta Gurruk lehenbiziko hiru minutuetan egindako gol banarekin. Ibartarrak erritmo bizia ezartzen saiatu ziren partidari; aulkitik errotazioa arinduz, pistan jokatzen duten hamar jokalariek era dinamikoan parte hartzen zutelarik, ordena mantenduz bai defentsan baita erasoan ere, nahiz eta askotariko aldaketak egin. Bosgarren minutuan [...]

Porrota mingarria izan da Tafallan, irensteko zaila. Taldeak partidaren bigarren zatian jada lortua zuen errenta preziatua ezerezean geratu zen, egindako akats propio batzuek medio. Neurketa hau erronka zail eta konplexua zen bi taldeentzat. Biak puntuak batuta eta sailkapeneko liderrak diren hiru taldeekin lehiatuta zetozen partida honetara. Mikel Diestroren mutilak, azken jardunaldian Pinsequeren aurka lortutako garaipen bikaina emaitza on batekin berretsi nahian atera ziren kantxara. Nafarrak bere aldetik, sailkapenean eskalatzen jarraitzeko asmoarekin eta azken partida guztietan puntuak irabaztera eraman dituen dinamika baikorra berretsi nahian. Harmailak jendez lepo eta publiko animatu baten aurrean jokatu zuten. Bi taldeak, bakoitzak bere defentsak inposatu nahian [...]