Lauburuk sailkapeneko azkenekoaren etxean 4-6 irabazi zuen, azken minutuak arte erabaki gabe egon zen partidu batean. Norgehiagoka ibartarrentzat zoritxarreko jokaldi batekin hasi zen, Arrosek partida uztea behartu zuen kolpe bat jaso zuen iskioan lehen minutuan. Mikelen jada lantalde lermatua oso ukituta utzi zuen beste ezbehar bat. Eta hau gutxi ez, eta Lauburuk lehenengo gola jasan behar izan zuen hirugarren minutuan. Partidua okerreko zentzuan hasi zen hasiera-hasieratik. Hala ere, bisitarien erreakzioa aguro etorri zen, bosgarren minutuan Garmenek jokaldi estrategiko bat amaituz banakoa egin baitzuen. Zortzigarren minutuan berriz, piparreroek bi tanto gehiago egin zituzten, lehenengoa Aitzolek eta bestea Loitzunek, 1-3koa eginaz. Atsedenaldirako [...]

Iñauterietako larunbatean Mahala Lauburuk Gora Bilbao jasoko du Belabietan. Partidua arratsaldeko 17:00etan izango da. Txubelen taldeak norgehiagoka honetan baja ugari izango ditu, Andoni eta Agus Zaragozara joango dira lehenengo taldearekin, Tobi abduktoretik lesionatuta dago eta Unai Infante ere, bere lesiotik osatzen baina bajan, hala ere. Beste guztiak prest egongo dira entrenatzaile ibartarrarentzat, Aierbe eta Gurrutxaga kadeteak ere bertan izango direlarik. Joaneko partiduan piparreroek bizkaitarrei 0-3 irabazi zieten, Mahalak menperatuta eduki zuen partida lehiakor batean. Gora Bilbao oso talde borrokalari eta lehiakorra da baina partiduek erraz ihes egiten die eta arazo honengatik sailkapeneko azken-aurreko postuan kokatuta daude, Castro-Urdialesekin batera. Liga guztian [...]

Ibartarrak Zaragozara joango dira larunbatean, hamazortzigarren jardunaldia, Sala Cadrete 2010 taldearen aurka jokatzera. Partida, Siglo XXI pabilioian izango da, 18:00etatik aurrera. Piparreroek beren hirugarren garaipena jarraian lortu nahi dute, taulako azkeneko postukoen kontura. Debabarrenari kanpoan eta Xotari etxean irabazi ondoren, ibartarrak norabidea zuzentzeko aukera izan dute eta Bigarren B Mailako lehenengo postuei begira jarri dira berriro. Jokalarien lesioak direla eta arazoa luzatu bazaie ere, Mikelen taldea kanpaina bikaina egiten ari da eta sailkapen taulan seigarren postuan egotea horren isla da. 26 puntu dituzte eta Debabarrena Egile taldearekin, zazpigarrena sailkapenean, bost puntuko aldea dute gainera. Gainetik Ebrosala dago, 33 punturekin; hirugarren [...]

Denboraldiko titulua eskuratzeko talde faboritoenetako baten aurka garaipen garrantzitsua, Txubelen mutilak Tuteran lortutakoa. Infante, Andoni, Shane eta Tobiren hutsuneak medio, piparreroek pistako zortzi jokalarirekin partida gogor bat jokatu behar izan zuten eta bakoitzaren esfortzuari esker, 3-6 irabaztea lortu zuten. Partida nafarren presiopean hasi zen, lehen minutu zail batzuen ondoren, Txubelen mutilak askatuz joan ziren eta norgehiagokan nagusitzen hasi. Zortzigarren minutuan Urkok, bakarkako jokaldi bikain batekin aurrean jarritako guztiak driblatuz, 0-1ekoa egin zuen. Hamaikagarren minutuan, Josu Condek, ezker bandatik eta ongi bideratutako beste bakarkako jokaldi baten bidez 0-2koa ezarri zuen markagailuan. Riberak ez zuen hau espero eta intentsitatea igoaz, Peñaren atera [...]

Mikelen mutilek 5-1eko emaitzarekin garaitu zuten Gurpea Xota, hasiera-hasieratik aldeko jarri zen partida batean. Partida ibartarrentzat ezin hobe hasi zen, lehenengo jokaldian Arrosek, area barruan aldaratze batzuen ostean 1-0ekoa egin baitzuen. 14 segundu, partida hasi zenetik. Hasiera bikain horren ostean, piparreroak menperatzen hasi ziren. Xota, ahal zuen moduan babesten saiatzen zen baina etxekoek gol-aukerak sortzen zituzten behin eta berriro, eta hala, bosgarren minutuan Xabiren jokaldi eder baten ondoren, Ioritzek 2-0ekoa egin zuen. Ondorengo minutuetan etxekoak menperatzen jarraitu zuten, baina gol-aukerak izan bazituzten ere, ez zuten asmatu azken momentuetan eta atsedenaldira 2-0eko emaitzarekin joan behar izan zuten. Bigarren zatian nafarrak biziago [...]

Aste honetan, Txubelek zuzendutako taldea Nafarrora joango da Ligako hamaikagarren jardunaldia jokatzera. Arratsaldeko 16:00etan Aspil Vidal Riberaren aurka jokatu beharko du Tuterako Udal Kiroldegian. Ibartarrek, orain urtebete eskas, ligako txapelketa irabazi zuteneko azken jardunaldia jokatu zuten bertan, eta taldean aldaketa ugari izan dituzte geroztik. Balentria hura lortu zutenetik, Peña, Pagola, Andoni eta Tobi geratzen dira. Oroitzapen politarekin zapalduko dute berriro Tuterako kantxa. Belabietan Castro-Urdiales taldeari irabazi ondoren ibartarrak gogotsu eta moralki indartsu daude. Bigarren B Mailako taldean lesio-bajak direla eta, nahikoa lermatua dagoenez, jokalari batzuk hutsune horiek bete beharko dituzte eta ondorioz, Tuterara joango den lantaldea oraindik ere zehaztu gabe [...]

Urtarrileko azken larunbat honetan, Lauburu K.E. Ibarrak urteko lehenengo partidua jokatuko du Belabietan arratsaldeko 18:00etan eta aurkaria Gurpea Xota F.S.C.D. taldea izango da. Mikelen mutilak, Elgoibarren Debabarrenari irabazi ondoren, moralki indartsu hartuko dute txapelketaren hamazazpigarren jardunaldi hau. Bigarren B Mailara igoz geroztik, Debabarrenari irabazitako lehenengo partidua izan zen aurrekoa, eta urrezko hiru puntuak eskuratuta, sailkapen taulan ere gailendu egin zaizkie, 26 punturekin seigarren postuan kokatu direlarik. Ea garaipen honek indar pixka bat ematen dion, izan ere, azken partiduetako bajak direla eta mermatu xamar baitago taldea. Unai eta David osatzeko bidean dira baina Xota B-ren aurka egin beharreko partidurako, oraindik ere, [...]

Sekulako partidua jokatu zuten Txubelen mutilek bigarren itzuliko lehenengo jardunaldian. Kantabriatik etorritako Castro-Urdiales jaso zuten Belabietan eta hiru puntuak etxerako gorde zituzten 6-0eko emaitza eroso bat egin ondoren. Ibartarrak partiduan murgilduta atera ziren, gol-aukera garbiak sortu zituzten hasiera-hasieratik eta Castroren defentsa segurtasun handirik gabe ikusten zen. Hala ere, bisitarien atezainak gol-jokaldi garbiak ekidin zituen. Zortzigarren minutuan etxekoek markagailua estreinatu zuten, Agusek, bakarkako jokaldi batean, areaz kanpo egindako jaurtiketa bortitz batekin 1-0ekoa jarri zuen. Hamalaugarren minutuan berriz, Jokinek Castroko jokalari bati baloia ostu eta sarera bota zuen 2-0ekoa eginez. Lehenengo zatian ibartarrak menperatu zuten partidua eta minutu bakarra falta zenean, berriro [...]

Ibartarrak 1-2 irabazi zuten Debabarrena Concepto Egile taldearen aurka, bukaera arte nahikoa sufritu behar izan zuten partidu bizi batean. Talka, bi taldeen eraso zehatzik gabe hasi zen, bai batak eta baita besteak ere, jokaldi luzeak sortzen zituzten baina defentsak gailentzen ziren, eta gol-aukerak, defentsan berreskuratutakoarekin sortutako trantsizio arriskutsuekin iristen ziren. Bosgarren minutuan etxekoek gola sartu zuten, Trevik eskubiko bandan baloia jaso eta gurutzatutako jaurtiketa bikain baten bidez 1-0 egitea lortu zuen. Ordura arteko bi taldeen jokua ez zen batere ona izan, baina derbia izateak sortzen duen lehiak eta jokuan zeuden hiru puntuen garrantziak partidua tentsioz eta emozioz bete zuen, hala, [...]

Larunbatean Jubenilek Castro-Urdiales hartuko dute Ibarrako Belabieta kiroldegian 19:30etan. Kantabriako taldea oso ezaguna da ibartarrentzat, urte asko baitaramatzate nazio mailako kategorietan elkarrekin lehian. Castro-Urdiales taldea izan da, piparreroei irabazi dion bakarra txapelketako lehenengo itzuli honetan. Partidua Kantabrian jokatu zen eta Txubelen mutilak egindako partidua nahikoa arraroa izan zen; lehenengo zatian kantabriarrak askoz partidu hobea jokatu zuten eta erraz menderatu zituzten ibartarrak. Bigarren zatian, berriz, ibartarrak oso partidu ona jokatu zuten baina suspertu zirenerako beranduegi zen. Txubelek lantalde osoa du oraingoan, Asier Aierbe kadetea eta guzti. Aurreko jardunaldian Laskorain K.E. taldeari 6-2 irabazi ondoren (hasierako 0-2ko emaitza gainditzea lortu eta oso [...]