Ibartarrak ligako gaur egungo txapeldunaren kantxan 3-5 irabazi zuten partida paregabea egin ondoren. Diestroren mutilak bigarren zati bikain batekin hiru puntuak bereganatu zituzten Colo Coloren etxean. Lehenengo 50 segunduetarako markagailua ibartarren alde ipini zen, Unaik baloia eskuratu eta behetik aurkariaren sareeraino indartsu jaurti zuenean. II. multzo honetako jokalekurik zailenetako bat izateko, hasiera ezin hobea. Hala ere, bertakoak aurreratzea lortzen zuten piparreroei presioa handia sartuz, eta 3. minutuan Muniesak berdinketa lortu zuen bisitariek inozoki galdutako baloi bat eskuratu zuenean. Partida berdinketan zegoen eta bisitariak estu hartuta, Josebaren atera arrisku handiarekin iristen zen bertako taldea eta 5. minutuan Colok aurretik jartzea lortu [...]

Ligako txapelketa amaitu zela hilabete batzuk igaro ondoren, Lauburu K.E. Ibarra – Mahala, nazional mailako jubenilen taldeak, 2015-2016 denboraldia hasi du, talde barruan hainbat aldaketa egin dituztelarik. Egutegi gogorra egokitu zaien denboraldi hasiera honetan, gainera, ligako txapela eskuetan izateak aurkariak partiduetara garaipena dastatzeko irrikaz ateratzea eragingo du. Larunbatean Castro-Urdialesera doaz 16:00etatik aurrera lehenengo jardunaldia jokatzera. Denboraldi honetan etorri berriak dira: Urtzi, Azkoitiko Plaza Berritik datorrena, Shane Zarauztik, Agus Laskoraindik, Gago, Arranz eta Conde Hirukidetik, eta Odri eta Infante berriz, futbol 11tik. Kadete mailatik ere, hiru jokalari gehitu zaizkie entrenamenduak egiteko. Aurreko kanpainatik, Peña, Pagola, Andoni eta Tobi dira Txubelen aginduetara [...]

Aitzol: “Horrelako partiduetan ikusten da lantaldearen maila” Lauburu K.E. Ibarra Zaragozara doa larunbatean, egungo ligako txapelduna den Colo Colo Confort-en kantxara. Aurrez-aurrekoa La Granja kiroldegian izango da 16:20tik aurrera. Aragoiko taldeak erasorako potentzial handia du eta baloia gidatzen dakite. Alfonso Rodriguezek gidatutako mutilak ligako gaur egungo txapeldunak dira. Aitzol Oyarbide, Lauburuko kapitanetako batek, aurkariari buruzko analisi zehatza egiten du: “Talde sendo eta langilea. Kalitate handiko gizonak ditu eta arrisku handia sortzen duena ezer gutxirekin. Emaitza ikusgarriak lortzen ari da sailkapenean erdialdean dauden taldeen aurka eta adi egon beharko gara. Aldiz, liga irabazteko dauden taldeen artean jokatutako partidetan ez du irabaztea [...]

Lauburu K.E. Ibarrak 7-1 irabazi zion Villa de Murillori. Mikelen mutilak ez zuten barkatu eta emaitza jada erabakita utzi zuten bigarren zatian. Etxekoen nagusitasuna hasieratik nabarmendu zen. Bigarren minutuan 1-0ekoa etorri zen Unairen eskutik, baloia eskubiko bandan jaso eta gurutzatutako jaurtiketa baten bidez sareetara bota zuenean. Golaren ondoren piparreroen nagusitasunak agintzen jarraitzen zuen baina aurkariek hainbat jokaldi arriskutsu egin zituzten, trantsizio azkar batzuk medio etxekoei baloiak galduaraziz, 9. minutuan 1-1 berdintasuna iritsi zelarik. Ibartarrek ez zuten berdintasuna merezi eta gogor saiatu ziren aurkariaren sarera iristen. Eta baita lortu ere, atsedenaldirako 5 minutu falta zirela, Cristianek bigarren gola sartu zuen aurrez [...]

Hiru porrot eta garaipen bakarrarekin hasitako denboraldi kaskarraren ondoren, datorren larunbatean II. multzoan azken postuan dagoen Villa de Murillo taldea hartuko du Lauburuk Ibarran 18:00etatik aurrera Belabieta kiroldegian. Ibartarrei, Mikel Diestro entrenatzaile berriak egindako aldaketak barneratzea kostatzen ari zaie. Momentuz emaitzarik ez dago baina piparreroek partiduz partidu jokuan hobetu dutela oso nabarmen ikusten da, eta horrela dio Unai Labaka kapitainak: “Lau jardunaldiren ondoren, taldea pixkanaka eboluzionatzen doala ikusten dut. Nire ustez partiduz partidu hobetzen goaz jokuan eta ziur naiz emaitzak laster iritsiko direla. Taldeak aurrera begiratu eta egoera hau goitik behera aldatzeko nahia du. Aste honetan igo berria den Villa [...]

Lauburuk denboraldiko hirugarren porrota jasan zuen Santurtzin 4-3 egin ondoren. Zigor handiegia Mikel Diestroren mutilentzat Bizkaian. Kirola horrelakoa da eta askotan lan ona egitea ez da nahikoa izaten, xehetasun txikienak ere garrantzitsuak izaten dira eta kasu honetan zortea bizkaitarren aulkira mugitu zen azken minutuetan. Indartsu hasi ziren ibartarrak, jokoa menperatzen. Seguruenik, egin zituzten partiduko minuturik onenak izan ziren. Horrela, bigarren minutuan, Andoniren asistentziarekin Unaik sarera bidali zuen baloia. Kendutako baloiekin egindako trantsizioek abantaila handitzeko aukera ugari eskeini zuten baina azken metroetako argitasun ezak markagailua mugitzea eragotzi zuen. Piparreroek faltak pilatzen zituzten heinean, etxekoek pixkanaka partiduan sartuz joan ziren eta penalti [...]

Santurtzi F.S. taldearen aurka jokatuko dute Mikel Diestroren mutilek datorren larunbatean, Bizkaian egokitu zaie denboraldiko laugarren jardunaldiko partidua jokatzea, 18:30etik aurrera. Lehenengo bi jardunaldietako porroten ondoren, garaipena hirugarrengoan iritsi zitzaien ibartarrei. Laubururen entrenatzailearen aburuz: “Lehenengo garaipena beti izaten da oso garrantzitsua, konfidantza berreskuratu eta porrotek sortzen duten antsietatea ekiditen du. Taldeak lanean jarraitzen du eta aste honetan, Santurtziren aurkako partidua prestatzeko lantalde osoa prest dugu berriro.” Santurtzi F.S. taldeak uda honetan lantaldean aldaketa ugari jasan ditu. Izan dituen bajak, alde batetik, Aritz eta Victor lan-arazoengatik, eta beste aldetik, José Zierbenara, Kimetz eta Iker Debabarrenara eta Valen Gernikara joan direlako. Fitxatu [...]

Larunbatean Mikel Diestroren mutilek erraz lortu zuten garaipena Belabietan. Atsedenaldia 1-0rekin etorri bazen ere, bigarren zatian Sala Cadreteri ez zioten tarterik utzi eta 7-1 amaitu zen partida. Partiduan, hasiera-hasieratik, piparreroen nagusitasuna begi bistakoa zen, parean, mailaz igo berria den eta ibartarren erasoei eutsi ezinik egon zen Sala Cadrete 2010 izan zuen. Etxekoentzat aukerak handitzen hasi ziren baina azken metroetako akatsek, 12. minutura arte markagailua geldirik eduki zuten. Orduan iritsi zen 1-0ekoa, kantxa erditik baloia berreskuratu, Arrosek Ioritzeri bandara bidali eta gurutzatutako jaurtiketa baten bidez lortutako gola. Hurrengo minutuetan partida modu beretsuan joan zen, ibartarrentzat aukera garbiekin eta defentsan ere erraz [...]

Datorren larunbatean Belabietan izango da berriro Laburu, arratsaldeko 18:00etatik aurrera eta aurkaria Zaragozako Sala Cadrete 2010 izango da. Denboraldia bi porrotekin hasita ibartarrak ez dira eroso aurkitzen. Jon Garmendiak “Garmen”, piparreroen egoeraz hitz egin du: “taldea minduta dago jasandako porrotekin. Ez dugu nahikoa egin bi jardunaldiotan eta egindako akatsak, gehienak ekidin zitezkeenak, gure aurkako golekin ordaindu behar izan ditugu, puntuak galduz. Pasa den larunbatean lehenengo zatia eskasa egin genuen baina zer edo zer lortzeko aukerak izan genituen. Erakutsi duguna baina joku gehiago eman dezakegu, eta horretarako astean zehar gogor entrenatu behar dugu, akatsak zuzendu eta hurrengo partida ongi prestatu. Larunbatean [...]

Ibartarrek 5-4 galdu zuten Gurpea Xotaren aurka. Lehenengo zatia nahiko txarra izan ondoren, bigarrengoan iritsi zen oldarraldia baina ez zen nahikoa izan ongi antolatutako Xota B garaitzeko. Norgehiagokaren hasieran Mikelen jokalariak ez zuten asmatzen ez defentsan ezta erasoan ere. Bertakoak maila handiagoa erakusten zuten eta aukera guztiak ere beraientzat ziren. Horrela, Andonik lehenengo gola sartu zuen partiduaren 3. minutuan. 1-0 eta partiduak berdin jarraintzen zuen, Lauburu berdinketaren bila zebilen baina Xotakoek aukera garbiagoak izaten jarraitzen zuten. Minutuak aurrera eta markagailua lehengoan, 15. minutuan Txipik maisu-laneko jokaldi baten ondoren berdinketa lortu zuen arte. Hala ere, pozak ez zien denbora luzez iraungo [...]