Lauburu Ibarra Mahalako Jubenilen Ohorezko Mailak irailaren 1ean hasiko du aurredenboraldia. Egutegia osatu ostean, 12 talde dira multzoan egongo direnak: kantabriako hiru, errioxako beste bi, bi bizkaitar, bi asturiar nafar bat eta bi gipuzkoar (Lauburu Ibarra Mahala eta Eskoriatza). Liga urriaren 7an hasiko da eta Aitor Arevalok gidatutako taldeak lehenbiziko jardunaldian Irurtzungo Xota taldea jasoko du Belabietan. Ligako lehenbiziko partidarako prestatzeko sei aste izango ditu taldeak eta denbora horretan entrenamenduez aparte lagunarteko batzuk ere jokatuko ditu, lehenengo partida horretara ahalik eta baldintza onenetan iristeko. Egutegia ezagutu ostean entrenatzaileak zozketaren balorazioa egin zuen: abenduaren 9 arte txapelketa ez da gelditzen guretzat [...]

Bigarren B Mailako 2. multzoaren ligako egutegia atera da jada. Bertan jokatuko du gure lehenengo taldeak eta azkenean 16 taldek osatuko dute aipatu multzoa: Aragoi, Nafarroa, Gaztela Leon, Gaztela Mantxa, Valentzia, Kantabria, Errioxa eta Euskadi. Lehenbiziko jardunaldia irailaren 9an izango da, ohi baino goizago aurten, eta Ibarran jokatuko dugu Quinto de Ebroko Sala Quinto taldearekin aurrez aurre. Etxetik kanporako bidea bigarren jardunaldia jokatzeko egingo dugu lehenbiziko aldiz eta denboraldiko bidai luzeena izango da gainera, Castellóra joan beharko baitugu Segorberi bisita egitera. Denboraldi hasiera goiztiar honetaz aparte, Gabonetan burutuko dugun hiru astetako atsedena eta martxotik maiatza bitartean jokatu gabe egingo ditugun [...]

Denboraldi honetan lortu dituzten emaitzak bikainak izanda, Lauburu K.E. Ibarrak bikote nafarrarekin kontatzen jarraituko du beste behin. Andoni Carlosena eta Javi Saldise Alfredo Hualderen agindupean egongo dira 2017/18 denboraldian zehar. Bai klubak eta baita jokalariek ere, interes handia adierazi dute bien arteko lotura luzatzeko garaian, gutxienez, beste denboraldi batez. Gure aldetik, izugarri pozten gaitu luzapen honek, biek, kirolari gisa erakutsitako kalitateaz gain, konpromiso itzela eta jarrera bikaina ere izan baitute denboraldi guztian zehar. Gure gazteen eredu izatea nahiko genuke, haiei begiratuz ikastea. Laster hasiko den denboraldi berrian ziur gaude Javik eta Andonik ibartar parrokian poztasun handiak eskainiko dituztela. GOAZEN LAUBURU [...]

Lauburu K.E. Ibarrak 17/18ko denboraldi zirraragarri honen aurrean, bere lantaldearen osaketa egiten jarraitzen du. Aurten, bertako gazte beterano guztiek Alfredo Hualderen agindupean egongo direnaren berri ona partekatzen dugu. Bai Andoni Agirrezabala, Agustin Garmendia eta baita Xabi Zuriarrain berak ere, beren hirugarren denboraldia beteko dute Ibarrako lantaldean. Xabi billabonatarra urtarrilean gehituko zaio lantaldeari, ordura arte Estokolmon izango baita ikasketak amaitzen. Beñat Aldalur eta Asier Aierbe berriz, moratuekin egingo duten bigarren denboraldia hasiko dute. Beñat tolosarra Mikel Diestroren aginduetara egon zen hasieratik aurreko denboraldian eta kategorian debutatu zuela kontuan hartuta lan bikaina egin zuen bertan. Asierri dagokionez, ibartarraren kalitateak eta heldutasunak eragindako [...]

Lauburu K.E. Ibarrak, lantaldeko jokalari beteranoenei berrituta, bere bizkar hezurreko zatirik handienaren jarraipena ziurtatu du. Honela, Aitzol, Garmen eta Joseba moratuaz jantziko dira berriro datorren denboraldian. Ibartarren kapitainaren kasuan, 17-18ko denboraldia Ibarrako lehenengo taldean egiten duen hirugarrena jarraian izango da, klubarekin guztira, zortzi denboraldi pilatu dituelarik. Aitzolek jarraituko du erreferente nagusia izaten Alfredo Hualdek gidatutakoentzat, kantxaren barruko erregulartasuna kanpoko lidergo eta karismarekin uztartuz. Garmenek berriz, iritsi berria balitz bezalako ilusioarekin hasiko du denboraldia, izan ere, jokalari nekaezin honek aurreko denboraldiaren gehiengoa galdu behar izan zuen soleon izandako ustekabeko lesio batengatik. Josebak kontu gehiago eskatzen digu, gaur egun, atezaina bajan baitago [...]

Irailaren lehenbiziko hamabostaldian ezohiko batzarra burutuko du klubak, datozen lau urtetarako bertako zuzendaritza batzorde berria aukeratzeko asmoz. Lehenengo taldea hirugarren mailan ligako txapelduna bi aldiz jarraian izan ondoren, 13-14 denboraldian 2B kategoriara igo zenean hasitako zikloa ixten dugu. Ustekabeko progresioa lau urtetan, zuzendaritzako bederatzi lagunez osatutako lan-talde hura oinez hasi zenean, egitura guztietan konpentsatuta egongo zen eta aurreko etapetan klubaren erreferentzia historiko gisa oinarriari mimoz begiratuko zion proiektu bati forma ematea zuen helburu. Imajina ezinezko lau urte hauetan, egiturari dagokionez, kluba era orekatuan hazi da, teknikoak, administrazioko pertsonala, instalakuntzak, materialak, instituzio-kudeaketa, babesleak,… edozein kirol proiektua garatzeko ezinbesteko zutabeak dira, baina [...]

Datorren denboraldian Bigarren B Nazionala gidatzeko entrenatzailearen bila inguruko merkatu urria aztertzen ibili ondoren, Lauburu K.E. Ibarrak Alfredo Hualde nafarrarekin itxi du akordioa. Zorionez, lehenengo taldea gidatzeko egindako hautuak, honen eraginkortasunari begira baikorra izateko aukera ematen dio klubari, izan ere, lantaldearen ezagutza handia duen pertsona batek hartuko baitu kargua. Bi aldeak elkarrekin lan egiteko gogoa agerian utzi duten negoziazioen ostean, Alfredo Hualde izango da 2017-2018 denboraldian Ibarra gidatuko duena. Pasa den denboraldian kirol mailan zein maila pertsonalean Lauburun utzitako inpresio ikaragarriaz gain, taula asko ditu Alfredok bai jokalari bezala eta baita entrenatzaile moduan ere. Desagertutako Zillarrezko Mailan egindako hainbat denboraldi [...]

Pasa den larunbatean emakumezkoen Euskadiko Kopa jokatu zen Belabieta kiroldegian. Lauburu K.E. Ibarra emakumezkoen taldeak, ezin izan zuen garaipena lortu, Leioa Ibarako taldearentzat izan zelarik 2-3 estu bat egin ostean. Norgehiagoka 18:00etan hasi zen, kiroldegiko bero izugarriarekin. Harmailetan jokalarien gertuko jendea ikus zitekeen, senideak, lagunak eta lankideak. Egun horretan jokatu behar ez zuten jokalariak ere bai. Eta pistan, aurrez aurre, Leioa Ibarako eta Lauburu-Ibarra. Etxekoen nagusitasunarekin hasi zen partida, gauzatzen ez ziren aukerak sortuz. Alta, Leioako neskak izan ziren markagailuan aurreratu zirenak, korner batean etxeko jokalarien hutsegite bat aprobetxatu eta gero. Olatzen neskak ez zuten etsi eta jokoan nagusitzea lortu [...]

Euskadiko Txapelketa jokatuko dute Lauburu K.E-ko senior neskek larunbat honetan, arratsaldeko 18:00etan hasita, Ibarran. Leioa Ibarakide talde bizkaitarra izango dute aurkari. Denboraldia amaitu dutela dirudi. Futbolaz gutxi hitz egiten da aldalegetan. Opor usaina dago dagoeneko entrenamenduetan. Baina ez. Orain arte izan duten titulurik potoloena baitute oraindik jokoan, Euskadiko Txapelketa. Larunbat honetan izango da finala, etxean, Ibarrako Belabieta kiroldegian, arratsaldeko 18:00etan hasita. Azkenekoz maiatzaren 13an jokatu zuten futbol partida eta, orduan, Gipuzkoako txapeldun izendatu ziren. Ustekabean. Bila ibili gabe etorri zen txapela, garaikurra. Ibilian-ibilian. Futbola albo batera utzi zuten taldekide askok duela zortzi bat urte. Eta helburu bakar batekin heldu zieten [...]

2017-2018 denboraldian klubeko organigrama teknikoa osatzeari begira berri onak ditugu. Etxe hau ongi ezagutzen duen Aitor Arevalo billabonatarrak eramango du ohorezko jubenilen taldea datorren ikasturtean. Bi denboraldietan Lauburuko lehenengo taldea eraginkortasunez gidatu ostean atsedenaldi bat hartzea erabaki zuen Aitorrek. Denbora horretan, hala ere, ez da aulkietatik asko urrundu; Euskadiko Sub-16 selekzioa osatzeko ardura izan du, kategorian Espainiako txapelketan partehartze bikaina izan duelarik. Klubaren irudia maila nazionalean islatzen duen taldea gidatzeko Lauburuk egindako eskaintza onartu izanak asko pozten gaitu; datorren urteari begira, aurtengoan lortutako guztia berriro lortzean jarriko dugu begia. Helburu horietara iristeko, eskarmentu handiko entrenatzaile gazte honen aldeko apustua ziurra [...]