3 2020.02.03

TALDE MOREAREN GARAIPENA MIERESEN

2020-02-03T19:08:21+01:0003/02/2020|

Lauburu Ibarra Mahala taldeak 1-10 irabazi zion Racing de Mieresi Ligako hamalaugarren jardunaldian. Moreek partida serioa jokatu zuten Mieresen eta ez zioten aukerarik eman etxeko taldeari. Garaipen honen ondoren, ibartarrek hirugarren postuan jarraitzen dute 33 punturekin, (11 garaipen eta 3 porrota) eta liderrarengandik soilik 6 puntura kokatzen dira.  Partida kontzentrazio handiarekin hasi zuen talde moreak eta 3 minututan 4 goleko aldea lortu zuten markagailuan. Golak Oier Goikoetxeak (X2), Alvaro Alonsok eta Jokin Agirretxek sartu zituzten. Bi taldeen artean zegoen nagusitasuna nabarmena zen eta Ibarrakoek etengabe sortu zituzten aukerak Asturiasekoen atean. Horrela, 1 eta 8-ko emaitzarekin bukatu zen lehen zatia. [...]

30 2020.01.30

ERRONKA BERRIA ASTURIASEN

2020-01-30T17:03:51+01:0030/01/2020|

Aitor Arevaloren mutilek Asturiasera bidaiatuko dute aste honetan arratsaldeko 17:30ean Racing de Mieres taldearen aurka jokatzeko. Urtarrilean jokatutako lehen partidan Portus Amanus taldea mendean hartu ondoren, joan den astean Yesos Castañoren aurka jokatu zuten partida oso erronka garrantzitsua izan zen taldearentzat. Hala, partida ibartarren nagusitasunarekin hasi zen arren, zenbait akatsek eta atean asmatu ez izanak hiru puntuak etxean geratzea eragin zuten. Dena den, entrenatzaile ibartarrak partidaren amaieran azpimarratu nahi izan zuen bezala, norgehiagokak esperientzia eta ikasketa bezala balio izan zuen, baita etorkizunean hobetzeko ere. Aipatutakoa kontuan hartuta, aste honetan Asturiasko beste talde bat izango dute aurkari. Kasu honetan, Mieresko [...]

27 2020.01.27

PORROTA GOGORRA CORVERAN

2020-01-27T20:56:42+01:0027/01/2020|

Lauburu Ibarra Mahala taldeak 5-1 galdu zuen Yesos Castañoren aurka Ligako hamahirugarren jardunaldian. Aipatzekoa da azken metrotan oso ondo jokatzen duten jokalariez osatuta egoteaz gain, bertako taldeak eraginkortasun handia izan zuela erasoan.  Partida ibartarren nagusitasunarekin hasi eta lehen aukerak haiek sortu bazituzten ere, etxeko atezainak lan paregabea egin zuen. Egoera horren aurrean eta akats larriak zirela medio, Asturiaskoek 3 eta 0-ko emaitza jartzea lortu zuten; gol bakoitzaren artean oso denbora tarte gutxi egon zelarik. Gol horiek kolpe gogorra izan baziren ere, 4 minutu bakarrik pasa ziren partida hasi zeneteik eta, beraz, oraindik joko eta lan asko zegoen aurretik. Horrela, [...]

23 2020.01.23

GOGO HANDIZ ETA INOIZ BAINO INDARTSUAGO

2020-01-23T19:29:35+01:0023/01/2020|

Ordura arte sailkapeneko liderra zen Otxartabe C.D. taldeari irabazita, Aitor Arevaloren mutilek arrakastaz itxi zuten lehen itzulia. Horrela, Gabonetako geldialdira oso sentsazio onekin joanez, bigarren itzulia ere indartsu hasi zuten, CDE Portus Amanus taldeari 9-0 irabaziz Belabietan. Emaitza horiekin, Lauburu Ibarra Mahala taldeak beste erronka bat izango du aste honetan eta Asturiasera bidaiatuko du Yesos Castaño F.S. taldearen aurka jokatzeko. Orain arteko jardunaldietan, 8 garaipen, berdinketa 1 eta 3 porrot pilatu dituzte; duela bi aste Elorrietakoren pistan jokatutako azken partidan 5 eta 3-ko markagailu batekin galtzen zutelarik.  Talde moreari dagokionez, hirugarren postuan daude; bigarren kokatzen den Otxartabetik puntu bakarrera [...]

13 2020.01.13

TALDE MOREAREN GARAIPEN GARBIA BELABIETAN

2020-01-13T19:34:44+01:0013/01/2020|

Lauburu Ibarra Mahala taldeak 9-0 irabazi zion Kantabriako Portus Amanus taldeari Ligako hamabigarren jardunaldian. Garaipen honen ondoren, ibartarrak sailkapeneko hirugarren postuan jarraitzen dute; bigarren postuan dagoen Otxartabetik puntu bakarrera eta lehen postuan dagoen Zierbena taldetik hiru puntura. Partida bikaina jokatu zuten etxekoek eta aukera gutxi utzi zizkien markagailuaren emaitza txarraren arren azken momentura arte borrokatu zuen talde bisitariari. Astean zehar, Aitor Arévaloren mutilek bi lagunarteko jokatu zituzten eta horietan garaipena lortu ezin izan zutela gogoan edukiz, baloi erritmo biziarekin eta defentsa gogor eta oldakor batekin zelairatu ziren.  Horrela, hiru faktore horien ondorioz, aukerak iristen hasi ziren eta, gutxinaka, baita [...]

9 2020.01.09

GEHITZEN JARRAITZEKO ASMOA

2020-01-09T19:26:03+01:0009/01/2020|

Lauburu Ibarra Mahala taldeak Kantabriako Portus Amanus taldearen aurka jokatuko du larunbat honetan, arratsaldeko 16:00etan, Belabietan. Orain arteko partidetan, kantabriarrek garaipen bakarra, bi berdinketa eta zortzi porrot lortu dituzte eta egun Ligako sailkapeneko 12. postuan kokatzen dira.  Datu horiek gorabehera, garaipena lortzeko lehian buru-belarri dabilen aurkari bat izango dute parez pare Ibarrakoek. Partida bakarra irabazi dutela kontuan hartuta, dena emango dute egoera aldatu eta euren gainetik dauden taldeengana hurbiltzeko behar dituzten puntuak lortzeko. Aitor Arevaloren mutilei dagokienez, lehenik eta behin, ezinbestekoa da aipatzea Gabonak baino lehen jokatutako azken partidan sailkapeneko egungo liderra garaitzea lortu zutela. Merezitako garaipena izan zen [...]

23 2019.12.23

TALDE MOREAK GARAIPENA LORTU DU LIDERRAREN AURKA

2019-12-23T21:46:22+01:0023/12/2019|

Lauburu Ibarra Mahalak 2-5 irabazi zion Otxartaberi Ligako hamaikagarren jardunaldian. Ibartarrek egungo liderra den taldearen aurka lehiatu ziren eta 40 minutuak oso serio jokatu zituzten. Garaipenarekin lortutako 3 puntuei esker, talde morea Ligako hirugarren postuan kokatzen da eta bakarrik 3 puntuk urruntzen dituzte lehen sailkatuetatik.  Partida etxekoen jabetzarekin hasi zen. Lauburuko jokalariei dagokienez, defentsa erasokorra egin zuten eta bertakoen akatsak sorrarazten saiatu ziren, bukaera azkarrak bilatzen zituztelarik.  Horrela, partidako 9. minutuan, Oier Goikoetxeak baloi geldian egindako ekintza batekin, talde moreak aurre hartzea lortu zuen. Horrez gain, soilik 3 minutu beranduago, 0 eta 2-koa jarri zuten markagailuan. Esan bezala, ibartarren [...]

19 2019.12.19

AURKARI OSO GOGORRA IZANGO DUGU PAREZ PARE

2019-12-19T19:28:30+01:0019/12/2019|

Lauburu Ibarra Mahalak Bizkaiara bidaiatuko du igande honetan gaur egun sailkapeneko buru den Otxartabe C.D taldearen aurka jokatzeko. Orain arteko 10 jardunaldietan, Bizkaiakoek ez dute partida bat bera ere galdu.  Datu horiek kontuan hartuta, Ibarrakoek aurkari gogorra izango dute parez pare, zeinak bere postuari eutsi eta izaten ari diren bolada onarekin jarraitzeko asmoa duen.  Bizkaitarren egoera oso ona den arren, Aitor Arevaloren mutilek orain arte egin duten lan bikaina ere azpimarratu beharrekoa da. Oso denboraldi ona egiten ari dira eta, egun, hirugarren postuan kokatzen dira 24 punturekin; 8 garaipen eta 2 porrot pilatzen dituztelarik. Beraz, gipuzkoarren eta liderraren artean [...]

16 2019.12.16

ORAINGO HONETAN, EZIN IZAN DUGU LORTU

2019-12-16T20:11:24+01:0016/12/2019|

Lauburu Ibarra Mahala taldeak ezin izan zuen Castro Urdiales taldea garaitu Ligako hamargarren jardunaldian. Bi taldeek presio handia egin zuten defentsan eta askotan atera ziren erasoan, etengabe arriskua sortuz. Lehen zatiko hasierako minutuei dagokienez, talde moreari ez zitzaion aukerarik falta izan markagailua estreinatzen lehenak izateko. Hala ere, behin kontrako taldearen areara iritsita, ez zuten atean asmatzen. Castrokoek, aldiz, lehen minutuetan egin zituzten jokaldietan eta talde moreak egindako akats larri batzuk medio, baloia porterian sartzea lortu zuten. Ondorioz, hiru gol jarraian igo zituzten markagailura; hirurak, Marcos Urquijok.  Emaitza horri aurre eginez, Lauburu Ibarra Mahala taldeak intentsitatea eta jokalarien arteko konplizitatea [...]

12 2019.12.12

LEHEN POSTUTIK PAUSO TXIKI BATERA

2019-12-12T18:15:30+01:0012/12/2019|

Lauburu Ibarra Mahala taldeak Castro Urdiales C.F.S jasoko du larunbat honetan Belabietan. Castro Urdialeseko taldea sailkapeneko 6.postuan kokatzen da, talde moretik 9 puntura. Orain arte jokatutako jardunaldietan, 5 garaipen eta 4 porrota pilatzen dituzte.  Emaitza horiekin, aurkariari jokoa batere erraza jartzen ez dion talde baten aurka arituko dira ibartarrak larunbatean. Castrokoek, aurreko astean Almi Elorrietako F.S taldeari 11 eta 4-eko markagailuarekin irabazteaz gain, C.D.E. Marrocken aurka ere garaipena lortu zuten duela bi jardunaldi. Gainera, Ligako lehen jardunaldian, ez zen urrun ibili egun sailkapeneko buru den Otxartabe C.D. taldeari irabazteko. Guzti hori kontuan hartuta, beste astebetez, hiru puntuak etxera eramateko [...]

Go to Top