Lauburu Segorbera (Castellon) mugituko da larunbatean, denboraldiko hamaikagarren jardunaldia jokatzera. Arratsaldeko 17:30etan izango da eta kanpaina honen barruan egin beharreko bidairik luzeena egin beharko du taldeak. Aurreko jardunaldian San Juanen aurka lortutako garaipenaren ondoren eta Bigarren B Mailara igoz geroztik irabaztea lortu ez zuenean gainera, jardunaldi berri honen aurretik, Juanan Rodriguezek ligako lehen herenari buruz hitz egin du: “Taldea indartuta atera da San Juanen aurka egindako partidatik, lehenengo zatian teknikoki oso zehatzak izan ez baginen ere, joku-une oso onak izan genituen. Bidaia gogorra izango da eta kontziente gara denok, larunbatean ligako bigarren heren hau lehenengo postuak borrokatuz hasteko aukera ezin [...]

Partidu bikaina, larunbatean Belabietan jokatu zutena Mahala Lauburu eta Cerverano taldeek, biak jubenil mailakoak; Txubelen mutilek berdinketarekin konformatu behar izan zuten. Lehen minutuetatik bi taldeek izan zituzten golerako aukerak baina korner baten ateeran errioxarrak izan ziren lehenengoak tantoa egiten. Elvis izan zen, jaurtiketa indartsu batekin, gola sartu eta 0-1ekoa egin zuena bigarren minutuan. Minutu bat beranduago, Arranzek 1-1ekoa egin zuen bakarkako jokaldi baten bidez. Bi taldeak erraz iristen ziren aurkariaren atera eta aukerak ugariak ziren, baina 15. minutuan Cerveranok 1-2koa egin eta berriro aurreratzea lortu zuen baloi bat ostuta egindako kontraeraso baten ostean. Orduan Mahala Lauburu aukera gehiago sortzen hasi [...]

Juanan Rodriguez-ek gidatutako mutilak, bigarren zati bikain batean erabakita geratu zen partiduan, 5-2 gailendu ziren San Juanen aurrean. Etxekoen nagusitasuna nabarmena zen hasieratik baina sakontzera ez ziren iritsten hala ere, eta horrek San Juan taldeak defentsan larritasun handiegirik ez izatea eragiten zuen. Nafarrak berriz, atzetik baloiak lapurtzen zituzten eta trantsizio azkarren bidez iristen ziren aurrera, piparreroen defentsari ezinegona sorraraziz. Partidua hasi eta 5 minutura, bisitariek bandatik ateratako sake batekin eta zutoinean kolpatutako erremate baten ostean, Mikel Marinek aldaratzeaz baliatuz tantoa egitea lortu zuen, markagailuan 0-1ekoa ezarriz. San Juanen lehenengo tantoak ez zituen ibartarrak uzkurtu eta jokua menperatzen jarraitzen zuten. Golerako [...]

I ! BA ! RRAA!! I ! BA ! RRAA!! Árbitrooooo…no ves o queeeé!!! Estas ciegoooo!! No me jodas hombre!! (horrelakoak ere entzuten genituen egia esateko… jajajaja). I ! BA ! RRAA!! I ! BA ! RRAA!! Gaur arratsaldean emozioz beteriko momentua izango dugu PILILI ezagutzen genuen guztiok, ibarrako polikiroldegian, urteetan zehar deskantsu gabe animatzen egon den Juanma Prados “PILILI” omenduko du LAUBURU KIROL ELKARTEAK. Horren aurrean sortzen zaizkidan sentimenduak nolabait atera nahi eta behar ditut, bereziak direlako, politak direlako, indartsuak direlako… Argia izaten saiatuko naiz, Juanma “PILILI” hil da, eta hori putada bat da!!!! Min handia sentitu arren, ez [...]

Txubelen Jubenilek, garaipen mamitsu baten ostean Errioxako Cerverano taldea hartuko dute Belabietan. Arratsaldeko 16:00etan izango da partidua. Cerverano F.S. txapelketako buru da, joku gogorreko eta oso dinamika eraginkorreko taldea da. Denboraldi honetan entrenatzaileaz aldatu du eta iaztik alderatuta aurpegi berri ugari ditu lantaldean. Shane jokalariarekin duen zalantza izan ezik, norgehiagoka honetarako Txubelek lantalde osoa izango du eta azkenaldian bigarren B-ra mugitutako jubenilen bat ere aukeratuko du agian. Jarraian bi garaipen egin eta gero, gazte hauek moralki oso ongi aurkitzen dira, astez aste jokua hobetzen ari direla ikusten da. Elkar ongi ezagutzen dute aurreko kanpainaz geroztik eta partidua gogorra izango da [...]

Larunbatean ibartarrak laugarren postuan aurkitzen den taldea hartuko dute Belabietan, A.D. San Juan. Arratsaldeko 18:30etan. Partidu zaila izango da, garaipenen boladaren ondoren Zierbenan porrota jasan behar izan zuten piparreroek, eta bederatzigarren postuan aurkitzen dira momentu honetan 13 punturekin. Ander Esnaola “Txipik” Zierberanen aurka jokatutako partidua izan zuen hizpide eta taldearen egoerari buruzko analisia ere egin zuen: “Zierbena oso talde txukuna da, jokalari onak ditu eta duten lehiakortasun puntu horrekin partiduan behar bezala egon ziren, azkenean hiru puntuak eraman zituztelarik”. “Taldea lanean ari da, dinamika onean sartu gara eta puntuak iristen ari dira. Oso talde indartsuenen aurka jokatu dugu eta izandako [...]

Txubelen taldeak 7-3ko garaipena lortu zuen Belabietan denboraldiko estreinaldian, partidua aldeko jarri zelarik hasiera-hasieratik. Hasieratik ibartarrak ezarri zuten erritmoa, lehen jokalditik aukerak sortuz eta aurkariaren atezaina frogatuz. Lau minutuetan, jada, 4 tanto eginak zituzten piparreroek, lehenengo biak Urtzik egin zituen bigarren eta hirugarren minutuan eta hogei segundu beranduago Condek egindako pase batekin Infantek hirugarrena egin zuen. Markagailuan 3-0ekoa zegoela bizkaitarrak hutsartea eskatu zuten, piparreroak gelditu nahian, baina geldialdiaren ondoren berehala iritsi zen 4-0ekoa Urko tarteko izanik. Ibartar taldea jokuan eta eraginkortasunean birrintzen ari zen aurkaria eta hau, jokuaren erritmoa mantsotu nahian, faltak eragiten saiatu zen handik aurrera; lehen zatia amaitzeko [...]

Lehen zatian jasandako 3-0ekoa gainditu ezinik, ibartarrek ezin izan zuten bigarren zatian nagusitu eta nahiz eta azken zatian hobera egin , 4-1eko emaitzarekin amaitu zen partidua. Bizkaitarrek menderatu zuten partiduaren hasiera, ibartarrak zain geratzen ziren baloiak ostu eta kontraeraso azkarrak sortzeko, baina laster okertzen zen. Minutu t’erdirako Cristianek kornerretik estrategia-jokaldi on batekin sarera jaurti zuen, 1-0ekoa eginaz. Etxekoen lehenengo tanto hau azkarregi iritsi zen Juananen mutilentzat, II. multzoko talderik indartsuenetakoa den Zierbenaren erasoei eusten jarraitzen baitzuten oraindik. Hala ere, eta etxekoen nagusitasunaz gain partidua nahiko parekatua zegoen, ez zuten estuasun handirik pasatzen defentsan, ez batak eta ezta besteak ere. Baina, [...]

Nazional mailako Jubenilen laugarren jardunaldi honetan, Mahala Lauburuk etxean jokatuko du Zierbena C.D.F. taldearen aurka, arratsaldeko 18:00etan. Oso borrokalaria da talde hau, hiru jardunaldietan bi garaipen eta porrot batekin sailkapenean hirugarren postuan aurkitzen dira 6 punturekin. Txubelek lantalde osoa du eskura bizkaitarrekin lehiatzeko prest. Juanma Ordozgoitik zuzendutako filiala, sailkapenean buru eta garaitu gabe doa 16 punturekin, ibartarrak berdinketa bakarra eta bost garaipen pilatu dituzte egindako sei partidutan. Zazpigarren jardunaldia datorren asteazkena, hilak 18an jokatuko dute Belabietan eta Ataun Troskaeta hartuko dute arratsaldeko 20:00etan. Kadeteek larunbatean jokatuko dute, eguerdiko 12:00etan Belabietan eta aurkaria Samaniego Orixe izango da. Mikel Raposoren gaztetxoak 9 [...]

Juanan: “Ibarran neure kirol-bizitzako urterik zoriontsuenak bizi izan nituen” Bederatzigarren jardunaldi honetan, Lauburuk berriro kanpoan jokatuko du II. multzoko talderik indartsuenetako baten aurka, Zierbena C.D.F. Topaketa Zierbenan bertan izango da, larunbatean arratsaldeko 18:00etatik aurrera. Partidu honetan Lauburukoek lehenengo entrenatzailerik gabe lehiatu beharko dute. Mikel Diestro, azaroaren 24tik 29ra bitartean Guatemalan jokatuko den munduko txapelketan, Espainiako nesken selekzioa gidatzeko deitua izan da eta piparreroen hurrengo lau partiduak galduko ditu. Bere postua Juanan Rodriguezek beteko du. Hiru denboraldiz Lauburuko kirol zuzendaritza eta elkartearen kudeaketaz arduratu ostean eseriko da berriro aulkian. Ibartar entrenatzaileak honela zioen: “Ilusioz beterik aurkitzen naiz esperientzia honekin. Alde batetik, [...]