Igandean Donostiako Gaska Kiroldegian jokatuko dugu Ligako 2.jardunaldia. Partida 12:15ean hasiko da, eta CD Otxartabe bilbotarra izango dugu aurkari. Belabietan jokatzea faltan botatzen dugun arren, jakin badakigu egoera berri honekin aurrera egitea dela aukera bakarra, baita jarrera positiboa mantentzea ere. Aurkariari dagokionez, aspaldiko ezaguna dugu asteburu honetan parez-pare izango duguna, hain zuzen ere, Ligako beste aurkari gogorrenetako bat. Gure antzera, 23-24 denboraldiari hasiera ona emateko bidean daude bizkaitarrak; izan ere, 1.jardunaldia amaitzeko 10 minuturen faltan, euriteek eragindako uholdeak zirela eta partida bertan behera utzi behar izan bazuten ere, 3-1eko emaitzarekin zihoazen garaipenaren bidean, mailara igo berri den Segoviako CD [...]

Joan den larunbatean Ligako lehen jardunaldia jokatu genuen, eta Zaragozara joan ginen gure multzoko aurkari handienetako bat den CD Pinsequeren aurka jokatzeko. Sentsazio onekin beteta, baina hain talde indartsuaren aurrean etxetik kanpo jokatzeak zekarren zailtasunaz jabetuta, abuztuaren hasieratik elkarrekin "ikasitako" guztia praktikan jartzeko gogoarekin egin genuen salto pistara. Dani, Rivadulla, Eñaut, Zaldua eta Gorka hasierako bostekoarekin ekin genion norgehiagokari, eta lehen minutuaren barruan, Zalduak estrategiaz estreinatu zuen markagailua (0-1), urruneko jaurtiketa batekin asmatu ondoren. Lehen gol horrekin energia goraino beteta, ateko sake batean egindako lapurreta bati esker, Gorkak aldea handitu zuen 2. minutuan (0-2). Are gehiago, soilik 3 minutu geroago, [...]

Larunbatean Pinsequera (Zaragoza) joango gara 23-24 denboraldiko lehen jardunaldia jokatzera. Pasa den astean Cintruenigon Errege Kopako lehen kanporaketa gainditzea lortu ondoren, Liga hasteko gogo handia dugu, gure entrenatzaileak dioen bezala, "guretzat garrantzitsuena” hura baita. Etxetik kanpo aurkari aski ezagun baten aurka Aurkariari dagokionez, CD Pinseque, aurreko denboraldian igoerako Play Off-a jokatzeko postua lortu zuen beste taldeetako bat da, eta Aragoiko CD Paniza-ri irabazi ondoren, Kopako hurrengo faserako sailkatu da aurten, gu bezalaxe. Diestroren arabera, “gainditu beharreko aurkarietako bat" da Pinseque, eta "modu bikainean indartu den taldea" dela adierazi digu. Gainera, azaldu du jokoaren alderdi guztiak menperatzen dituztela, eta, beraz, [...]

Atzo Cintruenigora joan ginen Errege Kopako lehen kanporaketa jokatzera. Talde nafarra oso ondo lehiatu zen, eta arrisku handia sortu zuen behin baino gehiagotan; izan ere, markagailuak azken txistuarekin islatzen zuen 2-3ko emaitza estuak aski ondo islatzen du azken unera arte mantentzen jakin izan zuten maila. Marcos, Ivan, Ceci, Raul eta Txiki hasierako bostekoarekin hasita, onak izan ziren lehen ekintzak. Aukera politak egon ziren bi aldeetan, eta atezainen esku-hartze azkarragatik izan ez balitz, edonork ireki ahal izan zuen markagailua jokoaren lehen 5 minutuetan. Horrekin batera, falta arriskutsu pare bat eta zutoinean amaitzen ziren hainbat jaurtiketa ez ziren nahikoa izan balantza [...]

Larunbatean Cintruenigora bidaiatuko dugu 12:00etan Errege Kopako lehen kanporaketa jokatzeko. 23-24 denboraldiko lehen partida ofiziala izanik, gogoak eta ilusioak gora egin dute, eta gure taldea eguna iristeko irrikaz beteta dago. Gainera, denboraldiaurrea hasi zenetik hilabete baino gehiago igaro da, taldekideak ondo baino hobeto moldatzen dira jada elkarrekin, eta horrek guztiak lehiaketarako irrika osasuntsu hori areagotu du. Nafarrak: kalitatea eta intentsitatea Aurkariari dagokionez, hirugarren mailan jokatzen duen taldea da Cintruenigo, banakako kalitate handia duena eta defentsan oso bizia dena. Mikel Diestroren arabera, horiek dira euren indarguneak, eta beraz, xehetasun guztiak landu dira nafarrei gogor aurre egin ahal izateko. Are gehiago, [...]

Lauburuk akordioa lortu du Kelme kirol markarekin 23-24 denboraldirako, eta urrats garrantzitsua eman du Klubaren etengabeko hazkundean; akordioaren baldintzengatikez ezik, baita markak gure kirolean duen aintzatespenagatik eta prestigioagatik ere. Eta nola ez, denboraldi honetarako jantzien diseinuak gure koloreei eutsiko die. Beraz, lehenengo jantziak kamiseta moreak eta galtza zuriak osatuko dute, eta bigarrena, berriz, elastiko zuriak eta galtza moreak. Bestalde, atezainek lehen jantzi beltza eta bigarren berde bat izango dituzte. Jantziak irailean martxan jarriko den Klubeko denda birtual berrian erosi ahal izango dira.

Garai berriak iritsi dira Lauburuaren kudeaketara. Ibartar proiektuaren bilakaera handinahiaren barruan, digitalizazio-prozesua dago, eta lehentasuna da gure erabiltzaileen datu babesa eta zuzeneko konexioa. Horrekin lotuta, Lauburuk eta Galiziako Cluber plataforma digitalak babesletza-akordio bat adostu dute, klubari gure jokalarien datu pertsonalak modu seguruan babesteko eta, aldi berean, tresna bakar batean hurrengo zerbitzuak ahalik eta gehien sinplifikatzeko: Eskolako ikasleen izen-emate kuoten kudeaketa, bazkideen kanpaina, sarreren salmenta eta 23-24 denboraldiaren hasieran argitara emango den online denda berria. Aurrerapauso honi esker, gurasoek oso modu erraz eta zentralizatuan inskribatuko dituzte Lauburu Eskolan beren alabak, eta edozein unetan kontsultatu ahal izango dituzte ordainagiriak, horien egoera [...]

Atzo 00:00ak aldera iritsi ginen hotelera atseden hartzeko eta larunbata energiarekin hasteko. Hortaz, gaur, autobus bidaia luzearen ondoren ondo deskantsatuta, gosaldu eta indarrak hartu ditugu goizeko entrenamendua egiteko. Askoz gehiagorako astirik izan gabe, hotelera itzuli gara bazkaltzeko eta lasai egoteko, eta, horren ostean, kiroldegira itzuli gara borrokan jarraitzeko prest. Marcosek, Chukyk, Oscarrek, Iliasek eta Bolik eman diote hasiera lehen zatiari. Joaneko partidan gertatutakoaren antzera, ondo eutsi diogu lehen 10 minutuei. Are gehiago, markagailua estreinatzeko ardura izan dugu oraingoan, Iliasek buruz egin duen erremate bati esker (0-1). Hiru minutu geroago, etxeko taldeak erantzun egin du falta zuzen batekin asmatuta (1-1). [...]

Bihar Mengibarrerantz (Jaen) abiatuko gara playoff-eko bigarren fasean murgilduta, itzulerako partida jokatzeko. 10 orduko autobus bidaia dugu aurretik, eta beraz, eguerdiko 14:00etan irtengo gara Belabietatik, datorrenerari aurre egiteko energiarekin beteta. Badakigu joan den asteburuko 2-8ko emaitza kontuan hartuta oso zaila izango dela hurrengo fasera pasatzea, baina, hala ere, amore ematetik oso urrun gaude. Zentzu horretan, Jotak azaldu digunez, taldea ez da joango Jaenera “arratsaldea pasatzera”, eta zalantzarik gabe, zailtasun eta oztopo bakoitzaren gainetik, aipatutako markagailua iraultzen saiatuko dira; izan ere, jokalari guztiak deitu ditu gure entrenatzaileak, borroka honetan murgildu, eta norberaren merituengatik lortutako amets honetatik ez jaisteko. Betirako gordeko [...]

Larunbatean Jaengo Mengibar taldearen bisita jaso genuen Belabietan, igoera playoff-etako bigarren faseko gure aurkaria dena. Topaketaren berezitasuna zela eta, arratsaldea marea morearen harrerarekin hasi genuen. Ezin hobeto. Horrela, sentimendu ugariekin beteta, Dani, Chuky, Uri, Oscar eta Bolik osatutako boskotearekin hasiko genuen topaketa. Aurkaria gure area barruan bukatzen ziren ekintzekin asko hurbiltzen hasi zen arren, ondo eutsi genion 13. minutuan defentsan egindako akats larri batek aurkako lehen golarekin kondenatu gintuen arte (0-1). Hori baino lehen, aukera argia izan genuen Iker eta Uriren arteko pareta azkar batekin, eta Chuky errematatzera iritsi izan balitz, gauza asko aldatuko lirateke ziur aski. Ondoren, Jotak [...]