Larunbatean Jubenilek Castro-Urdiales hartuko dute Ibarrako Belabieta kiroldegian 19:30etan. Kantabriako taldea oso ezaguna da ibartarrentzat, urte asko baitaramatzate nazio mailako kategorietan elkarrekin lehian. Castro-Urdiales taldea izan da, piparreroei irabazi dion bakarra txapelketako lehenengo itzuli honetan. Partidua Kantabrian jokatu zen eta Txubelen mutilak egindako partidua nahikoa arraroa izan zen; lehenengo zatian kantabriarrak askoz partidu hobea jokatu zuten eta erraz menderatu zituzten ibartarrak. Bigarren zatian, berriz, ibartarrak oso partidu ona jokatu zuten baina suspertu zirenerako beranduegi zen. Txubelek lantalde osoa du oraingoan, Asier Aierbe kadetea eta guzti. Aurreko jardunaldian Laskorain K.E. taldeari 6-2 irabazi ondoren (hasierako 0-2ko emaitza gainditzea lortu eta oso [...]

Datorren igandean, Lauburu K.E. Ibarra Elgoibarrera joango da Debabarrena Concepto Egile taldearen aurka Gipuzkoar derbi handia jokatzera. IMH kiroldegian izango da 12:30etik aurrera. Bigarren B mailako denboraldiaren bigarren itzuliaren hasiera da eta ibartarrak, 23 punturekin taularen zazpigarren postuan daude. Derbi honetara, azken hiru jardunaldietako zorte txarren soka daramate, non bi partida galdu eta bestea berdindu duten. Lehenengo itzulian, Mikelen mutilak irregularki xamar hasi ziren baina emaitza onen boladaren ondoren, kategoriako lehenengo postuetarako lehiatu ziren. Lehenengo itzuli honen hamabigarren jardunaldian taularen laugarren postua lortu zuen Lauburuk, baina orduan Unai, David eta Arros lesionatu ziren, eta beranduago Aitzol ere bai. Taldeak faltan [...]

Ederra eta atsegina, Mahala Lauburu eta Laskorainek, igandean, Ibarrako Belabieta kiroldegian jokatu zuten partidua. Gipuzkoar derbia piparreroen garaipenarekin amaitu zen. Bigarren zatian erabakita geratu zen garaipena izan zen. Norgehiagoka bisitarien bi jokaldi azkarrekin hasi zen. 30 segundura, Aritz Lasak markagailua estreinatu zuen Laskorainen alde. 0-1ekoa, jendez lepo zegoen Belabietako gradetan masailekoaren pare jaso zen. Eta bi minutu beranduago, landutako jokaldi batekin, berriro Aritzek 0-2koa egitea lortu zuen, gainera. Bi kolpe horien ondoren hasi zen Lauburu suspertzen, eta laugarren minutuan Agusek bien arteko aldea txikitu zuen, aurkarien atezaina ustekabean hartu zuen jaurtiketa indartsu baten bidez 1-2koa egin zuenean. Partidua bizkortzen hasi [...]

Piparreroek 3-2 galdu zuten, oso berdinduta hasi baina bigarren zatian ihes egin zieten partidu batean. Partidua, bi taldeen antzeko jokoarekin hasi zen, gol-aukerak bientzat sortzen zirelarik. Aukera garbiak izan ziren baina bi atezainen lan bikainak markagailua igotzea ekidin zuen. Lehenengo zatia oso bizia izan zen, elkar ongi ezagutzen duten bi taldeen arteko lehiaren isla. Defentsak erasoei gailendu zitzaizkien eta bi aldeak atsedenaldira hutsean joan behar izan zuten. Bigarren zatian ere, golerako aukera garbiak izan zituzten bi taldeek baina ez zuten amaitzea lortzen. Partiduaren amaierarako zazpi minutu faltan, piparreroek defentsan baloi bat galdu ostean eta Javik buruz-burukoa maisuki bukatzean aurreratu ziren [...]

Igande honetan Jubenilen Ohorezko Maila berriro Belabietara itzuliko da. 11:30etan lehenengo itzuliaren azken jardunaldia jokatuko dute Mahala Lauburuk eta Laskorainek eta ikusmin handia sortzen du beti bien arteko lehiak. Txubelen gazteek eguberritako oporretan ere entrenatzen jarraitu dute, lehenengo taldearekin lagunarteko batzuk ere jokatu dituzte eta taldeko lau jokalariek, Peña, Tobi, Agus eta Andonik, Zeutan jokatutako Espainiako Txapelketan hartu dute parte. Laskorain K.E. taldea laugarren postuan dago, Mahala Lauburu baino puntu bat gehiagorekin. Oso lantalde lehiakorra denez, partida oso borrokatua izatea espero da, eskualde bereko bi taldeen arteko derbietan ohikoa den bezala, biak irabaztera aterako baitira. Txubelek lantalde osoa du, azken [...]

CRISTIAN: “Lehenengo itzuli honetan egindakoa hobetzeko lanean gogor jarraituko dugu”. Eguberriak pasa dira eta hiru asteko geldialdiaren ondoren Mikelen mutilak prest dira berriro lehian sartzeko. Larunbatean Gasteizera hurbilduko dira Aurreraren aurka jokatzera, arratsaldeko 18:30etan. Txapelketako hamabosgarren jardunaldia izango da eta lehenengo itzulia itxiko du partiduak. Cristianek, piparreroen pisu astunetako batek, txapelketako lehenengo zatia izan du hizpide: “Lehenengo itzuli honetan denetarik izan dugu, orokorrean taldea ongi ikusi dut nahiz eta lan-arazoekin edota lesioekin entrenatzeko eta partiduetarako eragozpen asko izan ditugun. Entrenatzaile berriaren ideia eta joku-estilora egokitzeko ere denbora behar izan dugu.” “Denboraldiaren hasiera nahikoa korapilatsua izan zen, jokatzeko era berrira egokitzen [...]

Urte berria, konpromezu berriak elkartearentzat. Jubenilen Ohorezko Dibisioak eta Bigarren B Nazionalak bi lagunarteko jokatuko ditu, konpetiziora ahalik eta egoera onenen iristeko doitzea bilatuz. Larunbatean, Amasa-Billabonako kiroldegian, arratsaldeko 15:30ean, eta Espainiako kanpeonatoaren lehenengo fasea prestatzen jarraitzeko, Kadeteen Euskadiko Selekzioa izango da Jubenilen Ohorezko Dibisioaren aurkari. Asier Ayerbek Euskadiko kamiseta jantziko du bere lantaldearen aurka neurtzeko. Lehenengo lagunartekoa amaitutakoan, Euskadiko Sub 19 Selekzioak Laubururen lehenengo taldearen aurka jokatuko du, arratsaldeko 17:30ean. Piparreroetatik lau jokalari dira elkartea eta lantaldearen aurka neurtuko direnak, Andoni, Peña, Agus eta Tobias. Aipatu bi partiduak Amasa-Billabonako Olaederra kiroldegian jokatuko dira, Belabietako teilatuan egiten ari diren konponketak direla [...]

 Oso partidu borrokatua, Mahala Lauburuko Jubenilak igande goizean Bilbon jokatu zutena. Azken segundura arte lehiatu behar izan zuten partidu batetik, binako berdinketa baliotsua ekarri zuten etxera. Norgehiagoka Bilbo C.F.S. taldearen irteera indartsuarekin hasi zen, baina Txubelek defentsa prestatzen denbora gutxi behar izan zuen, horrela, etxekoen lehenengo unetako nagusitasuna gainetik kenduz. Bi taldeak izan zituzten gol aukerak, bi atezainak kinka larrian jarriz baina hauen lan bikaina medio, lehenengo tantoa luze joan zen. 1-0ekoa lehenengo zatiaren azken minutuan iritsi zen. Ibartarrak falta zorrotz baten ondorioz gola jasan zuten eta emaitza horrekin joan behar izan zuten atsedenaldira. Bigarren zatian aldatu ziren gauzak eta [...]

Piparreroek hiruna egin zuten Sala Quinto F.S. taldearen aurka, hasieratik bukaeraraino etxekoek menderatu zuten partidu batean. Ibartarrak, hasiera-hasieratik gidatu zuten partidua eta jada lehenengo jokaldietan markagailua aldatzeko aukera garbiak izan zituzten. Bigarren minutuan, baloia defentsan ostu eta kontraerasoan Garmenek errematatu zuen 1-0ekoa eginaz. Lehen minutu bikainak Laubururentzat, baloiaren jaun eta jabe ziren eta bien arteko aldea handitzeko aukerak ere, ugari iristen zitzaizkien. Seigarren minutuan landutako jokaldi bikain baten bidez, Andonik, ezkerrarekin gogor jo eta atezain aurkaria azpitik menderatu zuen, 2-0ekoa eginaz. Bi taldeek egindako jokoa ikusita, ibartarrentzat nahikoa izango ez zen emaitza honekin atsedenaldira joan ziren. Bigarren zatian, Sala Quinto [...]

Jubenilen Ohorezko Mailako ibartar gazteentzat 2015eko azken jardunaldia izango da hau. Bilbon jokatuko dute igande honetan, San Ignacio kiroldegian Bilbo Areto Futbol taldearen aurka, goizeko 11:30etan. Piparreroek kategori honetan ongi ezagutzen duten taldea da, denboraldi asko eta euskal kopako final mordoetan izan dira aurkari, ibartarrak garaipen gehiago pilatu dituztelarik. Kategoria hau, oso lehiakor doa eta une hauetan nahikoa estu gainera. Ibartarrak hiru puntuak etxera ekartzea oso ona litzateke, taulako lehenengo postuak gehiago estutu ahal izateko. 12 puntu eta Errioxako Cerveranorekin berdinduta, bigarren postuan dago Bilbo taldea, Ribera Navarra hirugarren eta Txubelen mutilak berriz, laugarren postuan 11 punturekin. Atzetik bi talde, [...]