Norgehiagokaren bigarren zatia 4-1 galtzen hasi eta berdinketa egitea lortu zuen Ibarrak Santurtzin. Moratuek, oraingoan txuriz, tokiko taldearen jokoa nagusi zen hainbat une gainditzeko gai izan ziren. Kontrako abantaila hau gutxitu eta partidaren azken unetan irabazteko aukera ere izan zuten. Aipatzeko alde ezkorra, Andoni Carlosenaren lesioa, sorbalda atera baitzuen. Lauburuk baloia kontrolatzen zuela hasi zen partidua, baina laster ikusi zen tokiko taldeak esfortzu handirik gabe sortzen zuela arriskua. Bariante desberdinen inguruan landutako pibot joko batekin eta defentsa lerroak aurreratuta baloiak ostuz, Santurtzikoek aukerak pilatzen hasi ziren Iraitzen atean. Lehenbiziko gola zorigaiztoko jokaldi batekin etorri zen. Rober bere parekoaz libratu bandan [...]

Ibarra etxetik kanpora puntuak gehitzen jarraitzen du eta atzo arratsaldean, galdu gabe jarraitu ahal izateko, Gimnástica Construcciones Coboren kantxa zailean gailendu behar izan zuen. Talde honek kalitateaz gain eskarmentu handiko jokalariak ditu, horregatik, atzoko garaipenak distira berezia izan zuen. Denboraldi batzuk pasa dira Lauburuko lehenengo taldeak Kantabrian azkena jokatu zuenetik eta moratuek laster utzi zuten garbi, atzoko bisita ez zela kortesiazko bisita bat. Ibartarrak ez ziren kokildu ez aurkariagatik ezta Torrelavegako kantxa ederragatik ere, eta haserako sakean bertan sortu zuten lehenbiziko arrisku aukera. Dani, Aitzol eta Andoni Agirrezabalaren artean egindako konbinazio azkar baten ostean Oihanek hartu zuen bigarren zutoinean. Isaac [...]

Datorren larunbatean, hilak 4, moratuek Kantabriako Construcciones Cobo taldearen aurrean neurtuko dira, Torrelavegako kantxan. Cobo kantabriarra kategoria honetara igo berria denez, lehenengo aldiz neurtuko dira bi taldeak. Honek ez du esan nahi Laubururentzat partida erraza izango denik, alderantziz; Kantabriakoak taularen goiko aldean kokatu nahi dutela erakutsi dute jada, lortutako emaitzekin. Egun hirugarren postuan daude, liderretik bi puntura baino ez. Azken jardunaldian Segorberi bere kantxan irabazi zion 3-7ko emaitzarekin, bertan, duten jo bikain hori erakutsi zutelarik. Zortzi jardunaldietan zehar aldeko 43 gol sartuta, kategorian gol gehien sartu duen taldea izatea ez da kasualitatea. Laburuk azken jardunaldian etxean lortutako garaipen balsamikoaren ostean [...]

Datorren larunbatean, hilak 28, berriro areto futbolaz gozatzeko parada izango dugu Belabietan. Oraingoan, lehenengo taldea Las Fuentes talde aragoiarraren aurrean neurtuko da. Bisitaria, bi garaipenekin 6 puntu lortu eta sailkapenaren erditik beherako aldean kokatua dago. Lehenbiziko garaipena Errioxako Nalda taldeari bere etxean irabazita lortu zuen, eta bigarrena, Colo Colo ahalguztidunaren aurrean egin zuen, kantxa propioan. Iaz, 2.B kategorian lehen aldiz jokatzen zutelarik, liga 33 punturekin 12. Postuan amaitzea lortu zuten; aurtengo denboraldian jarraitzen duten helburu bera. Bestalde, Lauburun aste mogitua izan da, jendea entrenamenduetara biltzeari dagokionez behintzat; alde batetik, Garmenen bajari Javi Saldiserena gehitu zaio, eta bestetik, taldeko hainbat [...]

Pinsequeren kantxa bat bezalako batean puntuak gehitzea harrotzekoa bada ere, atzoko norgehiagokak zapore gazi gozoa utzi zion Laubururi; atzoko partidara bertako taldea baja garrantzitsuren baten ondorioz lermatua iritsi zelako gehienbat. Hala eta guztiz, talde aragoiarrak norgehiagoka bikaina burutu zuen eta partidaren momentu batzuetan Lauburu intentsitatean gainditu zuen. Moratuek berriz, 2-0eko emaitza txar bati buelta emateko gai izan ziren berdinketaraino iritsiz, eta sari handiagoa lortzeko adina meritu ere izan zuten bigarren zati on bat osatuz. Ibarrakoak ongi sartu ziren partidan. Lehenbiziko minutuak baloiaren zirkulazioan oso bizi agertu ziren, honek, goitik presionatzen saiatzen ari zen Pinsequeri, baloiak ostea eragozten ziolarik. Hala [...]