BIGMAT FONTECHA JUVENTUD - LAUBURU KE IBARRA Larunbatean gure lehenengo taldeak Burgosera bidaiatuko du, eta BigMat Fontecha Juventud del Círculok, bertako taldeak, zailtasun handiak jarriko dizkiola espero da 2017-18 denboraldiko bosgarren jardunaldia izango den honetan. Etxean jokatutako azken norgehiagokan Lauburuk ezin izan zuen garaipena lortu eta oraingoan garaipenaren zaporeaz gozatzeko asmoarekin doa. Bi taldeak dinamika guztiz desberdinetatik datoz. Gureak lehenbiziko hiru jardunaldietan irabazi eta azkenekoan galdu zuten bitartean, Burgoskoek lehenengo hiru jardunaldietan galdu zuten, baina egoera irauli eta kantxarik zailenetako batean irabaztea lortu zuten, Segorberen aurka, hain zuzen. Denboraldi honetan, Gaztelakoen berrikuntzarik garrantzitsuena entrenatzailearen aldaketa izan da; Ramón Herreros [...]

Espero zen adinako neurketa lehiakor eta tenkatu batean Ibarrari porrot mingarria jasatea egokitu zitzaion; sinestetik utzi ez zuen eta saririk gabe geratu zen talde batek egindako esfortzu izugarriarekin esker txarreko emaitza. Jakina da, era honetako neurketak ñabarduren bidez erabakitzen direla, baina lehiatzeko kategoriak eskatzen duen maila goren hori erakutsi behar da. Horretan ez zuten huts egin moratuek eta porrot honek Lauburu multzoko aurkari guztiekin mailaz jokatzeko gai denaren zaporea uzten du. Norgehiagokaren laburpena egitea zaila da. Bi taldeak erabateko elkar ezagutza dutela erakutsi zuten, aurkariari elaborazio arloan zirikatzeraino. Partida segituan jarri zen bisitariaren alde; Efrenek 0-1ekoa egin zuen 15 [...]

Larunbatean Zierbena indartsuak bisitatuko du Belabieta, urtero ligako titulua eskuratzeko lehian amaitzen duen taldeetako bat. Norgehiagoka berezia izango da gure mutilentzat, alde batetik derbia delako eta bestetik, inoiz ez direlako Zierbenaren kontra neurtu sailkapenean bere gainetik egonda. Jokatutako hiru partidetan hiru garaipen lortu ostean, ibartarrak derbia gozatu eta lehiatu ahal izango dira, kanpainaren hasiera honetako bolada onarekin jarraitzeko. Alfredo Hualde, Ibarrako entrenatzaileak honela dio: “dinamika on batean gaude eta emaitzak orain arte entrenamenduetako lana indartzen laguntzen digute. Larunbateko neurketa non kokatuko garen jakiteko neurgailu bikaina izango da, hau da, puntako taldeekin edo atzekoekin”. Moratuentzako alde ezkorra, Agus eta Igorren [...]

Ibarrak, oraingoan Calatayudeko bisitatik, etxera ekarri zituen berriz hiru puntuak. Espero bezain sufritua eta lehiakorra izan zen partida batean, Alfredo Hualderenak hasieratik lehiakor jokatzen jakin izan zuten, azken segundora arte etsi ez zuen aurkari baten aurrean gailentzeko. Igor Echarrik sartutako hiru golak ziurtatu zuten moratuen garaipena, baina baita modu kolektiboan burututako defentsa-ekarpenak eta Iraitzek bere atean egindako lanak ere. Guzti honek, nahiz eta ez zuen norgehiagoka bikaina burutu, taldeak bere partidak garaipenekin batera kontatzen jarraitzea erraztu zuen. Neurketaren hasiera ez zen espero bezalakoa izan. Talde aragoiarrak, sutsu borrokatzeaz gain eta ekintza guztiei intentsitate handia emateaz gain, hasieratik erakutsi zuen [...]

Gure lehenengo taldea Calatayudera abiatuko da larunbatean bertako taldearen aurrean neurtzera: Peña La Unión taldea. 2017-18ko denboraldi honetako hirugarren jardunaldia jokatuko dute. Norgehiagoka gogorra izango da asteburu honetakoa, izan ere, aragoiarrak Elorriokoren kontra kanporako garaipen garrantzitsua lortzetik datoz-eta. Lehenbiziko jardunaldian justu galdu zuten Segorberen aurka, hauek azken minutuetan irabazi zutelarik. Beraz, Areto Futboleko brontze kategoriara igo berriak badira ere, bi jardunaldi hauetan edozein aurkariaren aurka lehiatzeko prestatuta daudela erakutsi dute. Laubururen aldetik, aste honetako entrenamenduak normal joan dira, baina Segorbetik hiru puntuak ekarri ostean, etxetik kanpora lortutako garaipen horiek uzten duten zapore gozoa gehituta. Larunbateko bidaian ze bide jarraitu jakiteko [...]

Azkenean iritsi da, Belabietatik kanpo Lauburuk hainbeste desio zuen garaipen hori, askotan merezi izan eta iristen ez zena eta klubaren apustua aurrera egitea dela garbi uzten duena. Bi jardunaldi besterik ez dira jokatu eta ez da agian euforiak eta usteak zabaltzeko unea, baina egia dena da, Ibarrak atzokoan lortutako garaipena aurreko denboraldi guztian inork lortu ez duen garaipena izan zela. Alfredo Hualderen mutilak zeozer handia egiteko ilusioarekin agertu ziren Segorben, baina kategoriako talderik onenetako bat izanik, titulua irabazteko hautagaietako bat denaren kontra jokatzeak ematen duen errespetuarekin ere bai. Ilusioak, lanak eta atzo tokatzen zela sinisteak irabazi zuen. Segorben irabazteak Areto [...]

Laubururen lehenengo taldea Castellóko probintziara abiatuko da, denboraldiko lekualdaketarik luzeena izango den honetan, “Viveros mas de valero” taldearen aurka jokatzera. Larunbatean 17:00etan izango da partida Segorbeko Udal Kiroldegian. Ligako lehenbiziko jardunaldia etxean jokatu eta garaipen mardula lortu ostean, Alfredo Hualderen mutilak ilusio handiarekin burutu dituzte entrenamendu saioak, hurrengo norgehiagoka sailkapeneko goiko postuetan ibiliko den talde baten kontra jokatu beharko dutela jakinda. Segorbeko taldeak oso lantalde lehiakorra du, etxeko jokalariekin eta eskarmentu handiko jokalariekin osatutakoa, horietatik askok Lehenengo Mailan jolastu izan dutelarik. Jada hiru denboraldi dira igo zenetik, eta geroztik sailkapenean hobetzen joan da, iaz 59 punturekin laugarren postua lortu arte. [...]