Jubenilen Ohorezko Mailak 0-1 irabazi zuen Irurtzunen, Nafarroan. Oso partida estua jokatu zuten eta ibartarrak gol-aukera ugari eragotzi zituzten. Mahalak baja ugari ditu lantaldean eta Txubelek, Kadeteen mailatik, Asier Aierbe ez ezik, Gurru eta Liher ere eraman behar izan zituen Xotaren aurka jokatzera. Piparreroen etorkizuneko balio hauek, pistan urduri xamar ibili baziren ere, beren lana zuzen bete zuten. Norgehiagoka osoa bi alderdien arteko ika-mika izan zen baina ibartarrak nafarrak baino gehiago saiatu ziren. Txubelen mutilak tantoa egiteko aukera ugari izan zituzten baina nafarren atezainaren lan bikainak markagailua estreinatzeko parada eragotzi zuen eta atsedenaldira hutsekoarekin berdinduta joan behar izan zuten. Bigarren [...]

Mikel Diestroren mutilek, partida eroso batean eta Mahastiak Labastida makal baten aurrean 6-1 irabazi ondoren, berriro garaipenen bidea berreskuratzea lortu dute. Berdinketa handiarekin hasi zen partida, elkar ongi ezagutzen duten taldeak dira eta biak, arrisku-egoerak sortu ahal izateko asko sakondu gabeko jokaldi luzeak egiten zituzten. Hirugarren minutuan bisitariak, eskuin bandatik eginiko eta Ricardok, bakar-bakarrik, bigarren zutoinean errematatutako jokaldi bikain baten bidez, 0-1ekoa egin eta aurreratzea lortu zuten. Piparreroentzat, gol-aukera handirik ikusi gabe beren burua markagailuan azpitik ikustea, kolpea izan zen. Baina arabarrei pozak ez zien luzaroan iraun, Garmenek 1-1eko berdinketa egin baitzuen bigarren zutoinean egindako beste erremate batekin. Gol honen [...]

2015-2016 denboraldiko Ligaren irabazlea badela jakin ondoren, Txubelen taldea Irurtzunera doa, Xotaren etxera, azpi-txapelketarako lehiatzera. Lehendabiziko itzulian partida berdinketan amaitu zen Belabietan bertan; nafarrak markagailuan erabat aurretik joan ziren eta hiru puntuak galtzeko arriskua ikusita, Txubelen mutilak berebiziko saiakera egin behar izan zuten norgehiagoka hartan. Partida lehiakorra izatea espero da eta partidaren hasiera hobekien kudeatzen duenak irabaziko du. Txubelek lantalde osoa du eskura. Topaketa 16:00etan izango da Irurtzungo Atakondoa kiroldegian eta autobusa 14:00etan aterako da Belabieta kiroldegitik. Ekimen honetan taldeari laguntzera gonbidatzen dugu afizioa. Kadeteak, berriz, larunbatean 12:00etan jokatuko dute Belabietan Aloña Mendi K.E. taldearen aurka. Lauburu Berastegi, nesken taldeak, [...]

Larunbatean Lauburu K.E. Ibarrak, Mahastiak Labastida, Arabar Errioxako taldea jasoko du Belabietan, norgehiagoka arratsaldeko 18:00etan izango delarik. Ibartarrek hogeita hirugarren jardunaldi hau gogoz hartuko dute, azken hilabeteko zori txarra atzean uzteko helburuarekin. Mikelen mutilak irabazi gabeko lau partida egin dituzte, hiru porrot eta berdinketa batekin, hain zuzen. 33 punturekin taularen zazpigarren postuan dago Lauburu. Sailkapenean Zierbenak agintzen du eta gauzak asko aldatu ezean, Ligako txapelduna izango dela aurreikusten da. Bigarren sailkatua, San Juan taldea, 10 puntu atzerago doa, bigarren postuan. Bigarren eta hirugarren postuek Errege Kopa jokatzeko eskubidea ematen dutenez, San Juan, Pinseque, Colo eta Ebrosala taldeen artean lehia handia [...]

Pasa den larunbatean Cerverano C.D.F.S. taldea Jubenilen Ohorezko Mailan txapeldun bilakatu zen Zierbenari, etxean, 2-3 irabazi ondoren. Errioxarrek Rivera de Navarra eta Bilbok Tuteran jokatutako partidaren 3-1eko emaitza aprobetxatu zuten, sailkapenean atzetik dituzten taldeak aukerarik gabe uzteko. Mahala Lauburu, Bilbo eta Rivera de Navarra, bigarren, hirugarren eta laugarren postuan daude hurrenez hurren, eta hiruren artean jokatu beharko dute azpi-txapelketa, 2015-2016 kanpaina bukatzeko falta diren hiru jardunaldietan. Filialak ostiralean, Ataunen jokatutako partidan, Trosketa taldeari 4-5 justu batekin irabazi zion nahiz eta partida, une oro, Juanmak zuzentzen duen taldeak menperatu zuen. 0-3 irabazten hasi ziren eta nahiz eta etxekoek 2-3koarekin azkar murriztu [...]

Lauburu K.E. Ibarra Zaragozara joan zen ligako buruetako baten aurka neurtzera, Pinseque taldea hain zuzen ere. Partida zaila aurreikusi zen, eta halaxe izan zen. Aurkariaren kalitatea eta erasorako potentzial handiak izan ziren gakoak; hala ere, ibartarrek aurre egin zien aurkariei eta Zaragozatik, ekarri zutena baino askoz emaitza hobea ekar zatekeen. Partida etxekoen nagusitasunarekin hasi zen eta 6 minutuetarako bi tanto eginak zituzten jada; lehenengoa bigarren zutoinean konbinaketa bat amaitu ostean izan zen eta bigarrena korner batean egindako jokaldi batekin lortu zuten. Endikak geratzen zituen zuzeneko jaurtiketak eginaz, norgehiagokan nagusitasuna erakusten jarraitu zuten pinsequeko mutilak. Pixkanaka ibartarrak presioa areagotzen hasi ziren [...]

Aste honetan, Mahala Lauburu, Jubenilen Ohorezko Mailak, egutegiak hala aginduta atsedenaldia egingo du. Txubelen taldeari ez zaio batere gaizki etorriko, taldea nahiko jota baitago azkeneko bi jardunaldietan izandako emaitzak direla eta. Jardunaldi hau funtsezkoa izango da hainbat taldeentzat, Cerveranok, adibidez, Zierbenan jokatuko du eta Bizkaian irabaziz gero, titulua eskurago izango lukete errioxarrek. Txubelen mutilek Irurtzunera irteera prestatzen jarraituko dute, Xotaren aurka jokatuko baitute han, non azken urteetan ez dute ezer askorik ekarri handik; ondoren Belabietan bertan, Bilboren aurka eta ligaren amaierako jardunaldia Usabalen jokatuko dute Tolosako Laskorain taldearen aurka. Taldeari lanean jarraitzea dagokio eta hurrengo denboraldietarako lantaldea biziberritzen joatea. Filialak [...]

Datorren larunbatean, martxoak 5, Lauburu K.E. Ibarra Zaragozara joango da Pinseque taldearen aurka jokatzera. Txapelketako hogeita bigarren jardunaldia                                                                                                    arratsaldeko 18:00etan izango da. Mikel Diestrok zuzendutako taldea ez dago bere onenean, bigarren itzuli honetako lehenengo hiru jardunaldiak irabazi eta taulan seigarren postura iritsi ondoren, berdinketa bat eta bi porrot jasan dituzte azken hiru norgehiagoketan. Zori txarreko hiru emaitza hauen ondorioz zazpigarren postura jaitsi dira, Debabarrenak taulan gainditu egin dielako. Gipuzkoar bi taldeak berdinduta daude 33 punturekin. Hurrengo partidarako Arros, David, Joseba eta Iraitz bajan izango dira, eta Cristian berriz, bere lesiotik osatuta Zaragozara bidaiatzeko prest dago. Ibartar taldeak lesio-arazo larriak direla [...]

Saiatu ziren baina ezin izan zuten Cerverano taldea garaitu. Piparreroen taldean nozitzen ari diren baja guztiak nabarmen geratu ziren larunbateko partidan. Hala ere, ibartar jokalari gazteek dena eman zuten eta taldeari indarra helarazten errioxar jarraitzailez lepo zegoen kantxa batean azken minutura arte borrokatu zuten. Norgehiagoka etxekoen presio handiarekin hasi zen, 45 segundurako lehen tantoa egin zutelarik eta hirugarren minutuan bigarrena. hasiera txarra izan zen ibartarrentzat, 2-0ekoa zen eta Txubelek azkar zuzendu beharra izan zuen egoera. Minutu gutxira arbitroa lesionatu egin zen bandan irrist egin ostean eta partida epaile bakarrarekin utziz, jokalekutik kanporatu beharra izan zuen. Bederatzigarren minutuan, Tobik aldea murriztea [...]

Mikelen mutilak bigarrenez galdu dute etxean, ligako irabazlea den Colo Colo taldearen aurka eta 1-5eko emaitza sendo batekin. Partida txarra piparreroentzat, igande goizean jokatutakoa. Aragoiarren jokoari nahiko lanekin eutsiz hasi ziren; Colo Colo bizi-bizi atera zen hasiera-hasieratik, behin eta berriro inguratzen ziren arrisku egoerak sortuz eta etxekoei oso zaila egin zitzaien aurkariaren erasoak ekiditea. Zazpigarren minutuan markagailua estreinatu zuten bisitariek, Muniesak, Trasobaresen jokaldi bikain baten ostean jaurtiketa zuzen bat egiteko aprobetxatu zuenean. 0-1ekoa izan zen. Ondorengo minutuetan dinamika berak jarraitu zuen partidan, txapeldunak Lauburu menderatuz eta honek, trantsizio azkarren bidez gol-aukera gutxi batzuk sortzen zituelarik. Hamabigarren minutuan berdinketa iritsi zen, [...]