2018-2019 denboraldian 2.B Mailako taldea gidatzeko Alfredo Hualde nafarrarekin berritze akordioa itxi berri du Lauburu KE Ibarrak. Denboraldiaren azken sprintean hirugarren postua eta Errege Koparako pasea lortzeko lehian, tekniko nafarraren etorkizuna alde batera utzita zegoen, baina bi aldeen arteko harreman bikainak Ibarran jarraituko zuela iragartzen zuen. Tekniko nafarrak klubarekin eta bere kirol zuzendaritzarekin duen sintonia erabatekoa da. Esfortzu izugarria egiten du, eta distantzia, egoera pertsonala edota lan arazoak dira klubarekin harremana zailtzen dutenak. Juanan Rodriguezek, klubeko Kirol Zuzendariak, honela zioen: “Egindako lanagatik eta maila berean duen giza-kalitateagatik, Alfredo Hualdek berritzea erraz irabazi du, erakusten duen apaltasunarekin ingurukok zein aldagela bereganatu [...]

Atzo arratsaldean Belabietara inguratu zen afizioak kalitate handiko areto futbolaz gozatzeko aukera izan zuen. Ibarra eta Aragoiko Colo Colo taldeen arteko neurketarekin amaitu zen goiz-goizetik hasitako areto futbol saio ikusgarria. 10:00etan hasi zen eguna, jubenil kategorian Gipuzkoako finalaren norgehiagokarekin. Alfredo Hualderen jokalariak beren anbizioaren eta lehiakortasun izpirituaren erakustaldia egin zuten atzokoan afizioaren aurrean, honela, 2017-2018 denboraldiko ligari agur esanez. Banako azken emaitzak ez du 40x20an ikusitako guztia islatzen, bi taldeak gol gehiago sartzeko aukera asko izan baitzuten. Sailkapenari dagokionez bi taldeak kantxara etxeko lanak eginak atera baziren ere, garaipena lortzeko grinarekin sartu ziren partiduan zaleen gozamenerako. Bi taldeak atetik urrun [...]

LAUBURU KE IBARRA – COLO COLO Datorren larunbatean, lehenengo taldeak Belabietan Zaragozako Colo Colo taldearen kontra ligako bere azken partidua jokatuko du. Zorteak halaxe nahi izan du eta aurreko denboraldiko titulua berretsi duen ligako txapelduna eta sailkapenean hirugarren doan taldearen arteko norgehiagoka izango da denboraldi bikain honi amaiera emango diona. Jada Errege Koparako sailkapena lortuta, Alfredo Hualderen mutilak izango dute oraindik zer borrokatu. Moratuek etxean irabazi eta Sanjuandarrek Burgosen galduz gero, Lauburu bigarren postura igoko litzateke. Ia galdu gabeko bigarren itzuliaren ostean, moratuek harro egoteko hainbat erregistroekin eta multzoan gol gutxien jasan dituen taldea izaten amaituko du liga. Etxetik kanpora [...]

Bere historia emankorrean lehenengo aldia izango da Lauburu K.E. Ibarraren izena Errege Koparen aurreneko errondaren zozketan egongo dela. Lehenengo eta Bigarren Mailako talde guztiak parte hartuko duten torneoan egoteko saria iraila aldean jasoko du Lauburuk. Alfredo Hualderenak porrota bakarreko eta aurkarien jazarpen gogorreko bigarren itzuli baten ostean lortu duten harrapakina izan da. Hori baino garrantzitsuagoa, hala ere, neurri batean behintzat, klubari merezi duen postua itzultzearen lorpena da. Guzti hau atzoko partidaren ostean etorri zen, moratuek, atzokoan zuriz, ezer jokatzekorik ez eta umiltasunez jolastu zuen aurkari handi bat gainditu ondoren. Ibartarrak Guadalajara determinazio handiz garaitu zuten, intentsitate eta kontzentrazioarekin, atzoko [...]

Ibarrak garaipena topatu zuen berriro Nalda errioxarrei bere kantxan irabazi ostean. Markagailuak erakusten duena baino norgehiagoka landuago batean, Alfredo Hualderen mutilak atsedenetik hurbil zeudela desorekatu zuten beren aldera partidua, minutu bakarrean hiru gol sartuta. Moratuek pista zaila dela jakitun, oso bizi sartu ziren partidan eta pazientziarekin. Hasierako minutuetan tokiko taldeak ibartarren baloi irteera Peñaren atetik hurbil saiatu ziren eragozten. Gol aukerak pareko izan ziren tarte horretan, langara joan zen Andoni Carlosenaren jaurtiketa bat eta Andoni Agirrezabalak eta Igor Echarrik egindako hurbilketa arriskutsu batekin lehenengo tantotik gertu egon ziren, baina tokikoek ere, harrapatutako bi kontrekin disgustu bat emateko zorian egon ziren. [...]