Igandean jokatuko du Lauburu Ibarra Mahalak bere ligako hamargarren jardunaldia, eta Valle del Ebro taldearen aurrean jarriko dira Logroñora bidaiatu ostean. Eguerdian izango da norgehiagoka eta ibartarrak etxetik kanporako denboraldiko lehenengo garaipenaren bila joango dira. Igandeko norgehiagokarako Aitor Arevalo entrenatzaileak jokalari guztiak izango ditu eskura. Pasa den astean atsedenaldiagatik jokatu gabe egon ostean, ibartarrek gogotsu hartu dituzte berriro entrenamenduak. Errioxar taldeak defentsa baxuak eta itxiak erabiltzen ditu, kontraerasoari ekiteko helburuarekin. [...]