Areto futbola gustatzen bazaizu, edo kirol zoragarri hau probatu nahi baldin baduzu, Lauburu K.E. Ibarrak horretarako aukera ematen dizu. Datorren denboraldian gure taldean aritu zintezke. Hiru saioetan garatuko diren hautapen eta harrera jardunaldietan parte hartzera animatzen zaitugu. Saio hauek Belabietan izango dira. Beste inolako informaziorik jaso nahi izatekotan, harremanetan jar zaitez  627 459 940 telefonoan (Cesar), edo lauburukeibarra@gmail.com helbidera idatziz. ANIMA ZAITEZ!!!! Belabieta Kiroldegia. Ibarra Maiatzak 30 Mayo, Ekainak 6 eta 7 Junio Jaiota / nacido en                   Taldea/ Equipo          Ordua / Hora 2004-2005                             Infantila                   [...]

Bihar Astigarragan jokatuko den finalean postu bat lortzeko lehian, Laskorainen kontra egindako denboraldiko seigarren asaltoa, etxekoen aldeko 8-2ko emaitza irmoarekin amaitu zen Belabietan jokatu zen itzulerako partida, pasa den asteazkenean. Ibartarrak El Pozoren kontra jokatzeko burututako prestaketarekin eskuratu duten erritmoa agerian geratu zen pistan, eta Peña, Odei, Aitor, Zuri edota Agusen falta esanguratsuak izanda ere, taldea lasai eta erritmoarekin ibili zen aurkariaren atea modu jarraian mehatxatuz, postean sei bat alditan gutxienez, jo zutelarik. Atsedenaldira 3-0eko emaitzarekin iristeak iraganeko mamuak gogorarazteko balio izan zuen eta bigarren zatian ezustekoari aukerarik utzi gabe atera ziren berriro pistara. Eñauten partehartzea izan zen azpimarratzeko gauzetako [...]

Lauburu K.E. Ibarrak igande honetan agurtuko du liga eta liderraren aurrean egingo du, Zaragozan, Colo Colo taldearen aurrean. La Granja kiroldegian jokatuko dute 12:15ean azken partida hau. Klasifikazioari dagokionez garrantzi handirik gabeko neurketa da, bi taldeak ikusleek partidaz gozarazten saiatuko direna. Liderraren aurka jokatzeak motibazioan plus bat gehiago ematen du beti eta ibartarrak 16-17 denboraldi hau modu egokian itxi nahiko dute, hau da, hiru puntuak etxera ekarriaz. Mikel Diestrok ere, bere azken partida izango du moratuen entrenatzaile moduan, eta nola ez, modurik onenean agurtuko nahiko da, joko on batekin eta, nola ez, garaipenarekin. Klubak entrenatzaile bizkaitarrak egindako lan guztia eskertzen [...]

Gipuzkoako Ligako play offak jokatu ziren pasa den larunbatean Donostiako Mons kiroldegian. Lauburu K.E taldeko neskek Idiazabalen kontrako partidua 1-3 irabazi zutenez, Gipuzkoako txapeldun izendatu ziren. Arratsaldeko 18:00etan hasi zen partida. Harmailetan bildu ziren gure gertukoak: familia, lagunak eta lankideak. Jokatu ezin zuten taldekideak. Eta zelaian, aurrez aurre, izaldarrak eta ibartarrak. Aurretik hirutan jokatu zuten elkarren kontra eta behin besterik ez zuten lortu irabaztea Lauburukoek. Idiazabalgo taldea liga irabaztetik zetorren. Ia dena irabazita, irabazteko gosea zuten eta baita irabazlearen presioa ere. Lauburukoek, ordea, argi zuten ezer ez zutela galtzeko eta asko irabazteko. Beraz, presioa ez zen horrenbestekoa talde ibartarrentzat. Partida [...]

Mikel Diestro, lehenengo taldearen entrenatzaileak, ez du moratuekin jarraituko datorren ikasturtean. Bi aldeen artean adostutako erabakia gaur arratsaldez jakinarazi zaio bertako lantaldeari. Lesio eta oztopo ugariz betetako denboraldi hau, gorregia izan da prestatzailearentzat zein erakundearentzat eta biak ados dira, pilak kargatu eta etorkizunari indarberrituta aurre egiteko onena aldaketa bat egitea izango dela. Mikelek, Ibarrako parrokia honela agurtu nahi izan du: “Neure pasioa den kirol honetan profesional moduan jarraitzeko aukera emateagatik esker ona adierazi nahiko nioke klubari. Gorputz teknikoari ere bai; afizioari, hor egoteagatik, onean eta txarrean. Eta bereziki, bi urte zoragarri hauen egunerokoa partekatu dudan jokalari bakoitzari, kirolari bikainak guztiak, [...]

Lokal moduan denboraldiko azken partida zen eta afizioaren aurrean irudi ona uzten saiatu zen Ibarra. Gasteizko Aurrera taldeak, aldiz, kategorian jaitsiera burutu zuen atzo eta hemendik agur bero bat bidali nahi diogu, arratsalde guztian izan zuten jarrera ona zein urte hauetan jokatu ditugun partidetan erakutsi dituzten baloreengatik. Ziur laster izango direla bueltan. Hitzordu honetara iristeko batak edo besteak izan zatekeen urgentziari begira, alde handirik ez zen sumatzen partidaren hasieran. Lauburu bera, jokoan ezer gutxi izanda, biziago sartu zen neurketan eta laster ezarri zuen presiozko defentsa bat bisitarien erasoen aurrean. Nagusitasuna gauzatzen ari zela iritsi zen 0-1ekoa; Andoni Carlosenak egin zuen, [...]

Partida baloratzeari ekin aurretik Aljuzer El Pozo taldea zoriondu nahiko genuke eskainitako ikuskizunagatik; talde honen presentzia eta bere eskudoaren balorea gure kirol eta klub xumea sustatu nahian, partida guztian zehar egin zitzaizkien proposamen desberdinen aurrean erakutsitako profesionaltasuna eta laguntzeko borondateagatik, eskerrik asko eta zorionak garaipenagatik. [ngg_images source="galleries" container_ids="7" display_type="photocrati-nextgen_basic_thumbnails" override_thumbnail_settings="0" thumbnail_width="240" thumbnail_height="160" thumbnail_crop="1" images_per_page="20" number_of_columns="0" ajax_pagination="0" show_all_in_lightbox="0" use_imagebrowser_effect="0" show_slideshow_link="1" slideshow_link_text="[Mostrar presentación de diapositivas]" template="/home/lauburu/public_html/wp-content/plugins/nextgen-gallery/products/photocrati_nextgen/modules/ngglegacy/view/gallery-carousel.php" order_by="sortorder" order_direction="ASC" returns="included" maximum_entity_count="500"]Hau esanda, eta jokalari bisitarien kalitatea onartuta (kolektiboa eta banakakoa), hamabi gudari hauei gorazarre egitea dagokigu. Beldur sano batetik abiatuta, baina ilusio galantarekin, gau ahaztezin bat edo kalbario bat bilakatu zitekeen partida bati [...]

Lauburu K.E. Ibarrak denboraldi honetan Belabietan jokatuko duen azken norgehiagoka izango da. Oraingoan aurkaria Aurrera de Vitoria gorrixken taldea izango da eta 18:00etatik aurrera neurtuko dira. Moratuek ez dute ezer jokoan eta Gasteizkoek berriz, dena. Moratuentzat tramite hutsala izango da, baina Belabieta garaipen batekin agurtu nahiko dute. Aurrerak aldiz, bizitza du jokoan, beraz, salbaziorako dituen aukera guztiak agortzera dator.           Gasteizko taldeak bere aukerak agortuko ditu, une hauetan Santurtzik bost puntuko abantaila du eta sei jokatzeko; ez da lan erraza, baina badakigu, salbazioa lortzeko helburua izanda, ez dutela etsiko. Partida honek ondorengoa berotuko du, Lauburu K.E. Ibarra – Aljucer El [...]

Juanan Rodriguezen taldeak Aljucer El Pozo jasoko du, iazko Espainiako txapelduna. Tolosaldea eta Gipuzkoako futsal festa bikaina izatea espero da. Areto futbol nazional gorenari leiho bat irekitzeko eguna iritsi da. Larunbatean 20:30ean, El Pozo Murcia taldea, estatu mailako eskolarik onenetako bat, etorriko da Belabietara, Laubururentzat hirugarren abentura jarraian izango den Espainiako kluben txapelketa jokatzea. Orain bi urte Txubelek gidatutako jubenilak izandako partehartzearen ostean, zeinak Andaluziako Mutrayil taldearen kontrako partidan penalti agoniko batera iritsi ondoren ohore handiarekin erori ziren, eta Mikel Raposo eta Mikel Diestrok entrenatutako kadeteak aurreko denboraldian multzoen fasera iritsi ostean, aurten, Euskadi eta Kantabria lehiatzen diren liga bat [...]

Sailkatzea jokoan dagoenean, aurrera egitea edo atzean geratzea, emaitzak sekula baino garrantzia handiagoa du. [ngg_images source="galleries" container_ids="6" display_type="photocrati-nextgen_basic_thumbnails" override_thumbnail_settings="0" thumbnail_width="240" thumbnail_height="160" thumbnail_crop="1" images_per_page="20" number_of_columns="0" ajax_pagination="0" show_all_in_lightbox="0" use_imagebrowser_effect="0" show_slideshow_link="1" slideshow_link_text="[Mostrar presentación de diapositivas]" template="/home/lauburu/public_html/wp-content/plugins/nextgen-gallery/products/photocrati_nextgen/modules/ngglegacy/view/gallery-carousel.php" order_by="sortorder" order_direction="ASC" returns="included" maximum_entity_count="500"]Egoera horretan jokatu zuten asteburuan Lauburko neskek. Txanponaren bi aldeak zituzten jokoan: play offetako finalera sailkatu edo lehiatik kanpo gelditzea. 20:30ean aireratu zen txapona, hasi zen partida, eta alde bat zein bestea lortzea jokoaren esku ez ezik, zortearen esku ere egon zen ondorengo ordu betean. Urduri zeuden ibartarrak eta partidan sartzea kosta zitzaien ibartartarrei. Nahi eta ezin. Baloia batetik bestera mugitzen ahalegindu ziren, hutsuneak [...]