Etxetik kanpo bi partida jokatu ondoren, bihar Belabietara itzuliko gara 25. jardunaldiari dagokion  norgehiagoka inoiz baino gogotsuago jokatzeko. Gainera, Otxartaberen aurkako porrotak postu bat jaistea ekarri du, eta horrek esan nahi du bosgarren jarri garela, gure ametsetik puntu bakarrera. Horrela, oso argi daukagu geratzen diren partida guzti-guztiak final bat izango balira bezala biziko ditugula. Aurkariari dagokionez, sailkapeneko azken-aurreko postuan dago, 20 punturekin, 5 garaipen, 5 berdinketa eta 14 porroten ostean. Hala ere, parekotasunak ere jarraitzen du agintzen sailkapeneko azken postuetan, eta beraz, ez dago zalantzarik nafarrek gogor borrokatuko dutela mailari eusteko. Horri aurre egiteko, gure taldeak gogor entrenatu du [...]

Bihar Bilbora joango gara denboraldiko hogeita laugarren jardunaldia jokatzera. Bertan, Otxartabe CD izango dugu zain, gaur egun 8 puntu gehiagorekin taulan gure aurretik dagoen taldea. Zentzu horretan, badakigu bizkaitarrek beti jakin izan dutela goiko postuetan mantentzen, eta baieztatu dezakegunez, aurten ere egin dute lan ona hirugarren postu hori merezi ahal izateko. Hori kontuan hartuta, gure jokalariek ondo entrenatu dute astean zehar, eta prest daude erronka handi honi aurre egiteko. Gainera, batzea ezinbestekoa da oraindik, Zierbena eta San Juan etxean irabaztetik baitatoz. Are gehiago, nafarren kasuan, Otxartaberen aurka jokatu zuten eta 3 puntu batu zituzten 7-2ko emaitza sendoarekin. Aipatutako guztia [...]

Larunbatean Almonacid de la Sierrara joan ginen hogeita hirugarren jardunaldiari dagokion partida jokatzera. Astean zehar aurreratu genuen bezalaxe, une honetan porrot egiteak min handia egingo liguke, eta horregatik, ondo genekien zeri egin behar genion aurre. Horrela, Dani, Oscar, Uri, Txiki eta Boli bostekoarekin hasi genuen norgehiagoka. Ia lehen zati osoan zehar ikusi genuen berdintasun nabarmena kontuan hartuta (Almonaciden defentsa baxua oso ondo egituratuta zegoen), ez zen harritzekoa izan lehen gola hain berandu heldu izana. Izan ere, atsedenaldirako minutu bat falta zela iritsi zen, Chukyk aldeko penaltia bota zuenean (0-1). Aldageletatik itzuli ondoren, Dani, Oscar, Chuky, Uri eta Bolik eman zioten [...]

Bihar Almonacid de la Sierrara (Zaragoza) joango gara Ligako hogeita bigarren jardunaldiko partida jokatzera. Pixkanaka, amaierara hurbiltzen ari gara, eta astero multzoa osatzen dugun talde gehienok gero eta gehiago jartzen dugu jokoan, batez ere, sailkapenean dagoen berdintasuna dela eta. Esate baterako, gure kasuan, aste honetan, puntuak lortzen jarraitu behar dugu aurten Play Off-ean aritzeko helburuari eusteko, baina aurkariak ere hala behar du, jaitsiera postuetan baitago (13. postuan, 21 puntu pilatuta), eta irabazteak hortik irteteko eta arnasa pixka bat hartzeko balio diezaioke. Zentzu horretan, gure entrenatzaileak adierazi du partida oso konplexua izango dela eta gureek defentsa lan ona egin beharko [...]

Larunbatean aurkari zuzen baten bisita jaso genuen Belabietan: AD San Juan nafarra. 2B mailako ezagun zaharrak izanik, jakin bagenekien neurketa oso parekatua egongo zela, eta ezin izango genuela segundo bakar bat ere despistatu hiru puntu batu ahal izateko. Horrela, Dani, Boli, Uri, Txiki eta Oscar bostekoarekin hasi genuen norgehiagoka, eta lehen minutuetan, baloiaren jabetza mantentzen jakin genuela iruditu zitzaigun. Hala ere, lan ona egiten ari zen aurkaria, eta zaila egin zitzaigun jokaldiak amaitzea. Horrela, lehen zatiko 11. minutura arte itxaron behar izan genuen arratsaldeko lehen gola ikusteko, Dylanek area inguruan lapurtu eta baloia Txikiri pasatzean (1-0). Aurretik jartzea funtsezkoa [...]

Bihar AD San Juan talde nafarraren bisita jasoko dugu Belabietan, 18:30ean, eta Play Off-a jokatu ahal izateko beharrezkoa den laugarren postua berreskuratu ondoren, ez daukagu besterik buruan. Are gehiago, badugu helburu zehatza: ahalik eta gehien urruntzea taulan estutzen gaituzten talde horietatik. Izan ere, Iker Torok zuzentzen dituenak dira hain justu soilik 2 puntu gutxiagorekin atzetik jarraitzen gaituztenak. Beraz, 3 puntu lortzen ez baditugu, eszenatokia nabarmen zailduko da guretzat, 22-23 denboraldia amaitzeko jardunaldi gutxi falta diren honetan. Horren aurrean, gure entrenatzaileak jokalari guztiak sartu ditu deialdian (Ilias eta Eric lesionatuak izan ezik, ofizialki jakinarazi dugun bezala, ez batak ezta besteak [...]

Bigarren itzuliko lehen norgehiagokan harte zuen min Iliasek, hain zuzen, Antxoko gure bizilagunen aurka urtarrilaren 14an etxean jokatu genuen partidan. Orain, erresonantzia eginda, hezurretako edema endomeduarra nabari da pubiseko bi mutur artikularretan. Horren ondorioz, jokalariak kantxatik urrun egon beharko du lesioaren egoeraren eta bilakaeraren beste balorazio bat egin baino bi hilabete lehenago, gutxienez. Beraz, baieztatu dezakegu Melillakoa baja izango dela 22-23 denboraldiaren baitan gelditzen diren jardunaldi guztietarako. Dena dela, Ibarran geldituko da Ilias, eta fisioterapeutarekin errekuperazio-lana egiten jarraituko du, gutxi gora behera duela hilabete batetik egiten zuen bezala; izan ere, ez da lehen aldia kirol-jarduera bertan behera utzi behar [...]

Larunbatean Albeldara (Errioxa) joan ginen hamargarren jardunaldiari dagokion partida jokatzera. Azken boladan gauzak ondo ateratzen ari zaizkigulako lortu dugun aparteko laguntzarekin, jarrera horri eusteko gogoz irteten ginen zelaira, dena eman, eta aurretik datorren guztiari ahalik eta hobekien aurre egin ahal izateko. Horrela, Dani, Oscar, Chucky, Txiki eta Uri hasierako bostekoarekin hasi genuen neurketa. Lehen zatia oso berdinduta egon zen, eta alde batera zein bestera erori ahal izan zen balantza; izan ere, azken minutura arte itxaron behar izan genuen markagailuan aurretik jartzeko (Uri, min 19). Horrela, lehen 20 minutuetan ikusitakoa kontuan hartuta, jakin bagenekien hurrengoak ere oso zailak izango zirela, [...]

Bihar Errioxara joango gara CFS Albeldaren aurka jokatzera. Egun, 19 puntu soilik pilatzen ditu aurkariak, eta ondorioz, arrisku egoeran kokatzen da. Gure taldeari dagokionez, azken bi jardunaldiei esker, behar genuen bultzada lortu dugu; izan ere, buru-belarri aritu gara lanean, bietan gehitzea lortu dugu, eta hainbeste behar genuen jarrera ikusi eta erakutsi dugu jokoan. Horrela, aste honetako helburua da 3 puntu lortzen jarraitzea, San Juanek Almonaciden aurka galtzen badu, laugarren postua berreskuratu ahal izateko. Era berean, garrantzitsua da Nafarroako Tafaren aurretik mantentzen jarraitzeko, hurbil-hurbiletik jarraitzen gaituelako eta oraingoan Antxoko bizilagunei aurre egin behar dielako. Horrekin guztiarekin, gure entrenatzaileak jokalari guztiak [...]