Lauburu Ibarra Mahalak 3-1 irabazi zion Asturiasko Rodiles taldeari eta bigarren itzuliko talderik onena izaten jarraitzen du. Ibartarrak 7 norgehiagoka irabazi eta berdinketa bat egin du bigarren itzuli honetan, eta Belabieta beren gotorlekua bilakatu da, liga guztian bertatik pasa diren taldeetatik inork ez baitu garaipenik lortu, etxean jolasten duten oro, gazte ibartarren sendotasuna agerian geratzen da. Sailkapenean azken postuan zegoen talde baten aurrean jarri ziren moratuak eta etxekoentzat partidu erosoa izango zela aurreikusi zitekeen, baina entrenatzaileak astean zehar jokalariei jakinarazi zien moduan, erasoan zein defentsan oso ideia garbiak dituen taldea da Asturiaskoa. Erasoan joko bertikala egiten du, ia elaboraziorik [...]

Ligako hogeigarren jardunaldi honetan, Lauburu Mahala Ibarrak Rodiles FS jasoko du larunbatean 16:00etatik aurrera Belabietan. Ibartarrak Bilbon lortutako azken garaipenaren ostean Asturiaskoen aurrean ere, irabaztera aterako dira. Aste Santuetako atsedena eta gero, talde moratua ligako azken ostikoei begira itzuli da entrenamenduen errutinara. Txapelketa amaitzeko hiru partida besterik geratzen ez diren honetan, Aitor Arevaloren mutilak handitzen ikusi ditugu lehiaketa guztian zehar, eta liga hasiera traketsaren ostean, jarraian 9 garaipen eta 3 berdinketako bolada on bat egitea lortu dute. Asturiasko taldea zazpi punturekin sailkapeneko azken postuan dago, baina lortutako puntuetako bat ibartarren kontrako joaneko partiduan lortu zutela gogoratu behar da. Norgehiagoka hartan, [...]

Lauburu Ibarra Mahalak 2 eta 5 irabazi zion Gora Bilbao Red Blue taleari oso lehiatua izan zen partidu batean, eta honekin galdu gabeko hamabigarren jardunaldia gehitzen du taldeak. Hainbat jokalariek astean zehar izan dituzten minen ondorioz aste zaila izan da, baina moratuek laneko arropa jantzi eta hasierako minutuetan kontra jarri zitzaien partidu bat erremontatzea lortu zuten. Baloia tokikoentzat izan zen hasieran, eta bisitariek bitartean, baloia pistaren hiru laurdenetan eta pista erdian estutzen zuten. Bertako taldea teknika zein taktika aldetik asko hobetu da eta garbi izan zuen hasieratik norgehiagokaren planteamendua, bandako sakea ateratzean edo baloia berreskuratzean markak oso estuak zirenean, [...]

Lauburu Mahala Ibarrak 3-0 irabazi zion Valle del Ebro errioxar taldeari eta puntuak gehitzen jarraitzen du hamaikagarren jardunaldiz jarraian. Norgehiagoka zail bati egin behar izan zioten aurre ibartar gazteak, bisitariak defentsa zortzi metrora jarri baitzuen, espazioetan indartu eta kontraerasoak lantzeko xedearekin. Ibarrak aurkariaren atea jarraian erasotzen zuela hasi zen partida, baina arriskurik gabe. Aitor Arevaloren jokalariak bisitariak ezarritako defentsa baxua irakurtzeko gai ez ziren eta ondorioz, entrenatzaileak hutsartea eskatu behar izan zuen partida hasi eta zazpi minutura, partiduan sartzea kostatzen ari zitzaion talde bat ordenatu nahian. Bisitariak errotazio murriztuarekin, tokikoek baloiaren zirkulazioan egingo zuten akatsaren esperoan ikusten ziren, kontra batean [...]

Lauburu Ibarra Mahala konpetiziora itzuliko da larunbatean Valle del Ebro errioxarren kontrako norgehiagokan. Belabietan izango da 16:00etatik aurrera. Ibartarrak bi asteko atsedenaldia egin dute eta jokatutako azken partiduan, FS Castroren kontra lortutako berdinketa garratz hura gogoan, garaipen berri bat gehitzeko eta ligako lehenbiziko hiru postuetan egoteko ahaleginak egingo dituzte. Moratu gazteak asko eta gogor entrenatu dute azken aste hauetan, eta bigarren itzuli honetako talderik onena dela erakutsi nahi dute. Horretarako, ligako azken 10 partiduetan 7 garaipen eta 3 berdinketa lortzea eraman dituen maila igotzen jarraitzeko helburua ezarri dute. Aurkaria zazpigarren postuan kokatua dago, 19 punturekin; 55 gol sartu ditu eta [...]

Jubenilen Ohorezko Mailak porrotaren zaporea duen berdinketa bat lortu zuen FS Castro Urdiales liderraren kontra jokatutako partiduan. Moratuek hasieratik bukaeraraino hobeak izan ziren, eta beren jokoa eta aukerak ikusita irabazi egingo zutela zirudien, baina azken metroetan amaitzeko efikazia faltagatik garaipenik gabe geratu ziren Aitor Arevalorenak. Oso elektriko hasi zen norgehiagoka, bisitariek erditik atera eta ibartarrak aurkariaren jokoa estutzera joan ziren zuzenean. Holaxe joan ziren partiduko lehenengo konpasak, Laburuk baloia oso bizkor mugituz eta bisitaria atzean utzi nahian. Lehenbiziko ekintza arriskutsuak ibartarrek egin zituzten, abantaila numerikoa izan zuten egoeratan, hau da, lehenengo lerroan ostutako baloiekin, baina ez zuten amaitzea lortzen. Zortzigarren [...]

Lauburu Ibarra Mahalak liderra jasoko du Belabietan datorren larunbatean, Kantabriako FS Castro Urdiales. 16:00etan izango da eta ligako hamabosgarren jardunaldiari dagokion norgehiagoka jokatuko dute. Moratuek erasoan zein defentsan ere, konfiantza handiarekin daude eta konpetizioko talderik golegilenari irabazten saiatuko dira. Kostaldeko talde hau izugarrizko denboraldia egiten ari da, Gonzalo Zubiaurrek gidatutakoak edozein beldurtzeko zenbakiak pilatu dituzte: 12 garaipen eta porrota bakarra, Xotaren kontra 3-0 galdutakoa; orain arte jokatutako 13 norgehiagoketan sartutako golen kopurua 86koa da eta jasotakoak berriz, 28koa. Zenbaki horiek partiduko 6 gola baino gehiagoko bataz bestekoa ematen dute bere alde, eta jasotakoen bataz bestekoa aldiz, bi gol baino [...]

Lauburu Mahala Ibarrak 2-5 irabazi zuen Pola de Sieron (Asturias) egindako norgehiagoka eta beste garaipen berri bat gehitu du. Garaipen honekin, Belabietan Castro lider geldiezinaren kontra jokatuko duen partidurako konfiantza hartu du. Moratuek bidai luze bati egin behar izan zioten aurre eta hasiera txar baten ostean (bost minuturako 2-0 galtzen eta 5 falta pilatuta zeuden), osatu eta joko on bat zein defentsa indartsu baten bidez asko zaildu zen partiduari buelta ematen jakin izan zuten. Tokiko taldea oso bizi sartu zen partiduaren hasieratik eta oso bertikal. Hirugarren minutuan, falta bat ateratzean, alderatze bat aprobetxatuz aurreratzea lortu zuen, eta minutu bat geroago [...]

Lauburu Mahala Ibarrak Asturiasko Pola de Siero herrira bidaiatuko du larunbatean, bertako taldearen kontra jokatzeko iluntzeko 18:45ean. Ibarrako espedizioa 10:45ean aterako da Belabietatik. Moratuek ligako azken hiru norgehiagoka irabazi dituzte eta 24 puntuetatik 20 eskuratu; garbi dago goiko postuak lortzeko lehian bolada on honekin jarraitu nahiko dutela. Inauteriak amaitu diren honetan, Aitor Arevaloren mutilak asteburuko neurketari begira jarrita itzuli ziren entrenamenduetara asteazkenean. Aste motza izan da hala ere, bi egunetan entrenatuko dute, baina azken asteetan jokoaren hainbat alderdietan egindako akatsak zuzentzeko baliatuko dituzte. Siero FS taldea ligako errebelazio taldea bilakatu da, 21 punturekin bosgarren postuan daude, eta 7 norgehiagoka [...]